Kelosi 3:4 - Seysyo No Tao

⁴ Si Yeso Kizisto rana am yapwan no to meyyonong a ikavyay no pahad nyo. Si mirwa mai si Yeso am ipanta na inyo so vayo a kataotao nyo a pazanoden do azwazway na.

Kelosi 3:4 ပူးပေါင်းရင်းမြစ်များ

Matay 13:43

No si marateng rana ori am o ji meylimoteng so nakem do italamozong ni Ama ta do to am akman sira so araw a maniray. So amizngan nyo sya an, peyyanen nyo do onowned nyo ori an.

Locya 17:30

O araraw no yai ko a Nipamnekan na ni Ama ta do to a tao am akman so sang.

Yowani 11:25

Maniring si Yeso am, “Yaken o mapeyvangon so nimawakwak a tao. Yaken o yapwan no inawan no tao. Tana nimawakwak rana sira o omanoyong jyaken am mirwa pa sira mavyay.

Yowani 14:3

No si manoyong o kangay ko a meykala ninyo so yanan nyo am meysinaoli ko pa a mangay a omahap jinyo a kapacitovong nyo jyaken.

Yowani 14:6

Maniring si Yeso am, “Yaken am rarahan nyo. Yaken am yanan no manoyong a nanao. Yaken am yapwan no to meyyonong a ikavyay no pahad nyo. No ko abo am abo tao a makatanggeh ji Ama ta do to. So ika yaken no ipakatokod nyo ji Ama ta do to.

Yowani 17:24

“Mo Ama, o mo nitoro jyaken a tao am inaoy si amyan sira do angayan ko. So ikanoyong da makacita so azwazway ko a nitoro mo jyaken. Ta nimanoma rana o aglaglaw mo jyaken no kaji na pa amaogan no karawan.

Yowani 20:31

O yanipadketan so karwan na do vakong eya am anoyngan nyo ji Yeso a Misayya a Anak ni Ama ta do to. O manganoyong a tao am mahap da o to meyyonong a ikavyay no pahad da.

Nimlivolivon 3:15

Am ori o nizakatan nyo si Yeso a yapwan no to meyyonong a ikavyay no pahad. Am kanimapeyvangon na sya ni Ama ta do to. Yamen rana am yongkad na yamen a nimakacita sya.

Loma 8:18

Ko naknakmen o alalaw ta sicyaikwaya am jyabo kapakataha na so yaomanam a azwazway ta no makwa.

Loma 8:19

O yamakakaday a na nyamamaog ni Ama ta do to am yada toda ji nalla o araraw no ipeytotwaw no azwazway na do omanoyong jya tao.

1 Kedinto 1:7

So yana ikabo no yana jya nitoro jinyo no Seyzi a oyowyat a kano teneteneng nyo, do nyo kapanala si Yeso Kizisto a Panirsirngen ta a mai.

1 Kedinto 15:43

O nibobo rana tao am abo o oyowyat na. Am no mirwa ta mavyay am tey mazway ta na.

2 Kedinto 4:17

O yaji meyyonownay a alalaw namen eya am ipakahap namen so maharahara pa, a to meyyonong a azwazway namen ji Ama ta do to.

Cyalatay 2:20

Am ori an, ikabeken a yaken rana no yamavyay sicyaikwaya. Ta si Kizisto rana o yamavyay do onowned ko. O yako ikavyay sicyaikwaya am yako ipeyhanhan o Anak na ni Ama ta do to. Na nikarilaw yaken a na nyangay no inawan.

Veydipi 3:21

Pangozayan na do oyowyat na ipanod na so makakaday do sinokob no hanit a iblis na so kataotao ta do karawan. So icyakman takamo so kataotao na ni Yeso a maniray a ji rana wakwak.

1 Tesalonicya 4:17

Am yaten rana yamavyay pa am pehzahen na yaten jira a katkaten do cinalab a kapakacita ta na si Yeso do hanit. So ikanoyong ta a macitovong ji Yeso a mangay do kaidan no karawan.

