Ivoso 3:6 - Seysyo No Tao

⁶ O ji da nipatwaw a nanao na am na rana pazanoden o beken a tao do Yotay do meyngongyod a tao do Yotay a makahap so aryarilaw na jyaten ni Ama ta do to, do kanimakamizing nyo rana so Mapasaray a Ciriciring na ni Kizisto. So nyo rana icyakmey yasa so nakem a kano tao do Yotay a meyhanhan ni Yeso Kizisto a makahap so to meyyonong a ikavyay no pahad nyo.

Ivoso 3:6 ပူးပေါင်းရင်းမြစ်များ

1 Kedinto 12:12

Yasa o kataotao ta am yameykataretarek o peyvongvongwan ta. Tamo akman sang an. Tana ta aro a yamraralay ni Ama ta do to am tamo yakmey asaha a kataotao na ni Kizisto.

1 Kedinto 12:27

Inyo rana am kataotao na inyo ni Kizisto. So ikamimin nyo akma ney kataotao.

Cyalatay 3:14

O nikakman na sang ni Yeso Kizisto am ikakza na o aryarilaw na ni Ama ta do to si Apolahan a mangay na itoro do beken a tao do Yotay. So ta rana ikamimin a makahap so Seyzi a nipanci na itoro na jyaten ni Ama ta do to, do kapeyhanhan ta nya.

Cyalatay 5:24

O yaomanod ji Yeso Kizisto a tao am akma dey nipazanod o marahet a nakenakem da do jyojika ni Yeso Kizisto, do kanimawakwak na no raraten ta.

Ivoso 3:3

Na nipananao jyaken ni Ama ta do to o vazay na a jyatenngi no kakwa. So yako rana ipakateneng jya. So nipakalavatan ko na sya jinyo.

Ivoso 5:30

Ta yaten rana yamraralay nya tao am akma ney peyvongvongwan no kataotao na ni Kizisto.

Ivoso 5:7

Ji kamo na macihza do akman sang a tao.

Kelosi 2:19

Sira rana am ji sira rana macikaop ji Yeso Kizisto. Ta si Yeso Kizisto rana am Panirsirngen ta a yamraralay nya tao. So ta icyakmey kataotao na. No macikaop ta na ji Kizisto a yamraralay nya am ori o ipeypahagnat ta rana so onowned, do kapakateneng ta rana do manoyong a nanao na ni Ama ta do to.

1 Yowani 1:3

O nimacita namen a kano nimamizing namen am namen toywen jinyo. So ikanoyong nyo na macikaop jyamen a akma nyoy kakteh do cinai, do namen kapacikaop ji Ama ta do to a kano Anak na si Yeso Kizisto.

1 Yowani 2:25

Ta o ipanci na jyaten a mahap ta ni Kizisto am to meyyonong a ikavyay no pahad ta.