Ivoso 4:11 - Seysyo No Tao

¹¹ Iya o nimanta no tao so teneteneng a kano oyowyat da. Nitenngan na o tatasa ka tao a amlivolivon no ciriciring na, kapamnek na do tatasa ka tao a mangononong so ciriciring na, kapamnek na do tatasa ka tao a meylimwang no Mapasaray a Ciriciring na. So iyan no tao a panirsirngen do kyokay amnanao so sinjya.

Ivoso 4:11 ပူးပေါင်းရင်းမြစ်များ

Ivoso 2:20

Ta nyo nimahap rana o nanao da no nipamnekan ni Yeso a omlivolivon no ciriciring na kano mangononong so ciriciring na ni Ama ta do to. So na ikamimin no nang a yapo ji Yeso Kizisto.

2 Timotay 4:5

Am imo rana am meypepzat ka do meykamadadayan a vazay mo. Ji mo a mamman o alalaw mo a meylimwang no Mapasaray a Ciriciring. Ta ori o ikowyat mo a mahap so vazay mo ji Ama ta do to.

Matay 28:20

a kananao nyo sira a omahap so makakaday a yako ninanao jinyo. Am manakem nyo o kaji ko macisyayan jinyo a mangay do kaidan no karawan.”

Nimlivolivon 20:28

So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

Ivoso 4:8

Akman so ciring do Seysyo. Ta maniring am, “No kapeycyakavat na rana do teyngato am niharag na si Satan a kano kalamsoyan na a kapanta na no yaomanod jya tao so teneteneng a kano oyowyat da.”

Ivoso 3:5

No kakwa am abo pa tao a nimapatwaw so nanao eya a omaing ji Kizisto. Am sicyaikwaya am na rana patwawen no Seyzi do nipamnekan na ni Yeso a omlivolivon no ciriciring na tao a kado mangononong so ciriciring na ni Ama ta do to.

Loma 12:7

No panidongan ta o na nitoro jyaten am manidong ta so tao an. No na nitoro jyaten o ikateneng ta mangnanao am mangnanao ta so tao an.

Sipolay 5:12

No kamo mowyat a yamacinanao am kamo na mangnanao. Am asyosyo kamo eya a yada pananawen no tao no yatodalapit a ciring na ni Ama ta do to. So nyo icyakmey metdeh a yapa somoso.

Ipaziman 18:20

“Somaray kamo do teyngato, ta yarana nimabalinas o rako a ili a meyngaran so Papilon. Inyo a yaomanop ji Ama ta do to a kano amlivolivon no ciriciring na ni Ama ta do to a kano panoyonoywan na so ciring am somaray kamo, ta na rana nipangonong inyo ni Ama ta do to. So na rana nipasingsingtan jya.”

Nimlivolivon 21:8

Ikadwa na araw am karwan namen rana dang a mangay do Kaysadiya. So nirateng namen do vahay ni Veydipo. Iya rana am vazay na o kapeylimwang na no Mapasaray a Ciriciring na ni Ama ta do to. Iya rana am ikapapito da no nipamnekan da a somidong so vazay do kyokay do Yelosaleng no kakwa. Karahan am misan namen do dang.

Nimlivolivon 13:1

O kyokay do Antia am amyan so panoyonoywan na so ciring ni Ama ta do to a kano mangnanao a tao. Sira rana am si Parnapo a kani Simoyang a ngaranan da si Vaheng a kano tao do Cidinay a meyngaran so Lociye a kani Manaeng a nipavahay ni ama na ni Helote a panirsirngen do Cyadidi a kani Sawlo.

Ipaziman 21:14

O abneken na soil no atoy am adwa o icyarwa no lalitan a kakakadayan no ngaran da no nipamnekan no Kagling a amlivolivon no ciriciring na.

Yota 1:17

Am manga keypong, ji nyo a hamangi o ciring da no nipamnekan ni Yeso Kizisto a Panirsirngen ta a amlivolivon no ciriciring na.

1 Kedinto 12:4

Tana yameykataretarek o oyowyat a kano teneteneng ta am yasa o Seyzi a yamanta nyaten so sang.