Loma 1:16 - Seysyo No Tao

¹⁶ Ko ipeyhanhan o Mapasaray a Ciriciring na ni Ama ta do to. Ta ori rana am oyowyat na ni Ama ta do to a omahap so omanoyong jya tao do kapyapyan. Oya rana am manmanma a nipeylimwang do tao do Yotay a kapacitonton da no beken a tao do Yotay.

Loma 1:16 ပူးပေါင်းရင်းမြစ်များ

Make 8:38

O tao rana do karawan sicyaikwaya am yatey yaro rana o raraten da. No amyan so tao a macimanig nyaken a kano ciring ko am no meysinaoli ko a Nipamnekan na ni Ama ta do to a tao a macihza do azwazway ni Ama ta do to a kano aro a tinsi am abo nakenakem ko sya.

Locya 9:26

No myan so macimanig nyaken a kano ciring ko am no meysinaoli ko a Nipamnekan na ni Ama ta do to a macihza do azwazway ni Ama ta do to a kano aro a tinsi am abo nakenakem ko sya.

Yowani 7:35

Maniring sira o panipanirsirngen da no tao do Yotay do kadwan jira am, “Do wanjin na angayan a ji tamo makakalai sya. Yamangay saon a yameyvahay do Sila a amnanao sira so kasina ta no inawan?

Nimlivolivon 3:26

Am ori o panmanman na jyaten a tao do Yotay a tovoyan na si Yeso a somidong jyaten a ikaro ta do marahet a icicirawat ta.”

Loma 10:17

So ikanoyong no kayapo na do kapakamizing so ciriciring na ni Kizisto o peyhanhanan ta nya.

Loma 15:19

So nikowyat ko a mapeyvazay so mapeyzokab a vazay do kanimoyat na jyaken no Seyzi. Am ori o nipapwan ko sya do Yelosaleng a kangay na do Ididiko o yako peylimwangan no Mapasaray a Ciriciring na ni Kizisto.

Loma 15:29

Ko katenngan, ta si mangay ko jinyo do dang am arako o sarasaray ta a itoro na jyaten ni Kizisto.

Loma 2:9

O yameyraraten rana tao am tana tao do Yotay a tana beken a tao do Yotay am abo jira o makaliklik so alalaw da.

Loma 4:11

O peypeypangayan na no kayongkad da do kataotao na am nivonas na rana ni Ama ta do to o raraten na, ta nipeyhanhan na si Ama ta do to. Am ori nipancyan na nya abo rana so raraten. Ori o da abnekan si Apolahan a ama da no yameyhanhan ni Ama ta do to a tao. Tana ji da yongkaji o kataotao da am to na rana abneken sira abo so raraten do kapeyhanhan da ni Ama ta do to.

1 Kedinto 15:2

O Mapasaray a Ciriciring na ni Ama ta do to o nipakahap nyo so to meyyonong a ikavyay no pahad nyo. So pangozayan nyo jya an, ta no si ji nyo mangozay am abo o peypeypangayan na no kanoyong nyo ji Yeso Kizisto.

1 Kedinto 2:2

Ta mina to ko na mamneki do kabo no yamatarek a yako inanao jinyo. Ta si Yeso Kizisto a nipadket da do jyojika o yako inanao jinyo.

1 Kedinto 2:4

O nipeylimwang ko a ciriciring am beken a masalit a amizngen. So ko ji meyhanhani no ciring ko. Ta yako ipeyhanhan o Seyzi a omoyat jyaken a mapatwaw sya.

1 Kedinto 9:12

No akman sang o karwan no tao a mangakday jinyo am ikongo ikarahet namen akman sang so nakenakem jinyo. Am namen kajyakmanan so sang. Ta namen to liliwa o namen kakcin a kano namen kahen. Ta ikasengseng na meylimwang no Mapasaray a Ciriciring na ni Kizisto no si myan so tao a manci nyamen a magom so itoro nyo.

1 Kedinto 9:18

Am ikongo o azaw ko ang. O mahap ko am kasaray ko a meylimwang no Mapasaray a Ciriciring na ni Ama ta do to a ji ngahap so itoro da jyaken a kahanhanan na ni Ama ta do to.

2 Kedinto 2:12

No kangay ko do Teloya ili a meylimwang no Mapasaray a Ciriciring na ni Yeso Kizisto am niwangan na rana ni Yeso o angayan ko peyvazayan.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

2 Kedinto 9:13

O akman rana sang a ipanidong nyo so tao am ipakateneng da jinyo no aro a tao a yaomonot ji Kizisto a yaji mapasala do nanao ni Kizisto a yamanidong so tao. Am ori o da miminan so azwazway a itoro ji Ama ta do to no aro a tao.

Cyalatay 1:7

Am to ko na mancyan jinyo am abo o ikadwa na no Mapasaray a Ciriciring na ni Ama ta do to. Am da kapeykawaw jinyo no tao a komaro do manoyong a nanao ni Yeso Kizisto.

1 Tesalonicya 2:13

Namen masangib a yasomaray nya ji Ama ta do to. Ta o namen nipeylimwang a ciriciring na am nyo na nimamizing. Nyo na nimahap. So nyo ji mancii nya ciring no tao, ta nyo anoyngan ori a ciriciring na ni Ama ta do to. Ta o ciring ori am yaomoyat do onowned nyo a yarana omanoyong ji Yeso Kizisto.

1 Timotay 1:11

O manoyong a pangozayan a ciring am yapo do Mapasaray a Ciriciring na ni Ama ta do to a somidong jyaten. Am ori o azwazwayan ta si Ama ta do to an. So na ikanoyong no nang a yako ipeylimwang a ciriciring.

2 Timotay 1:12

Ori o yana niyapwan no alalaw ko. Am cyaha, ta yako katenngan si Yeso a yako ipeyhanhan. So ko anoyngan ji Yeso a makasidong jyaken a mapeyvazay so vazay na mangay do araraw no ikeypirwa na mai.

2 Timotay 1:16

Inaoy no ikasi na ni Yeso a Panirsirngen ta si Onaysevo a yasa ka vahay. Ta yamasangib ori a yamai a yamapasaray jyaken. So na ji macimasneki nyaken a nipteng da.

2 Timotay 1:8

Am ori o ji mo asneki a meylimwang ni Yeso a Panirsirngen ta. Ji mo macimasnekan yaken a nipteng da mahap so vazay na ni Kizisto. So ahapan mo so alalaw ta no kapeylimwang ta no Mapasaray a Ciriciring, ta na sidongen imo ni Ama ta do to.

Sipolay 4:12

O Ciriciring na ni Ama ta do to am tey rako o oyowyat na. So ikowyowyat na pa kano matarem a takzes a to makatjip so asisi a kano totowang. So ikakman na sang so kowyowyat no Ciriciring na ni Ama ta do to a makateneng do onowned a nakenakem no tao.

1 Pite 4:16

Am no amyan so alalaw nyo do kapanaralay nyo am ji nyo macimasnekan. Isaray nyo ji Ama ta do to o yanyo kapacikazway do ngaran ni Kizisto.