Kelosi 4:7 - Seysyo No Tao

⁷ Si Ticiko rana akma tey kakteh do cinai am ipanci na jinyo o namen kapiya do jya. Iya rana am tey makdeng a mahap so vazay na ni Ama ta do to. So namen ipeyyangay a yamahap so vazay ni Ama ta do to a lamlamsoy na.

Kelosi 4:7 ပူးပေါင်းရင်းမြစ်များ

Nimlivolivon 20:4

O nimacihza jya am tao do Peyloya, anak na ni Pilo a meyngaran so Sopate a kano tao do Tesalonicya a meyngaran so Aditako a kani Sikongto a kano tao do Tepey a meyngaran so Cyayo a kano tao do Yasiya a meyngaran so Timotay a kani Ticiko a kani Teloveymo.

Veydipi 2:25

Ko naknakmen o katovoy ko so akma tey kakteh do cinai a si Ipaloti a mangay jinyo do dang. Ta iya rana am arako o nisidongan na jyaken do kanitomovoy nyo sya jyaken, do katey mowyat na a macipeyvazay jyaken.

Kelosi 1:7

Nyo nimahap o pangangarilawan na ni Ama ta do to ji Ipava a kararay namen a yaji mapasaklang do vazay ni Yeso Kizisto.

Kelosi 4:12

Si Ipava rana a keylyan nyo am yakman sang a yameyminaminasi ninyo. Iya rana am lamlamsoy ni Yeso Kizisto a masangib a meynozi ninyo. Ipeynozi na o kakdeng nyo so nakem ji Ama ta do to a meypahagnat so nakem a manoyong a omonot do nakem na ni Ama ta do to.

Kelosi 4:9

O yamacihza jya am akma tey kakteh do cinai si Onaysemo a tey mowyat so nakem ji Ama ta do to. Iya ori am keylyan nyo. Cyaha, ta ipanci da jinyo no yararwa ang o vazay namen do jya.

2 Timotay 4:12

Si Ticiko rana am ko na nitovoy a yamangay do Ivoso.

Tito 3:12

Ko naknakmen a tovoin si Atema no beken a si Ticiko a mangay jimo do dang. So ji mo meypahahai a mangay do Nikepodi a mapananala jyaken. Ta nipamnekan ko na o kato ko ngyanan do dang sicyamyan eya.