Ivoso 4:18 - Seysyo No Tao

¹⁸ Onowned da am yakmey kasarisaryan. Yabo da kasngesngenan do vayo a onowned a yapo ji Ama ta do to. So da ikanoyong a yaji macipayok so nakenakem ji Ama ta do to.

Ivoso 4:18 ပူးပေါင်းရင်းမြစ်များ

Matay 13:15

Ta tey masalit o onowned da no tao eya. O cicilwan da am yakacilcilan. O mata da am yameyreket. Ta no sira macipayok so onowned am makacita o mata da. Makamizing o cicilwan da. Makazazap da no onowned a kapeysinaoli da rana jyaken. Ta ori o ipatazadang ko sira do teyngato.’

Make 3:5

Marahet o matamata na ni Yeso a tomita so aro a tao. Am ikeyngen na sira no onowned. Ta akman sira so veysen so onowned so kacigcigzang. Maniring rana si Yeso do meykazakazain so lima tao am, “Zanet pala o lima mo.” Zaneten na am todapya rana.

Yowani 12:40

“Si Ama ta do to o icyakma dey mavota. Icyakma ney vato o onowned da do kaji da mamlisan. Maniring si Ama ta do to am, ‘Yabo da kasngesngenan jyaken. Makongo ko so wanjin a mapatastas sira do teyngato.’ ”

Nimlivolivon 17:30

No kaji da pa makatenngan ji Ama ta do to no tao am ji na naknakma o raraten da. Am sicyaikwaya am na ikakza o tao a yamamlis a komaro rana do peyraratenan da.

Nimlivolivon 3:17

“Am inyo rana manga keypong am nyo nizakat si Yeso. Am nyo jyatenngi ori a nitovoy na ni Ama ta do to. Tana panipanirsirngen nyo am akman sira so sang a ji makateneng jya.

Loma 1:28

Ji da ranakzan no tao o manoyong a nanao na ni Ama ta do to. Am ori o to na rana macipanadngi do onowned da a meyparahet a mapeyvazay so makararahet a vazay.

Loma 11:25

Manga kakteh, inaoy no si katenngan nyo na o vazay na ni Ama ta do to a ji nipatwaw no kakwa. So ji nyo mapakarangi so nakem nyo. Ta beken a todamimin o Isedi a tao a ji mamlis, ta yana pananalahen ni Ama ta do to o karwan no beken a tao do Yotay a omanod jya.

Loma 11:7

Am ori o ji da makahapi sya no Isedi a tao so kakzeben da no nakem. Ta o nipamnekan na ni Ama ta do to am ori o nivonas na so raraten a kabnek na sira abo so raraten do tangain na, ta nipeyhanhan da si Yeso Kizisto. Am o karwan no tao am to da nazibwan o pangangasyan na ni Ama ta do to.

Loma 2:19

Yanyo ipanci o yanyo kapangonong no mavota tao a yamangay do kazngangan.

1 Kedinto 1:21

Tey makdeng o teneteneng na ni Ama ta do to. So ikabo no tao do karawan a mangozay do teneteneng da makateneng ji Ama ta do to. Am kanimamnek na ni Ama ta do to do yada ipanci abo so peypeypangayan a yanamen ipeylimwang a yana ivyay so omanoyong jya tao.

1 Kedinto 2:8

O panipanirsirngen do karawan am abo jira o manoyong a makateneng do pamnemnekan na ni Ama ta do to. No nikatenngan da am jyabo kato da padketan so mazway a Panirsirngen ta do jyojika.

2 Kedinto 3:14

Am o onowned da am yakmey kaneban yatodangay sicyaikwaya. Ta no yada vilangan o yamakakaday a vakong do adan a Seysyo am yakman sang a yamabengbeng o onowned da. Ta o macitovong a tao ji Kizisto o ikapakaro no ombengbeng do onowned da.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

Cyalatay 4:8

No kakwa pa am ji nyo a tenngi si Ama ta do to. Am ori o ikanoyong nyo a lamlamsoy no makakaday a malas a iraralay nyo.

Ivoso 2:1

No kaji nyo pa manaralayan am pasobnan nyo pa o ciriciring na ni Ama ta do to a meyraraten.

Ivoso 2:12

No kano nang am abo o kasngesngenan nyo ji Kizisto, ta akma kamoy kadwan a ji da patwatopa do tangain ni Ama ta do to, do kaji nyo macitetngehan do tao do Yotay. Ta sira am nipanta na sira ni Ama ta do to so pangozayan na ciring. So ikanoyong nyo a to rana hayo so onowned, do kaji nyo makatenngan ji Ama ta do to.

Kelosi 1:21

No kakwa pa am abo kasngesngenan nyo ji Ama ta do to, do karahet no onowned nyo a kano vazay nyo. So nikanoyong nyo akmey mapeykavosoyan si Ama ta do to.

1 Tesalonicya 4:5

So ji nyo mapasagpyani so kataotao nyo an. Ji kamo macyangangay do yato nazibo ni Ama ta do to.

Sipolay 5:2

Amyan so karatan na no mapatanatanang so nakem da tao, ta meyyangay sira tao. Am ori o kanigan na no amyan so kalasan a tao a mapasyasi nira ji Ama ta do to.

Sipolay 9:7

Am o Panirsirngen no mapatanatanang so nakem am no somdep do katangked na vahay am abo ikararwa na. Ipisa do kasa kawan a somdep. No somdep am mangap so rala no kagling a kano baka a patanangen na a ivonas na so monganay jya raraten na kano ji da ningongyod a raraten da no macikeylyan a tao.

Yake 4:4

To kamo makasi yaomalalas ji Ama ta do to a tao. Ta manngwa, nyo jyatenngi o kapeykavosoyan na si Ama ta do to no meyparai jya so nakem a tao? So ji na alasi no akman sang a tao a mapeykavosoyan si Ama ta do to.

1 Pite 1:14

Onotan nyo si Ama ta do to. Ji nyo to nginara o marahet a icicirawat nyo no kaji nyo pa manaralayan.

1 Yowani 2:11

Am o mapeyyan do onowned na so oyyan na no akma ney kakteh do cinai am amyan ori do kasarisaryan. So ikanoyong na akmey omalam do kasarisaryan a ji makacita so angayan na.