Kelosi 2:3 - Seysyo No Tao

³ Si Kizisto o na yanan no makakaday a teneteneng.

Kelosi 2:3 ပူးပေါင်းရင်းမြစ်များ

Matay 10:26

“Am ori o ji nyo anyahei no tao an, ta mamimin o matayo a vazay a mababa. So icyakman na sang no ji meycicicyan a vazay a meytotwaw.

Locya 11:49

Am o mina ciring na ni Ama ta do to am, ‘Manovoy ko so panoyonoywan ko so ciring ko a kano nipamnekan ko a tao a omlivolivon no ciriciring ko a mangay jira. Am wakwaken da sira o karwan da. Am o karwan da am peyraraheten da sira.’

Loma 11:33

Yatey rako o pangangasyan na ni Ama ta do to. Ta yabo o makahap so teneteneng na. Sino makapatak no ahahapan na sya ni Ama ta do to. Sino makateneng do vazay na.

1 Kedinto 1:24

Am do tao do Yotay a kano beken a tao do Yotay a nipamnekan na ni Ama ta do to a omanoyong ji Kizisto am katenngan da si Kizisto a yanan no rako a oyowyat na ni Ama ta do to a kano teneteneng na ni Ama ta do to.

1 Kedinto 1:30

Am si Ama ta do to o yanimapanop jinyo ji Yeso Kizisto. So na ikanoyong a na yapwan no teneng ta. Iya o na niyapwan no yamvonas so raraten ta. Am ori o na abnekan jyaten ni Ama ta do to a abo so raraten do tangain na. So icyakma tey matnaw a ranom so onowned a macilovot ji Ama ta do to a ji na rana nalamozongan no raraten.

Ivoso 1:8

O pangangarilawan na ni Ama ta do to am ta na ipakateneng do na ahahapan sya ni Ama ta do to.

Kelosi 1:19

Ta kakdain na ni Ama ta do to o Anak na macikto jya so kadmayan.

Kelosi 1:28

Si Kizisto o namen ipeylimwang do aro a tao. Am ori o na ikabo no namen jyasapa rana a ipeylimwang do tao a ivavaga jira, ipaziman sira, a kanoyong da rana a meypahagnat so nakenakem a amraralay ni Yeso Kizisto.

Kelosi 1:9

Mamizing namen inyo am masangib namen a meynozi ninyo. Ipeynozi namen o kapanta na ninyo no Seyzi so makakaday a teneteneng a makateneng do nisidongan na jinyo ni Ama ta do to a kano peypalanginan na ninyo.

Kelosi 3:16

Pakolivavahen nyo do onowned nyo o nanao ni Kizisto. Pangozayan nyo o teneng a nitoro na jinyo ni Ama ta do to a macinanannao. Meyyanwanood kamo so Anwanood ni Tawey a kano meyngongyod apo do onowned nyo a yanood nyo si Ama ta do to.

Kelosi 3:3

Ta inyo rana am yamyan rana jinyo so vayo a onowned nyo a ji nalamozongan rana no raraten. Ta kamo rana macikaop ji Yeso Kizisto a kani Ama ta do to.

2 Pite 1:5

Ori o ikowyowyat nyo pa mapeypahagnat so nakem ji Ama ta do to. Ta ori o ikapya na no icicirawat nyo. Meypahagnat kamo so aktokto. Ta ori o ipakazab nyo so nakenakem na ni Ama ta do to.

Ipaziman 2:17

“ ‘O ciring no Seyzi so peycyakyokyokayan na am amizngen nyo a yameycicilwan a tao an. Sira rana a jya nimablis so onowned a tao am itoro ko jira o kanen apo do teyngato a meyngaran so mana a yajyasingkad no mata sicyaikwaya a kapanta ko nya so malavang a veysen a adketan no vayo a ngaran. O mahap so veysen a tao o makateneng do ngaran a domket do veysen ang.’