Ivoso 3:5 - Seysyo No Tao

⁵ No kakwa am abo pa tao a nimapatwaw so nanao eya a omaing ji Kizisto. Am sicyaikwaya am na rana patwawen no Seyzi do nipamnekan na ni Yeso a omlivolivon no ciriciring na tao a kado mangononong so ciriciring na ni Ama ta do to.

Ivoso 3:5 ပူးပေါင်းရင်းမြစ်များ

Matay 13:17

To ko na macitangayan jinyo am aro o panoyonoywan na so ciring ni Ama ta do to a kano omraralay ni Ama ta do to no kakwa a makza no kapakacita da so nyo macita kano kapakamizing da so nyo mamizing. Am da jya nimacita. Da jya nimamizing.

Matay 20:7

Maniring sira am, ‘Yabo yamanci nyamen a yameyvazay.’ Maniring jira am, ‘No komwan am to kamo nangai a meyvazay do nihakawan ko.’

Matay 23:34

Amizngen nyo an, ta manovoy ko so panoyonoywan ko so ciring a kano yanan no teneng na ni Ama ta do to a tao a kano mangnanao a tao a mangay jinyo. So iyan na jira ang no wakwaken nyo. Amyan jira ang so padketen nyo do jyojika. Amyan jira ang so bakbakan nyo do peyneynozyan nyo a paksozen do teyhesa ka ili.

Locya 10:24

Ta ko pa ciring jinyo am aro o panoyonoywan na so ciring ni Ama ta do to a kano panipanirsirngen no kakwa a makza no kapakacita da so nyo macita kano nyo mamizing am da jya nimacita. Da jya nimamizing.”

Locya 11:49

Am o mina ciring na ni Ama ta do to am, ‘Manovoy ko so panoyonoywan ko so ciring ko a kano nipamnekan ko a tao a omlivolivon no ciriciring ko a mangay jira. Am wakwaken da sira o karwan da. Am o karwan da am peyraraheten da sira.’

Yowani 14:26

O yasomidong jinyo a Seyzi am tovoin na jinyo ni Ama ta do to a kapalit ko a kananao na jinyo no makakaday a vazay a kapakanakem nyo na so mina ciring ko jinyo no kakwa.

Yowani 16:13

No mai rana o Seyzi a yamapatwaw so manoyong a nanao ni Ama ta do to am ipeypalanginan na inyo. Am ji na mangozai o oyowyat na. Ta nimamizing na o ipanci na jinyo. So pancyan na nya jinyo so omanam pa vazay.

Nimlivolivon 10:28

Maniring jira am, “Nyo katenngan an, ta do iwawalam namen a tao do Yotay am ji namen a mya o kangay namen a komawalam jinyo a beken a tao do Yotay. Am kanimanci na nya jyaken ni Ama ta do to no kakyab. Ta maniring am, ‘Ji mo a ratan sira o beken a tao do Yotay. Ta ji meycyapyapinpinan o nyamamaog ko a tao do karawan.’

Loma 16:25

Manoyong o kazwazway ta si Ama ta do to. Ta iya rana am yamanoyong a yaomoyat jinyo a meyhanhan nya akman so Mapasaray a Ciriciring na a ipeylimwang ko a yaomagaz ji Yeso Kizisto. Ori rana am ji da nikatenngan no kakwa a nanao na ni Ama ta do to.

1 Kedinto 2:10

Am na kasidong jyaten no Seyzi na ni Ama ta do to a ta ipakateneng jya. Ta katenngan no Seyzi o makakaday a vazay. Katenngan na o jyatenngi a vazay na ni Ama ta do to.

Ivoso 2:20

Ta nyo nimahap rana o nanao da no nipamnekan ni Yeso a omlivolivon no ciriciring na kano mangononong so ciriciring na ni Ama ta do to. So na ikamimin no nang a yapo ji Yeso Kizisto.

Ivoso 3:9

Na nipanta yaken so oyowyat ko a somidong so tao do karawan a makateneng do pamnemnekan na ni Ama ta do to a nimangamaog so karawan. Ta no kakwa pa am abo pa makateneng jya tao.

2 Pite 3:2

Inaoy si mamimin nyo peyyanen do onowned nyo o mina ciring da no panoyonoywan na so ciring ni Ama ta do to a kano mina ciring na ni Yeso a Panirsirngen ta a mapatazadang jyaten do teyngato a ninanao da jinyo no nipamnekan na a omlivolivon no ciriciring na.

Yota 1:17

Am manga keypong, ji nyo a hamangi o ciring da no nipamnekan ni Yeso Kizisto a Panirsirngen ta a amlivolivon no ciriciring na.