Kelosi 3:5 - Seysyo No Tao

⁵ Am ori o to nyo peykaboboi so marahet a ikeykakza nyo, akman so mapasagpyan so aktokto a kano makakaday a marahet a aktokto a kano mangagom. Ta o mangagom rana ya am akmey to na raralayan o kakzeben na no nakem.

Kelosi 3:5 ပူးပေါင်းရင်းမြစ်များ

Matay 15:19

O mapo do onowned am amyan dang so makakaday a nakenakem no tao a ipeyraraten a mangap so tao, mangzakza, manakaw, mangalalas, manamwad.

Loma 1:26

O akman sang a vazay da am to na macipanadngi ni Ama ta do to o onowned da a somagpyan. Ta o mavakes rana am mangzakza sira so kehngehngay da no kolit.

Loma 1:29

Yamakakaday o raraten do onowned da akman so mangagom, manginanahet, manwakwak so tao, mapatongtonggal, mangalalas a kano mangamaog no tao so ciring.

Loma 6:13

Ji nyo mamyapyan o peyvongvongwan nyo a peylamlamsoin no raraten. Ta itoro nyo o kataotao nyo ji Ama ta do to a mahap so vazay na. O torwan nyo no kataotao nyo ji Ama ta do to am ahapen nyo o apya vazay na. Ta iya o na yapwan no vayo a inawan ta.

Loma 6:6

Tamo na katenngan o adan ta onowned a yarana akmey nimacizanod ji Kizisto a nipadket do jyojika. So ikanoyong ta na a nikomaro rana do raraten ta. So ikabo na rana no oyowyat no raraten a tomalamozong nyaten.

Loma 7:23

Am kapeylamlamsoy na so kataotao ko no raraten. Ori o yamaciliman do ikakza no onowned ko. Am ori o yako icyakmey mavaod no raraten.

Loma 7:5

No kato ta pa mangozayan do adan a onowned ta a meyraraten am nipatwaw no iwawalam na ni Moyse o raraten ta do onowned ta. Am o kapalit no raraten am mangay do makotokotod a lila no apoy a mangay no makwa.

Loma 8:13

Ta no si to nyo mangozai o adan a onowned nyo am jyabo kaji nyo angayan do kararatan a. Am no si onotan nyo o Seyzi a komaro do raraten nyo am jyabo kaji nyo avyayan do teyngato a.

1 Kedinto 5:1

Yamanoyong o kanimakamizing ko so keyyan na jinyo no mapasagpyan so kataotao na. O akman rana sang a vazay am ji da mya no ji manaralay a tao. O nimamizing ko am amyan so tao a mapasagpyan so nakenakem na do kaminan na.

1 Kedinto 6:11

Yamyan jinyo so nimakman so sang no kakwa. Am kanivonas na rana so raraten nyo ni Ama ta do to. So nyo rana ipacikownongan ji Ama ta do to a kabnek na rana ninyo a abo so raraten do tangain na, do kapeyhanhan nyo ni Yeso Kizisto a Panirsirngen ta kano katalamozong na jinyo no Seyzi na ni Ama ta do to.

1 Kedinto 6:13

Amyan so tao a manci no, “O kanen rana am ioran do velek. O cinamaog no velek am kanen.” So ji na alasi nang. Am beken a to meyyonong o yameykadwa ya. O cinamaog ta am beken a pasagpyanen ta o kataotao ta, ta o kararalay ta ni Ama ta do to. So ikanoyong na ni Ama ta do to a mapeyveyveken jyaten.

1 Kedinto 6:18

Am ori o ji nyo pasagpyani so kataotao nyo an. O makakaday a raraten am ji mapeykaraherahet so kataotao. Am o mapasagpyan so kataotao da am peykarehrehten da o kataotao da.

2 Kedinto 12:21

Ko ihawa o kapacimasesnek ko ninyo do tangain ni Ama ta do to no ipisa mangay ko jinyo. Jyabo kaji ko lavyan a makacita so aro a somagpyan a kano mangzakza no kakwa pa a ji mamlis so nakem a tao a.

Cyalatay 5:24

O yaomanod ji Yeso Kizisto a tao am akma dey nipazanod o marahet a nakenakem da do jyojika ni Yeso Kizisto, do kanimawakwak na no raraten ta.

Ivoso 4:19

Da jyatenngi o da kanigan a yato mangozangozay do nakem da yamapasagpyan so aktokto da.

Kelosi 2:11

So na rana iyan no yongkad nyo a yamonganay ji Ama ta do to a tao, do nyo kapacikaop ji Kizisto. Am o yongkad rana am beken a monganay do kataotao. Ta yamonganay ori ji Kizisto, do na kaniomyavayo so onowned nyo.

1 Tesalonicya 4:3

O nakenakem na ni Ama ta do to am kakzeben na o kazngang no onowned nyo. Ji na mamyapyan inyo a mangzakza so icyatatao nyo.

1 Tesalonicya 4:5

So ji nyo mapasagpyani so kataotao nyo an. Ji kamo macyangangay do yato nazibo ni Ama ta do to.

1 Timotay 6:10

O makza rana no nizpi am yapwan na no meycyamadadayan a raraten na. Ta amyan so tao a tey makza no nizpi a to ngaro rana do manoyong a nanao na ni Ama ta do to. So ikaro na rana no ikeyngen na no onowned.

Sipolay 12:16

Taosya o kapasagpyan nyo so aktokto nyo. Ji nyo nginara si Isaw a meyparai ji Ama ta do to a mangazaw no ngaran na kabnekan ni ama na, do kaooo na no pinaring na kanen ni wari na.

Sipolay 13:4

Naknakmen nyo o kakdeng no meysinmo a tao. Masipanadnadnad kamo so nakem a marwarog do vahay. Ta o mapasagpyan so aktokto a tao am pasingsingtan na ni Ama ta do to.

Sipolay 13:5

Ji nyo pahama o kakzan nyo no nizpi. Isaray nyo no onowned o amyan rana jinyo. Ta maniring si Ama ta do to am, “To meyyonong o kaji ko ngarwan jimo. So ji ko mapaveyvowi jimo a manta nimo so kalahen mo no nakem.”

Yake 4:1

Do wanjin na kapwan no yamapeyliliman jinyo. Manngwa, beken a yapo do malas a onowned nyo?

1 Pite 2:11

O ko ipanci pa jinyo manga keypong am tamo akmey miseysan do karawan. Ji nyo to ngonongonongi o nakenakem nyo. Ta o marahet a onowned ta am ipeyparai ta ji Ama ta do to.

Ipaziman 21:8

Am sira rana manyahey a tao a kano ji nganoyong jyaken a tao a kano somagpyan a kano manwakwak a kano mangzakza so icyatatao da kano manlita no oyowyat ni Satan a kano manaralay so malas a iraralay a kano mangalalas a tao am amyan so akmey awa so karakorako a lila no apoy a omapanala sira. Ori rana am ipirwa kawakwak ori.”

Ipaziman 22:15

Am sira rana somagpyan a kano manlita no oyowyat ni Satan a kano mangzakza so icyatatao da kano mangap so tao a kano manaralay so malas a iraralay a kano jyanoyong so ciring a kano iwawalam am mamimin sira mavezed do pantaw no ili.