Kelosi 2:2 - Seysyo No Tao

² O ko ikakman sang am ko kakzeben o kasaray nyo so onowned a masicyakarilaw. So ikapinpin na no nang a ko tey kakza inyo a manoyong rana makateneng do nanao ni Ama ta do to a omagaz ji Kizisto.

Kelosi 2:2 ပူးပေါင်းရင်းမြစ်များ

Matay 11:25

No kanang am maniring si Yeso am, “Mo Ama a Panirsirngen do teyngato a kano karawan, ko isaray jimo, ta mo nibengbeng do mapakateneteneng a tao o aro a vazay, a mo kapatwaw sya do yamapehbo so nakem da a tao,

Matay 11:27

Maniring pa si Yeso jira am, “Yamamimin o meycyamadadayan a na nitoro jyaken ni Ama. So na ikabo no tao a makateneng jyaken. Ta si Ama o yamakateneng jyaken a Anak na. Yabwata o tao a makateneng ji Ama. Ta yaken a kano nipamnekan ko o makateneng jya. So ikabo no matarek a tao a makateneng jya.

Matay 13:11

Tovisan ni Yeso am, “O ji na nipatwaw pa a peypeypangayan na do talamozongan na ninyo ni Ama ta do to o nipanci ko jinyo. Am o karwan no tao am da pa jyatenngi ori.

Locya 1:1

Kokay mo Tiawveylo. Amyan so aro a tao a nimvatvatek do mina vazay da no kadwan jyaten.

Yowani 10:30

Namen akmey yasa si Ama.”

Yowani 10:38

Am tana ji nyo nganoyngi yaken am anoyngan nyo o vazay ko an. Ta ori o ipakateneng nyo ji Ama yamacikaop jyaken. Ta yako macikaop jya.”

Yowani 16:15

Yatodamimin o nanao ni Ama yamyan jyaken. Am ori o ko pancyan no na kayapo jyaken no inanao na jinyo no Seyzi.

Yowani 17:3

O to meyyonong a ikavyay no pahad da am ipakateneng da jimo a ney manoyong na Tao do to, a kapakateneng da ji Yeso Kizisto a nitovoy mo do karawan.

Yowani 5:17

Maniring si Yeso jira am, “Yato meyvazay si Ama. So ko to nginarai sya.”

Yowani 5:23

mangay kazwazway da jyaken no tao do karawan. Akman sang si Ama a azwazwain da. Am o to nazibo nyaken a Anak na ni Ama am akman sang si Ama a da to nazibwan.

Yowani 6:69

Namen anoyngan o yamo kanimapo ji Ama ta do to a ji meylimoteng so onowned.”

Nimlivolivon 4:32

Omraralay rana ni Yeso a tao am meyyangangay o onowned da. So ikabo no asa ka tao a maveyvow do kangangay na, ta akma dey todalovoci apzapzatan.

Loma 15:13

Inaoy no si itoro na jinyo o sarasaray na ni Ama ta do to. So ikanoyong nyo rana masaray so onowned a meyhanhan nya, do na kasidong jinyo no Seyzi.

Loma 16:25

Manoyong o kazwazway ta si Ama ta do to. Ta iya rana am yamanoyong a yaomoyat jinyo a meyhanhan nya akman so Mapasaray a Ciriciring na a ipeylimwang ko a yaomagaz ji Yeso Kizisto. Ori rana am ji da nikatenngan no kakwa a nanao na ni Ama ta do to.

Loma 2:4

Manngwa, mo jyatenngi o pangangarilawan na ni Ama ta do to a yameypalanginan nimo a yamamlis? Am yamo kato nazibwan no rako a pangangasyan na yamvonas so raraten mo, do yana kakzeb jimo a yamamlis so onowned.

1 Kedinto 14:31

Apya kapalipalit nyo a mangononong so ciriciring na ni Ama ta do to a kamimin nyo a karapan so onowned.

1 Kedinto 2:12

Tanyo jya nyahap o teneteneng da no tao do karawan. Ta o nitovoy na ni Ama ta do to a Seyzi am ori o ta nyahap. Ori o ta ipakateneng do makakaday a aryarilaw na jyaten ni Ama ta do to.

Cyalatay 3:28

Am ori o ikabo rana no matarek do amraralay ni Yeso Kizisto a tao. Ta meyyangangay sira do tangain na. Tana tao do Yotay a tana beken a tao do Yotay, tana lamlamsoy a kano beken a lamlamsoy, tana mahakay a tana mavakes am kamo mamimin a akmey asa rana a yamacikaop ji Yeso Kizisto.

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

Ivoso 3:16

Ko ipeynozi ji Ama ta do to o kowyat na jinyo no Seyzi a meypakdeng so nakem ji Ama ta do to. Ta iya rana am yatey mowyat a yatey mazway a Tao do to.

Ivoso 3:3

Na nipananao jyaken ni Ama ta do to o vazay na a jyatenngi no kakwa. So yako rana ipakateneng jya. So nipakalavatan ko na sya jinyo.

Ivoso 6:22

Am ori o yako pasonsonan sya mangay a manci nya jinyo so namen kapiya do jya a kapait na pa so onowned nyo.

