Ivoso 5:9 - Seysyo No Tao

⁹ Ta o icicirawat no makateneng do ciriciring na ni Ama ta do to am ji meylimoteng so onowned. Omonod do manoyong a ciring. Ji mapowzib so nakem do icyatatao.

Ivoso 5:9 ပူးပေါင်းရင်းမြစ်များ

Matay 3:8

Ta si mamlis kamo na so icicirawat am ori o ikanoyong nyo rana yana nikomaro do peyraratenan nyo.

Yowani 1:47

Macita ni Yeso si Natannay mangay jya am maniring jya am, “Yameysinogat ori a Isedi a tao. Yabo do onowned na o yamalahet.”

Loma 15:14

Manga kakteh, ko anoyngan inyo a yapiya so yahahapan sya a yamateteneng a yamvavaga do kadwan jinyo.

Loma 2:4

Manngwa, mo jyatenngi o pangangarilawan na ni Ama ta do to a yameypalanginan nimo a yamamlis? Am yamo kato nazibwan no rako a pangangasyan na yamvonas so raraten mo, do yana kakzeb jimo a yamamlis so onowned.

Ivoso 4:15

Ji ta mangononong so malas. Ta pangozayan ta o pangangarilawan a macisirsiring do icyatatao ta. Ta ori o ipeypahagnat ta so onowned a ominara si Kizisto a yameymatmatngeh nyaten.

Ivoso 4:25

Am ori o ji nyo na mangononongi so malas. O manoyong a ciring o patwawen nyo do akma nyoy kakteh do cinai, ta tamo mamimin a akma ney peyvongvongwan no kataotao ni Kizisto.

Ivoso 6:14

Am ori o ipeytataziman nyo a mapeyyabtek so manoyong a nanao na ni Ama ta do to. Kalokalen nyo o apya icicirawat nyo a omaing ji Kizisto.

Veydipi 1:11

So ikasasaray nyo a mapeyvazay so apiya vazay do kowyat na jinyo ni Yeso Kizisto. Ta si makman kamo sang am azwazwain da rana si Ama ta do to no aro a tao.

Kelosi 3:18

Inyo rana mavakes am onotan nyo o kahanghangan nyo. Ta ori rana am adan ta iwawalam a amraralay ni Yeso Kizisto a tao.

1 Timotay 6:11

Am imo rana am na nipamnekan ni Ama ta do to a yamahap so vazay na. So peymakarwan mo na do akman sang a marahet a kahap mo so meysominogat a onowned. Macilolo ka do apyahen na ni Ama ta do to a kapeyhanhan mo nya. Ji mo a haywan o kapangarilaw mo. Ji ka hayohayowen. Ji ka oyaoyahen.

Sipolay 1:8

Am pagazen na ni Ama ta do to o ciring na do Anak na am, “Oyowyat mo a Tao do to a tomalamozong no tao do karawan am todangay do kaidan no karawan. Ta yaka ji mapeycyakaban so tao.

Sipolay 11:33

Ikongo do nipeyhanhan da si Ama ta do to, am ori o nipakahap da so mina ciring na jira a somidong sira. So nibalinasan da so tao do livolivon no ili da. So nikapiya na rana no nyahahapan da sya. So icyakma dey nisomengseng do ngongoy no kokoman so tao, do kapeyhanhan da ni Ama ta do to a somidong sira.

1 Yowani 2:29

Katenngan nyo o kabo no kararatan ni Kizisto. O tao rana abo so karatan a mangozay do nanao ni Ama ta do to am manoyong a anak ni Ama ta do to.

3 Yowani 1:11

Ji mo nginara o akman sang a marahet, mo keypong an, ta kahap mo so apiya vazay. Ta o apya so icicirawat am macikaop ji Ama ta do to. O marahet so icicirawat a tao am ji meyngongyod o akman sang a makateneng ji Ama ta do to.