Ivoso 5:11 - Seysyo No Tao

¹¹ Ji nyo nginara o marahet a vazay da no amyan do kasarisaryan a yameyraraten a tao. Ta apyapya o kapacimalag nyo so apya vazay nyo jira. Ta ori o ipakateneng da do marahet a vazay da.

Ivoso 5:11 ပူးပေါင်းရင်းမြစ်များ

Matay 18:15

“No amyan so malas a vazay na jimo no akma moy kakteh do cinai am to ka nangay a macitangay jya a manci no kalasan na. Am no maveyvow kamo am ori ikakman mo sang. No amizngen na imo am manoyong kamo na meypyapya so nakem do tangain ni Ama ta do to.

Locya 3:19

No kanang rana am nioya na o panirsirngen a meyngaran si Helote. Ta nitakaw na o kahanghangan ni wari na a meyngaran si Helotiya kapeyvazay na pa so aro a marahet a vazay.

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

Loma 13:12

Yakomavos rana o marahet a vazay da no tao do karawan. Na kapakaranes rana no yapiya na patazadangan jyaten ni Ama ta do to. Am ori o ji ta to peyvazai so jyapsepsek a vazay ta. Ta kahap ta so apiya vazay akmey voovoo a ipakaharag ta so amlita jyaten a Satan.

Loma 16:17

Manga kakteh, o ko ivavaga jinyo am azimanen nyo sira o mangamaog so ciring a ipeyvwak da jinyo a iraherahet da so nakenakem da no amraralay ni Ama ta do to. Azimanen nyo sira o amlikolikod do manoyong a nanao a nimamizing nyo. Ta o akman rana sang a tao am ji nyo macikasngeni sira.

Loma 6:21

O yanyo ipacimanig rana sicyaikwaya a vazay am nipeyvazay nyo na. Am ikongo o na kapyapyan no akman sang. Kangay nyo saon do kararatan no akman sang am.

Cyalatay 6:8

Ta no myan so tao a to mangozangozay do nakenakem na am mangay o kapakahap na so to meyyonong a alalaw do makotokotod a lila no apoy. Am no si pangozayan na o ahapan na sya no Seyzi na ni Ama ta do to am mahap na o to meyyonong a ikavyay no pahad na do teyngato a itoro no Seyzi.

Ivoso 4:22

karwan nyo na o adan a nakenakem nyo a yamngingit jinyo do peyraratenan nyo.

Ivoso 5:12

No malavat o katamwadan da no akman sang a tao am tey macimanig.

Ivoso 5:7

Ji kamo na macihza do akman sang a tao.

Kelosi 1:12

Isaray nyo si Ama ta do to. Ta iya o yanimapanop jinyo a yamraralay nya. So nyo ikanoyong rana yamyan do kazngangan.

1 Tesalonicya 5:7

Ta o itkeh no tao am mahep. O ikasaki no tao am mahep.

2 Tesalonicya 3:14

Ala amyan so tao a to nazibo no ciring namen do teygami. Am o akman rana sang a tao am azimanen nyo an. Ji kamo maciwalam jya an a kasnek na.

2 Tesalonicya 3:6

Manga kakteh, namen pangozayan o ngaran ni Yeso Kizisto a Panirsirngen ta a manci nya jinyo. Ji nyo nganopa sira o akma tey kakteh do cinai a abwata so vazavazay a yaji ngahap so nanao namen jinyo.

1 Timotay 5:20

No amyan so meyraraten a tomalamozong no kyokay am vavagan nyo sira do ipacikaop no aro a sinjya. Ta ipaziman so aro a tao.

1 Timotay 5:22

Ji mo to minaknakman o kapamnek mo so tomalamozong no kyokay, ta citahen mo pa o iwawalam na, do kapya na, karahet na. Ta no si myan so raraten na am macilovot ka dang. Ji mo ablisi o apiya nakenakem mo.

1 Timotay 6:5

Ta ori o yapwan no kato da mangamaogan so malas a nakenakem a kano marahet a icicirawat da. O nakenakem da nira omraralay ni Ama ta do to am naknakmen da o kapeynizpi da nya.

2 Timotay 3:5

Ta sira rana am akmey manaralay sira am ji macipayok o vazay da, ta to da nazibwan o oyowyat na ni Ama ta do to. O akman rana sang a tao am ji mo macikasngeni sira an.

2 Timotay 4:2

Am ori o peylimwangan mo no ciriciring na ni Ama ta do to. Tana amizngen da, tana ji da ngamiznga am ji ka hayo so onowned a amvavaga jira kano mapait sira a omnanao sira.

Tito 2:15

Nanawen mo sira no yamakakaday a vazay. No myan so ivavaga mo jira kano oyaoyyan mo nira am manakem mo o yada kownot jimo a yamizngen so ciring. Ta ji mo akwan o kalavayo mo.

Ipaziman 18:4

Makamizing ko paha so ciring a apo do teyngato. Maniring am, “Pakowbot kamo na a yamanop jyaken a tao. Pakowbot kamo na apo do ili ang. Ta mangay jinyo o raraten na kano pasingsingtan na jya ni Ama ta do to.