1 Timotay 6:14

So hapan mo so manoyong a nipakolivava ko jimo a ciriciring. So ikabo no karatan mo mangay rana do araw na no yai ni Yeso Kizisto a Panirsirngen ta.

2 Timotay 1:1

Yaken rana am si Pawlo ko a lamlamsoy na ni Ama ta do to a nipamnekan na ni Yeso Kizisto a omlivolivon no ciriciring na. Yaken rana am yako ipeylimwang o mina ciring na jyaten ni Kizisto a ipakahap ta so to meyyonong a ikavyay no pahad ta a omraralay nya.

2 Timotay 4:8

Am ori o na iyan no azaw ko apo ji Ama ta do to. Ta si mai rana o yamapeyyangangay a mapacici a Panirsirngen ta am itoro na rana jyaken. Am beken a yaken o torwan na nya. Ta itoro na ori do tao a amraralay nya kano somaray a amnanala sya a mai do teyrahem.

Tito 2:13

So ikanoyong ta mapananala so ipeygegcin na no Tao do to ta si Yeso Kizisto a kapacizanod ta somaray do azwazway na. Ta iya o mapatazadang jyaten do teyngato.

Sipolay 9:28

Yakman sang si Kizisto a ipisa mapatanang so kataotao na a ivonas na so raraten no aro a tao. So ikeypisa na pa mai do teyrahem. Am beken a raraten o vazay na. Ta mangay na hapen sira o mapanala sya tao.

1 Pite 1:13

Am ori o ipeytataziman nyo a mahap so vazay na ni Ama ta do to a meyhanhan nya a manta ninyo so aryarilaw na no mai rana si Yeso Kizisto.

1 Pite 5:4

Ta no si makaranes rana o araraw ni Yeso Kizisto a yaomaponged ninyo am manoyong o kapakahap nyo rana so yazaw na jinyo a to meyyonong a azwazway nyo do teyngato.

1 Yowani 2:28

Ji nyo ngawawan o kapacikaop nyo ji Kizisto, manga ovay an. Ta no si marateng o araraw no yai na am abo rana ikarahet nyo no onowned do tangain na.

1 Yowani 3:2

Manga ovay, yaten rana sicyaikwaya am anak na yaten ni Ama ta do to. Am yapa jyatenngi sicyaikwaya o keyteytawan ta no makwa. Am katenngan ta o kakman ta si Kizisto so kataotao no mai, ta manoyong o kapakacita ta sya no mai.

1 Yowani 5:12

O tao a omanoyong do Anak na am amyan jya o to meyyonong a ikavyay no pahad na. O ji nganoyong do Anak ni Ama ta do to am abo jya o to meyyonong a ikavyay no pahad na.

Yota 1:24

Apzatan na inyo ni Ama ta do to a kaji nyo meyraratenan. So ikanoyong nyo a masaray a abo so karatan a mangay do tangain na ni Ama ta do to a macikazway jya.

Ipaziman 2:7

O ciring no Seyzi so peycyakyokyokayan na am amizngen nyo a yameycicilwan a tao an. Sira rana yamakata tao am ipanta ko sira so oyowyat da a koman so asyasi no kayo a yapwan no to meyyonong a ikavyay no pahad da ji Ama ta do to do teyngato.’

Ipaziman 22:1

Makarahan am ipacita na pa jyaken no tinsi o asa ka ayo a yapwan no to meyyonong a ikavyay no pahad a to meylacilat a akma raney panganinwan a apo do lilisnan ni Ama ta do to a kano Kagling.

Ipaziman 22:14

“O manownaw rana so onowned a tao am tey yapya sira. Ta sira rana am sira o apya koman so asi no kayo a yapwan no to meyyonong a ikavyay no pahad. So ika sira da no somdep do pazezevngen no ili.