Kelosi 2:8 - Seysyo No Tao

⁸ Makapzat kamo. Ji nyo ngonoci o mapeycyakawad jinyo a nanao no tao do karawan. Ta o akman rana sang a nanao am apo do tao no kakwa. So ji na monganai ji Kizisto no da ipamizing jinyo.

Kelosi 2:8 ပူးပေါင်းရင်းမြစ်များ

Matay 10:17

Azimanen nyo o amrakep jinyo a kano mangay ninyo do pacicicyan a kabakbak da jinyo do peyneynozyan,

Matay 16:6

Maniring si Yeso jira am, “Azimanen nyo o akmey kosozi no odong a yamyan do tao a macyagom do Vadisay a kano macyagom do Satokay.”

Matay 7:15

“Azimanen nyo o malas so ipangnanao a tao. Ta akmey apiya o ipangnanao da am jyakman sang, ta tey manginanawa sira a mangalalas so ciring.

Nimlivolivon 17:18

Amyan dang so mangnanao no nanao ni Ipikolo a kani Sitoke. Sira rana am nimai sira macinekanekad ji Pawlo. Maniring o kadwan jira am, “Ikongo na ipanci no nya a yajyapsepsek ang.” Amyan so manci no, “Yana ipanci o da iraralay no tarek a pongso.” Ta o ipeylimwang na ni Pawlo am si Yeso a kano keypirwa na nimavyay.

Nimlivolivon 17:32

Mamizing da si Pawlo a manci no keyyan no nimawakwak a tao a nimirwa mavyay am ipeykeykaming da. Maniring o tatasa jira am, “Namen tey kakza pa yamizngen o mo ipangnanao.”

Loma 16:17

Manga kakteh, o ko ivavaga jinyo am azimanen nyo sira o mangamaog so ciring a ipeyvwak da jinyo a iraherahet da so nakenakem da no amraralay ni Ama ta do to. Azimanen nyo sira o amlikolikod do manoyong a nanao a nimamizing nyo. Ta o akman rana sang a tao am ji nyo macikasngeni sira.

1 Kedinto 10:12

Am ori an, no myan so makeylamdam so nakenakem na ji Ama ta do to a makdeng rana am meytataziman ori an. Ta kalittan an.

1 Kedinto 8:9

Am azimanen nyo. Ta ji nyo akwan kapya na jinyo o kato nyo mangozayan do kataotao nyo. Ta panadnaden nyo sira o malma pa so onowned a amrahet pa sya.

2 Kedinto 10:5

Namen pahawahen so makakaday a mapazway a ciriciring a kano malas a nakenakem a yada izazat do tao a makateneng ji Ama ta do to. So namen pangozayan do oyowyat ni Ama ta do to a yamapanod so ji manaralay a tao ji Kizisto.

Cyalatay 1:14

Makdekdeng ko pa kano kapalangayan ko a tao do Yotay a mahap so iwawalam namen do anodan namen a tao do Yotay. Tana nanao da no ineynapo namen no kakwa am akman sang, ta tey makdeng ko a mangozay jya.

Cyalatay 4:3

Akman sang an, ta no kaji ta pa meypahagnatan so nakenakem ji Kizisto no kakwa am akma tey lamlamsoy a italamozong no jyapsepsek a iwawalam no tao do karawan.

Cyalatay 4:9

Am nyo katenngan si Ama ta do to sicyaikwaya. So na ipakateneng jinyo ni Ama ta do to a akma ney anak. Am ikongo kamo a yapa mangay amwoli so makanyaw a iwawalam nyo a abo so peypeypangayan. Manngwa, nyo apyapyahen pa o kakma nyoy lamlamsoy no makanyaw?

Cyalatay 5:15

Am no si akman kamo so omalalam a somongisongit so kadwan jinyo am jyabo kapya nyo a.

Ivoso 2:2

No kano nang am onotan nyo pa o malas a vazay da no ji manganoyong a tao a kano ciring ni Satan a yatomalamozong no meyraraten a tao.

Ivoso 4:20

Am abo o akman sang a nanao na ni Kizisto a nimamizing nyo.

Ivoso 5:6

Am ori o ji nyo litai do kadwan jinyo a manci no kapya no akman sang a vazay. Ta o akman rana sang so icicirawat a tao am amyan so oyaoyyan na nira ni Ama ta do to no makwa, do kaji da niomonotan do nanao na ni Ama ta do to.

Veydipi 3:2

Azimanen nyo sira o meyraraten a tao a omalalas do nanao na ni Ama ta do to. Sira rana am tao do Yotay a yamanci no kayongkad do kataotao.

Kelosi 2:18

Ji nyo ngonoci sira o mapakateneteneng a tao a manci no kapakacita da so mapangyangyalak a vazay a kano tanwasiwasi a amraralay no tinsi. Ta mapehes jinyo o akma ney nakem jinyo ni Ama ta do to. Ta o akman rana sang a tao am to da mangozangozai o nakem da a tanteneteneng.

Kelosi 2:20

Inyo rana yameyngongyod a macikaop ji Kizisto am ji nyo rana pasaklanga o adan a marahet a icicirawat nyo, do nyo kaji ngonotan rana do adan nyo a icicirawat. Am ikeykongo kamo ya a yapa macizavoz do icicirawat da no tao do karawan,

Kelosi 2:22

Manoyong o kabo no peypeypangayan no akman sang a iwawalam no tao. Ta o meycyamadadayan a isovo a kanen am makeykai a gomcin do kataotao.

Kelosi 2:23

No citahen sira o amraralay no tinsi a kano tanwasiwasi a kano mapeyzaza so kataotao da manaralay so malas a iraralay am akmey apiya sira. Am sira rana am ji da pariparing o aktokto da do kataotao da. So ikabo no peypeypangayan na.

1 Timotay 6:20

Imo rana mo Timotay, anak ko am ahapen mo o nipakolivava ko jimo a vazay eya an. Peyyanen mo do onowned mo o vazay eya an. Ta ji mo ngapa o abwata so angangayan a ciriciring.

2 Timotay 3:13

Ta o meyraraten rana tao a kano mangnanao no malas a tao am meypeyparahet o vazay da. Ta alalasan da o tao am akman sang sira kalittan.

Sipolay 13:9

Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.

Sipolay 3:12

Inyo rana akma koy kakteh do cinai am meypepzat kamo an. Ta kalittan o onowned no tatasa jinyo a meyparai do to meyyonong a Tao do to ta a ji manganoyong.

1 Pite 1:18

Naknakmen nyo o kaji na nitombosan jinyo ni Ama ta do to no monganay jinyo a ovay, do nyamoon nyo a malas a icicirawat no ineynapo nyo no kakwa.

2 Pite 3:17

Am nyo na katenngan o yakman sang a ciring, manga kakteh. So azimanan nyo sya, ta kalittan kamo so onowned a peykowawen so nakem no yaji macipayok so nakem a tao.

2 Yowani 1:8

Makapzat kamo an. Ta ori o iyan no kakownongan no vazay namen jinyo. So ikanoyong nyo a makahap so nakem na jinyo ni Ama ta do to no makwa.