Ivoso 3:9 - Seysyo No Tao

⁹ Na nipanta yaken so oyowyat ko a somidong so tao do karawan a makateneng do pamnemnekan na ni Ama ta do to a nimangamaog so karawan. Ta no kakwa pa am abo pa makateneng jya tao.

Ivoso 3:9 ပူးပေါင်းရင်းမြစ်များ

Matay 10:27

O ko ipanci jinyo a ji da mamizing no karwan no tao am ipeylimwang nyo do aro a tao.

Matay 13:35

O ikakman na sang am todey mangononong o mina ciring no panoyonoywan na so ciring ni Ama ta do to. Ta maniring am, “Mangamaog ko so pehngehngayan ko so ciring ko a pancyan ko no ji pa nipatwaw a vazay ko, nimakalapo no kapangamaog ko so karawan.”

Matay 25:34

Karahan am maniring o panirsirngen do amyan do wanan na tao am, ‘Inyo rana yana nipanlanlag ni Ama am sijya kamo do italamozong na ni Ama ta do to, ta amoonen nyo o nakem na jinyo no kapangamaog na pa so karawan.

Matay 28:19

Am ori o yangay nyo do peycyamahamahatawan na a mapanop so tao a omanoyong jyaken, a kahap nyo so ngaran ni Ama ta do to a kano Anak na kano Seyzi a tomaktak jira,

Locya 24:47

Am ori o papwen sya do Yelosaleng a meylimwang no mamlis a kano manvonas so raraten a ciriciring a kangay na do peycyamahamahatawan na.

Yowani 10:30

Namen akmey yasa si Ama.”

Yowani 5:17

Maniring si Yeso jira am, “Yato meyvazay si Ama. So ko to nginarai sya.”

Yowani 5:19

Maniring pa jira si Yeso am, “To ko na macitangayan jinyo am no ko to mangozai o kataotao ko am abo mahap ko a vazay. Am ko na nimacita o vazay ni Ama. Am ori o ko to ngamooni sya peyvazain. O vazay ni Ama na am vazay no Anak na.

Nimlivolivon 15:18

Ori rana am ciring na ni Ama ta do to a nipamizing na jira no kakwa pa.’ ”

Loma 11:25

Manga kakteh, inaoy no si katenngan nyo na o vazay na ni Ama ta do to a ji nipatwaw no kakwa. So ji nyo mapakarangi so nakem nyo. Ta beken a todamimin o Isedi a tao a ji mamlis, ta yana pananalahen ni Ama ta do to o karwan no beken a tao do Yotay a omanod jya.

1 Kedinto 2:7

O yako ipeylimwang eya am ji da pa nipatwaw no tao no kakwa a teneteneng na ni Ama ta do to. Ta no kaji na pa mamaogan no karawan am amyan rana ori a nakenakem na ni Ama ta do to do kapacikaop ta jya no makwa.

Ivoso 1:4

No kaji na pa amaogan no karawan am nipamnekan na rana yaten ni Ama ta do to a monganay jya. Ta nikawakwak ni Yeso Kizisto o raraten ta. So ikanoyong ta abo rana so karatan do tangain na ni Ama ta do to. Na tey karilaw yaten ni Ama ta do to.

Ivoso 3:2

Nyo katenngan yaken a na nipamnekan ni Ama ta do to a yameylimwang nya jinyo so pangangarilawan na.

Ivoso 6:19

Ipeynozi nyo yaken an, katoro na nya jyaken ni Ama ta do to so ciriciring na ipangnanao ko. Ta ori o ji ko a mamai no ji da pa nipatwaw no kakwa a Mapasaray a Ciriciring na ni Ama ta do to a ipeylimwang ko.

