Kelosi 3:8 - Seysyo No Tao

⁸ Am sicyaikwa rana ya am zavaten nyo na o akman sang a vazay. Ji nyo na peyneynama o karahet no iyangay nyo abo so panganyanigan a mapeyyan do onowned so oyaoyyan nyo no tao a mangangavay a mapatwaw so makararahet a ciring.

Kelosi 3:8 ပူးပေါင်းရင်းမြစ်များ

Matay 5:22

Am ko ipanci jinyo am o macioya do akma ney kakteh do cinai am raraten na rana ori. Omavay so akma ney kakteh do cinai a abo so angangayan a tao am to rana angayan o akman sang a tao do pacicicyan. O mapasagsagpyan so akma ney kakteh do cinai am mangay do makotokotod a lila no apoy.

Make 7:22

kasagpyan na so aktokto, kapangagom na, kapangalalas na, kaji na apzatan do iwawalam na, kapanginanahet na, kapanamwad na, kapahama na so nakem na, kapamait na a meyraraten.

Loma 13:13

To ta peynara o icicirawat do maraw. Ji ta to ngyop so saki. Ji pasagpyana o aktokto. Ji maciskaskad. Ji manginanahet.

1 Kedinto 3:3

Ta inyo rana am nyo pa pangozayan o icicirawat no tao. Ta amyan pa jinyo so yamanginanahet a kano yamgalagal a tao. O na ikakman sang am kakownongan na no nyo kapacikaop pa do karawan.

2 Kedinto 12:20

O ko ihawa si mangay ko jinyo do dang am macita ko inyo a macitarek rana so nakenakem. Macita nyo yaken a macitarek so nakem jinyo. Ko ihawa ko kapakacita so manginanahet a kano maciskaskad a kano maoyaoyahen a kano mabayo a kano manamwad a kano mangamizing so ciring do palawawan, mapazway a kano mapeyvonag so tao.

Cyalatay 5:15

Am no si akman kamo so omalalam a somongisongit so kadwan jinyo am jyabo kapya nyo a.

Cyalatay 5:20

manaralay so malas a iraralay a kano mamnek a kano meyliliman a kano maoyaoyahen a kano mararaten a kano mapeysyasyay so nakem no tao,

Cyalatay 5:26

Ji ta mapahama so nakem. Ji ta pasozisozya o kadwan jyaten. Ji ta manginanahet.

Ivoso 4:22

karwan nyo na o adan a nakenakem nyo a yamngingit jinyo do peyraratenan nyo.

Ivoso 4:25

Am ori o ji nyo na mangononongi so malas. O manoyong a ciring o patwawen nyo do akma nyoy kakteh do cinai, ta tamo mamimin a akma ney peyvongvongwan no kataotao ni Kizisto.

Ivoso 4:26

No si meyoyaoya kamo am ji kamo na to meyraraten. Taosya o kato nyo pasdepan so araw a meyoyaoya.

Ivoso 4:29

Taosya o marahet a ciring a makowbot jinyo. Ta o makasidong so tao a kano ikapya no tao a ciring o patwawen nyo. Ta ori o ipakasidong nyo so omamizing so ciring nyo a tao.

Kelosi 3:5

Am ori o to nyo peykaboboi so marahet a ikeykakza nyo, akman so mapasagpyan so aktokto a kano makakaday a marahet a aktokto a kano mangagom. Ta o mangagom rana ya am akmey to na raralayan o kakzeben na no nakem.

Kelosi 3:9

Ji nyo palasa o ciring nyo. Ta nyo na nikarwan o adan a nakenakem nyo a kano adan a iwawalam nyo,

1 Timotay 1:13

Am tana niraherahet ko si Yeso no kakwa pa a kapakakasi ko sira pasnesneken so omanoyong jya am na ikarilaw yaken ni Ama ta do to, ta no kanang am ji ko nganoyngi pa si Yeso. So ji ko makatenngi do vazay ko.

1 Timotay 1:20

O akman rana sang a tao am si Siminay a kani Yadisanta. So ko na nitorwan nira ji Satan a italamozong na, ta ori pa o ipakateneng da do apya, kaji da na rehrehtan si Ama ta do to.

Sipolay 12:1

So yada ikatey yaro no tao a ta rana nimacita so kakdekdeng a meyhanhan ni Ama ta do to no kakwa. Am ori an o akasan ta na so makakaday a ikasengseng jyaten a kano raraten ta yakmey omvaod jyaten a kowyat ta so onowned a akman so malayo a ji macimaza do palaywan na angayan.

Yake 2:7

Sira rana o katenngan a tao a aro so nizpi am da rehrehten o mazway a ngaran ni Yeso Kizisto a nyo pacingaranan.

1 Pite 2:1

Am ori o karwan nyo do makakaday a marahet a vazay. Taosya o kapangononong so malas. Taosya o kapakatanteneteneng nyo. Taosya o kapanginanahet nyo. Taosya o kapanraherahet nyo so tao.

2 Pite 2:18

Sira rana am sya mapatwaw so rako a ciring a tomirara so vayo pa niomtad no peyraratenan da tao.

2 Pite 2:7

Nivyay na o meyngaran so Lote, do kapya no onowned na. Iya rana am ikarahet na no onowned sira o meyraraten a tao.

Yota 1:13

Sira akman so otab no awa yarana todapengkad so raraten. Sira akman so ananayo a jyatenngi so angayan. Am o angayan na nira ni Ama ta do to am to meyyonong a kasarisaryan.

Yota 1:8

O yamalas so ipangnanao a tao am akman sira so sang. Ta da to mangozangozai o aktokto da yamapasagpyan so kataotao da. Da kolalahen o oyowyat na ni Ama ta do to. Da ipeyzozominyak o tinsi do teyngato.

Ipaziman 16:9

O tao am kakwatan no azidangdang no araw. Am ori o nyavayan da so tey mowyat a Tao do to a tomalamozong no alalaw. So ji da ngaroi do peyraratenan da. Ji dakzan o kasaray da ni Ama ta do to.