Kelosi 4:8 - Seysyo No Tao

⁸ Am ori o ko tovoyan sya yamangay jinyo do dang a manci no namen kapiya do jya a ipait na jinyo so onowned.

Kelosi 4:8 ပူးပေါင်းရင်းမြစ်များ

1 Kedinto 4:17

So tovoyan ko si Timotay a mangay jinyo do dang. Ta iya rana do ta raralayan ni Yeso am ney mowyat ori akma koy anak. So pazimanan na sya jinyo so ahahapan ko sya, do ko kararalay ni Yeso Kizisto. Ori rana am nipangnanao ko rana ori do peycyakyokyokayan na.

2 Kedinto 1:4

Na sidongen yamen do aro a alalaw namen. So ikanoyong namen a mangozay do pangangarilawan na a marilaw no makasazi so makakaday a alalaw da tao.

2 Kedinto 12:18

Nipanci ko si Tito a mangay a tomazogaw ninyo. So nipanovoy ko so tao a macihza jya a mangay. Am nilittan na inyo ni Tito? Jyabo na kaji macingayan jyaken so nakem a. Jyabo namen kaji meyyangangayan no namen ahahapan sya a.

2 Kedinto 2:7

Inyo rana am to nyo peykabobwa, apwapwen nyo o akman sang a tao an. Ta marahet o katey meyngen na so onowned.

Ivoso 6:22

Am ori o yako pasonsonan sya mangay a manci nya jinyo so namen kapiya do jya a kapait na pa so onowned nyo.

Veydipi 2:28

Am ori o ko naknakman so kakeykai ko rana tomovoy sya do vahay da. So ikasasaray nyo a macikaop rana jya. So ikapyapya na rana no akman sang.

Kelosi 2:2

O ko ikakman sang am ko kakzeben o kasaray nyo so onowned a masicyakarilaw. So ikapinpin na no nang a ko tey kakza inyo a manoyong rana makateneng do nanao ni Ama ta do to a omagaz ji Kizisto.

1 Tesalonicya 2:11

Nyo katenngan o nakenakem namen jinyo. Ta yakman so inyapwan a mahakay a amvavaga do minapodpod jya,

1 Tesalonicya 3:2

Namen nitovoy o akma tey kakteh do cinai si Timotay a mangay jinyo do dang. Iya rana am kararay namen a mahap so vazay na ni Ama ta do to a meylimwang no Mapasaray a Ciriciring na ni Kizisto. O namen nitovoyan sya am sidongen na inyo a komdeng so nakem a omraralay ni Ama ta do to,

1 Tesalonicya 3:5

Am ori o ko nitovoyan si Timotay a mangay jinyo. Ta ko ikasinalaw inyo. O ko nitovoyan sya am ipakateneng namen do nakenakem nyo si Ama ta do to. So namen ji nganoyngi jinyo a na nilittan rana ni Satan. Ta no si manoyong o akman sang am akma nameney jya ninanao inyo no kakwa pa.

1 Tesalonicya 4:18

Ahapen nyo o ciriciring eya a ipait nyo so onowned no kadwan jinyo a ipasaray nyo sira.

1 Tesalonicya 5:11

Am ori o ipasipapait nyo a mapamizing so kadwan jinyo, akman so yapiya nyo ahahapan sya sicyaikwaya.

1 Tesalonicya 5:14

Yanamen ipanci pa jinyo manga keypong am pazimanen nyo sira o malelma a tao an, a kapait nyo so mahayo so onowned a tao, kasidong nyo so jyakdeng so nakem ji Ama ta do to. Tana apiya so ahahapan sya, tana marahet so ahahapan sya tao am to nyo peyyangaya o nakenakem nyo sira.

2 Tesalonicya 2:17

Inaoy no si pasarain na o onowned nyo a kapait na jinyo a jyablis so nakenakem a mapeyvazay so meykamadadayan a apiya vazay a kapanci nyo no apiya ciriciring.