Kelosi 1:23

Am ori an, ji nyo na pasalai do nimamizing nyo pa no kakwa a Mapasaray a Ciriciring na ni Ama ta do to. Ta to kamo ngotokot so onowned a meyhanhan ni Ama ta do to a manta ninyo so to meyyonong a ikavyay no pahad nyo. So na rana nipeylimwangan no akman sang a nanao do karawan. So yako ikanoyong a lamlamsoy na ni Ama ta do to a meylimwang no ciriciring na.

Kelosi 1:26

Ori rana am ji da pa nipatwaw no kakwa, a ji da tenngi no tao do karawan. Am na rana nipatwaw sicyaikwaya ni Ama ta do to do amraralay nya tao.

Kelosi 3:3

Ta inyo rana am yamyan rana jinyo so vayo a onowned nyo a ji nalamozongan rana no raraten. Ta kamo rana macikaop ji Yeso Kizisto a kani Ama ta do to.

Kelosi 4:3

Ipeynozi nyo yamen a kapeypalanginan na nyamen ni Ama ta do to a mangay meylimwang no ciriciring na. So ikanoyong na rana meylimwang no ji da pa nipatwaw no kakwa a nanao ni Kizisto. O yada aptengan jyaken sicyaikwaya am ko nyahap o vazay na ni Ama ta do to.

2 Tesalonicya 2:13

Inyo rana manga kakteh a na ikarilaw ni Ama ta do to am namen masangib inyo a isaray ji Ama ta do to. Ta no kaji na pa amaogan no karawan am nipamnekan na rana inyo ni Ama ta do to a ahapen. So nyavaywan na so onowned nyo no Seyzi a kowyat na jinyo a omanoyong do nanao na ni Ama ta do to.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

2 Timotay 1:9

Iya o nimahap jyaten a mapanop jyaten a omanod jya. Am beken a omagaz do kapya no icicirawat ta, ta yaomagaz do nakenakem na kano pangangarilawan na ni Ama ta do to. Ta no kaji na pa nimangamaogan so karawan am nimanakem na rana o katovoy na si Yeso Kizisto a somidong jyaten.

2 Timotay 4:17

Am si Ama ta do to o yamyan do katangked ko a somidong jyaken a manta nyaken so oyowyat ko a meylimwang no ciriciring na do beken a tao do Yotay a kavyay na pa jyaken no kavovo da jyaken a wakwaken.

Tito 1:2

O peypeypangayan na rana no nanao eya am ipakahap ta so to meyyonong a ikavyay no pahad ta. Manoyong o nipanci na a itoro na jyaten no kaji na pa mangamaogan so karawan. Ta si Ama ta do to rana am abo kalalasan na.

1 Pite 1:20

Ji na pa nyamaog o karawan am nipamnekan na rana si Yeso ni Ama ta do to a mawakwak no raraten no tao do karawan. So na ikanoyong rana a nimai a somidong jinyo.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 14:6

Macita ko o tinsi am somalap do hanit. Iya rana am yanan no to meyyonong a Mapasaray a Ciriciring na ni Ama ta do to a ipeylimwang na do peycyamahamahatawan na kado peycyeylilyan na kado meykataretarek so ciriciring do karawan.

Ipaziman 17:8

O nimacita mo a omalalam am nimavyay pa no kakwa am yarana maliman sicyaikwaya. So ikakeykai na rana mai a apo do abo so takadan a gazawagaw a jyatenngi so karaherahem a meypangay do kararatan a ipasingkad na sya ni Ama ta do to. O tao do teyrahem a jidket so ngaran do vakong a yanan na rana no to meyyonong a ikavyay no pahad da no kaji na pa amaogan no karawan am mamimin sira malak no omalalam a nimavyay pa no kakwa yarana maliman sicyaikwaya. So ikanoyong da malak nya no meytotwaw no makwa.

Ipaziman 4:11

“Panirsirngen namen, Tao do to namen, manoyong ka mahap so azwazway a kano keynakman a kano oyowyat. Imo nimangamamaog so makakaday. Mamimin a nakenakem mo o nikamaog no makakaday.”