Veydipi 2:1

Manngwa, yanikarapa do onowned nyo o yanyo ipacikaop rana ji Kizisto an? Manngwa, yanikait jinyo o pangangarilawan na an? Manngwa, nyo katenngan o Seyzi a yasomidong jinyo an? Manngwa, nyo ikarilaw o kadwan jinyo an?

Veydipi 3:8

Beken a ori an. Ta yamaharahara rana o nakem ko ji Yeso Kizisto sicyararalay ko na nya. Yako ipanci o makakaday a vazay a yabwata so angangayan, do yako kapyapya pa so ko kapakateneng ji Kizisto a Panirsirngen ko.

Kelosi 1:26

Ori rana am ji da pa nipatwaw no kakwa, a ji da tenngi no tao do karawan. Am na rana nipatwaw sicyaikwaya ni Ama ta do to do amraralay nya tao.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

Kelosi 1:9

Mamizing namen inyo am masangib namen a meynozi ninyo. Ipeynozi namen o kapanta na ninyo no Seyzi so makakaday a teneteneng a makateneng do nisidongan na jinyo ni Ama ta do to a kano peypalanginan na ninyo.

Kelosi 2:19

Sira rana am ji sira rana macikaop ji Yeso Kizisto. Ta si Yeso Kizisto rana am Panirsirngen ta a yamraralay nya tao. So ta icyakmey kataotao na. No macikaop ta na ji Kizisto a yamraralay nya am ori o ipeypahagnat ta rana so onowned, do kapakateneng ta rana do manoyong a nanao na ni Ama ta do to.

Kelosi 3:14

O ney makdeng na do makakaday a vazay am pangangarilawan. Ta o pangangarilawan rana am mapeypayopayok so onowned ta do icyatatao ta.

Kelosi 4:3

Ipeynozi nyo yamen a kapeypalanginan na nyamen ni Ama ta do to a mangay meylimwang no ciriciring na. So ikanoyong na rana meylimwang no ji da pa nipatwaw no kakwa a nanao ni Kizisto. O yada aptengan jyaken sicyaikwaya am ko nyahap o vazay na ni Ama ta do to.

Kelosi 4:8

Am ori o ko tovoyan sya yamangay jinyo do dang a manci no namen kapiya do jya a ipait na jinyo so onowned.

1 Tesalonicya 1:5

Ta o namen nipeylimwang a Mapasaray a Ciriciring na ni Ama ta do to jinyo am beken a ciriciring namen ori. Ta namen ipeyhanhan o oyowyat no Seyzi a kano yameysominogat a onowned namen so ciriciring na ni Ama ta do to. Ta nyo mamimin a katenngan o onowned namen no kapacikaop namen pa jinyo do dang.

1 Tesalonicya 3:2

Namen nitovoy o akma tey kakteh do cinai si Timotay a mangay jinyo do dang. Iya rana am kararay namen a mahap so vazay na ni Ama ta do to a meylimwang no Mapasaray a Ciriciring na ni Kizisto. O namen nitovoyan sya am sidongen na inyo a komdeng so nakem a omraralay ni Ama ta do to,

1 Tesalonicya 5:14

Yanamen ipanci pa jinyo manga keypong am pazimanen nyo sira o malelma a tao an, a kapait nyo so mahayo so onowned a tao, kasidong nyo so jyakdeng so nakem ji Ama ta do to. Tana apiya so ahahapan sya, tana marahet so ahahapan sya tao am to nyo peyyangaya o nakenakem nyo sira.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

Sipolay 10:22

Am ori o ikanoyong ta jyablis so onowned a akmey nioyasan so onowned a kano kataotao a omanop ji Ama ta do to.

Sipolay 6:11

O ney makdeng na yako kakzeben jinyo am mamimin kamo a jyablis so kakdekdeng so nakem a mangay no makwa. Ta ori o ipangononong no makakaday a kakdain nyo no nakem a itoro na jinyo ni Ama ta do to.

2 Pite 1:10

Ori an manga kakteh an, ipakowyowyat nyo pa a mapeyyan sya do onowned nyo so mina kapamnek na jinyo ni Ama ta do to. Ta no si akman kamo sang am jyabo kapeyparai nyo ji Ama ta do to a,

2 Pite 1:3

Na rana nipazanod yaten ni Ama ta do to no oyowyat na, akma ney anak do karawan. Am ori o ji tamo meylimotengi so onowned do araraw. O tamo ipakahap so sang am yaomagaz do tamo rana kapakateneng ji Ama ta do to a yanimapanop jyaten a yamapazanod jyaten do inawan na kano azwazway na ni Ama ta do to,

2 Pite 3:18

Am meypahagnat kamo so nakem a makateneng ji Yeso Kizisto a Panirsirngen ta a mapatazadang jyaten do teyngato, a makateneng do karilawan na ninyo. Inaoy si mangay jya o azwazway sicyaikwaya kangay na do kaidan no karawan. Amin.

1 Yowani 3:19

O ikanoyong ta makateneng do kahap ta so manoyong a nanao ni Ama ta do to am amyan jyaten o pangangarilawan na ni Ama ta do to. Am ori o ji ta nyahei do tangain ni Ama ta do to

1 Yowani 5:7

Meykatlo o macyanoyong jya.