Kelosi 3:1 - Seysyo No Tao

¹ Inyo rana am kamo rana akmey nimacizanod ji Kizisto a nimirwa a mavyay. Am ori an, naknakman nyo kato nyo ngotokotan so onowned a omahap so apyahen na vazay ni Kizisto. Ta iya rana am yamyan do wanan na ni Ama ta do to.

Kelosi 3:1 ပူးပေါင်းရင်းမြစ်များ

Matay 22:44

‘Maniring si Ama ta do to do Panirsirngen ko am: Amlisna ka do wanan ko mangay si balinasen ko sira o macioya jimo a tao.’

Matay 26:64

Maniring si Yeso am, “Yamanoyong o mo ipanci ang. Am ko pa ipanci jinyo am macipinda sicyaikwaya o kapakacita nyo jyaken a Nipamnekan na ni Ama ta do to a tao a amlisna do wanan na ni Ama ta do to a maciralay do cinalab a meygegcin do karawan.”

Matay 6:20

Apyapya pa o kakzan nyo no kangangay nyo do teyngato. Ta abo do dang o vozsok a koman sya. Ji raci do dang. Abo dang o manakaw a tao.

Matay 6:33

So ikapinsan na no kakza nyo no katalamozong na ninyo ni Ama ta do to a omahap so isaray na vazay. Ta ori o torwan na nya jinyo so apyahen nyo no nakem.

Make 12:36

Oyatan no Seyzi si Tawey am maniring am, ‘Yamaniring si Ama ta do to do Panirsirngen ko am: Amlisna ka do wanan ko mangay si balinasen ko sira o macioya jimo a tao.’

Make 14:62

Maniring si Yeso am, “Noon. Manoyong. Mamimin kamo a makacita so Nipamnekan na ni Ama ta do to a tao a omlisna do wanan na ni Ama ta do to a meygegcin do cinalab a mai do teyrahem.”

Make 16:19

Teyka na ni Yeso o aro a ciring a ipanci jira am meycyakavat rana mangay do teyngato a omlisna do wanan na ni Ama ta do to,

Locya 12:33

Ipanazang nyo o peymeymasaodan nyo a isidong nyo so ji makahakaw a tao. So ikanoyong nyo amyan do teyngato so peymasaodan a kano kangangay, ta abo dang o tao a tomakaw sya. Abo dang o vozsok a koman sya. So ikanoyong na no peymeymasaodan do dang a ji nyo a giji.

Locya 20:42

Ta maniring si Tawey do nivatvatkan a anwanood am, ‘Maniring si Ama ta do to do Panirsirngen ko am: Amlisna ka do wanan ko,

Locya 22:69

Am makeykai ko rana amlisna do wanan na ni Ama ta do to a ney mowyat na an.”

Nimlivolivon 2:34

O nipanci na ni Tawey am beken a o kataotao na o nipanci na a nimangay do teyngato. Ta maniring do nivatvatkan na a omagaz ji Yeso am, ‘Maniring si Ama ta do to do Panirsirngen ko am: Amlisna ka do wanan ko,

Nimlivolivon 7:55

Am nioyatan no Seyzi si Setiven. Tangarahen na o hanit am macita na o azwazway ni Ama ta do to a kani Yeso a meytatanek do wanan na ni Ama ta do to.

Loma 8:34

Am sino paro o yamanci no kaoya na nyaten ni Ama ta do to no makwa. Jyabo asa ka tao a. Ta si Yeso Kizisto rana nimawakwak a kapirwa na mavyay am yamyan rana do wanan na ni Ama ta do to a yameyneynozi nyaten.

Loma 8:6

O italamozong no adan na onowned a tao am mangay do kararatan. O italamozong no Seyzi am mahap da o ikapiya no onowned da kano to meyyonong a ikavyay no pahad da.

2 Kedinto 4:18

Namen jyakzan o macimalag do mata namen a monganay do karawan. Ta namen ikeykakza o yajyacita no mata. Ta ori rana am ji meyyonownay ori. Am o yajyacita no mata am to meyyonong ori.

Ivoso 4:10

O nimeygegcin do karawan am iya o nimeycyakavat do teyngato. O ikakman na sang am na itoro do tao do karawan o mapeyzokab a aryarilaw na.

Ivoso 5:22

Inyo rana a mavakes am amizngen nyo o kahanghangan nyo akman si Yeso Kizisto a yanyo amizngen a Panirsirngen ta.

Kelosi 2:20

Inyo rana yameyngongyod a macikaop ji Kizisto am ji nyo rana pasaklanga o adan a marahet a icicirawat nyo, do nyo kaji ngonotan rana do adan nyo a icicirawat. Am ikeykongo kamo ya a yapa macizavoz do icicirawat da no tao do karawan,

Kelosi 3:2

Makowyowyat kamo a amnakenakem so vazay do teyngato. So ikabeken a vazay do teyrahem no naknakmen nyo.

Sipolay 1:13

Ji na pa nipanci ni Ama ta do to do tinsi o, “Amlisna ka do wanan ko, mangay no si balinasen ko sira o macioya jimo a tao.”

Sipolay 1:3

Yatomwaw jya o azwazway ni Ama ta do to. Iya rana am akma ney kataotao ni Ama ta do to. Na kalopkopen no oyowyat no ciring na o makakaday do karawan. Nikawakwak na o raraten no tao a kangay na rana do teyngato amlisna do wanan ni Ama ta do to a meypanirsirngen.

Sipolay 10:12

Am o nipatanang na ni Kizisto a kataotao na am ipisaha. Am tey rako oyowyat na amvonas so raraten ta mangay do kaidan no karawan. So yana ilisna do wanan ni Ama ta do to.

Sipolay 12:2

To ta peyyononga a peyyanen do onowned ta si Yeso Kizisto. Ta iya rana am nimapapo so kapeyhanhan ta ni Ama ta do to. So ika iya na no mapeynyangavosan syaha. Ji na nikamama o jyojika do tangain na. To na nazibwan o peyleylakan da sya a wakwaken do jyojika. Ta katenngan na o kapeyvoga no sarasaray na no makwa. So na rana ilisna do wanan na ni Ama ta do to sicyaikwaya.

Sipolay 8:1

O yamakdeng a yata malavat am yamyan so ney manhama na mapatanatanang nyaten so nakem ta si Ama ta do to. Iya rana am si Yeso a yamhezsad do wanan na ni Ama ta do to do teyngato.

1 Pite 3:22

Yana myan si Yeso Kizisto do teyngato a yamlisna do wanan ni Ama ta do to a yatomalamozong no tinsi. So ji da makapeysopoi do oyowyat ni Kizisto no makakaday do teyngato.