Kelosi 2:9 - Seysyo No Tao

⁹ Ta yamanoyong o nakem na ni Ama ta do to a yarana nimacimalag ji Kizisto.

Kelosi 2:9 ပူးပေါင်းရင်းမြစ်များ

Matay 1:23

“Amyan so ji meylimoteng so onowned a mavakes a mangalavat so mahakay. O ngaran na am Imaneydi.” O peypeypangayan na am, “Macilovot jyaten si Ama ta do to.”

Locya 14:22

Meyratateng am to na mangozai no lamlamsoy na o ciring na. Meysinaoli am ipanci na do lawpan na, ‘Ko na nimimin a nipeyvazay o ciring mo am yapa myan so lilisnan a yakabwan no tao.’

Locya 3:22

So niyan na no Seyzi akman so hato a someyked do kataotao na. Am ori o niyan no ciriciring a nimapo do teyngato. Maniring am, “Manoyong ka Anak ko an. So sarayan ko nimo an.”

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Yowani 1:16

Yateywara o pangangarilawan na a na itoro jyaten. O aryarilaw na jyaten am yabo yakasaraw a na ipeywalam.

Yowani 10:30

Namen akmey yasa si Ama.”

Yowani 10:38

Am tana ji nyo nganoyngi yaken am anoyngan nyo o vazay ko an. Ta ori o ipakateneng nyo ji Ama yamacikaop jyaken. Ta yako macikaop jya.”

Yowani 14:20

No si marateng o araraw no nang am katenngan nyo o kapacikaop ko na ji Ama. So ikakman nyo sang a macikaop jyaken. Akman jyaken a yamacikaop jinyo.

Yowani 17:21

Ko ipeynozi sira kakma dey yasaha, mo Ama. Inaoy si macikaop sira jyaten, akman jimo a ka nyaken a yakmey yasaha. Inaoy si akmey yasa sira. So ikanoyong da no tao do karawan a makateneng do kanitomovoy mo jyaken do teyrahem.

Yowani 2:21

Am o paingan ni Yeso so ciring na am kataotao na.

Nimlivolivon 17:29

“No manoyong ta akma ney anak am ji ta naknakma o kapehngay ta si Ama ta do to do nipariparing no tao no apya so kolit a kano kayo a kano veysen a pehngehngain da ji Ama ta do to.

2 Kedinto 5:19

O yanamen ipeylimwang a ciriciring eya am na nipangozayan si Yeso ni Ama ta do to a yamapanop jyaten a tao do karawan. Na ji nita o raraten no tao. So na torwan nya jyamen so nanao na a meylimwang nya do tao a kanop da rana si Ama ta do to.

Kelosi 1:19

Ta kakdain na ni Ama ta do to o Anak na macikto jya so kadmayan.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

Tito 2:13

So ikanoyong ta mapananala so ipeygegcin na no Tao do to ta si Yeso Kizisto a kapacizanod ta somaray do azwazway na. Ta iya o mapatazadang jyaten do teyngato.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

1 Yowani 5:7

Meykatlo o macyanoyong jya.