Ivoso 3:12 - Seysyo No Tao

¹² Am ori o ji ta na nyahei a mangay do tangain na ni Ama ta do to, do kapeyhanhan ta ni Kizisto.

Ivoso 3:12 ပူးပေါင်းရင်းမြစ်များ

Yowani 14:6

Maniring si Yeso am, “Yaken am rarahan nyo. Yaken am yanan no manoyong a nanao. Yaken am yapwan no to meyyonong a ikavyay no pahad nyo. No ko abo am abo tao a makatanggeh ji Ama ta do to. So ika yaken no ipakatokod nyo ji Ama ta do to.

Loma 3:22

Si ipeyhanhan ta si Yeso Kizisto am abneken na rana yaten ni Ama ta do to a abo so raraten do tangain na. So ipeyyangangay na no nang a itoro na do meyhanhan nya tao.

Loma 5:2

O ta ikakman sang sicyaikwaya am pangangarilawan na ni Ama ta do to, do ta kapeyhanhan ni Kizisto. Am ori o ikasaray ta, ta katenngan ta o kahap na jyaten ni Ama ta do to do teyngato a macikasaray do azwazway na.

2 Kedinto 3:4

O namen icyakman sang am si Ama ta do to o nimamnek jyamen a lamlamsoy na. So namen peyhanhanan ni Kizisto a omoyat jyamen.

Ivoso 2:18

Na peyyanowanopen yaten ni Kizisto a tao do Yotay a kano beken a tao do Yotay, akmey asa so onowned do tangain na ni Ama ta do to a yana sidongen no Seyzi.

Sipolay 10:35

Am ori o ji nyo ablisi no onowned. Ta no si akman kamo sang so onowned am mahap nyo o rako a nakem na jinyo ni Ama ta do to.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

1 Pite 3:18

Ta ipisa si Yeso Kizisto a nimawakwak no raraten ta, kapakavos na rana so vazay na a mapatazadang jyaten do teyngato. So ikanoyong na abo so raraten a nisomabway no raraten no tao, do na kapanop jyaten ji Ama ta do to. Tana niwakwak da o kataotao na am jya nimawakwak o pahad na.

1 Yowani 2:28

Ji nyo ngawawan o kapacikaop nyo ji Kizisto, manga ovay an. Ta no si marateng o araraw no yai na am abo rana ikarahet nyo no onowned do tangain na.

1 Yowani 3:21

Manga ovay, no abo rana o ikarahet ta do tangain ni Ama ta do to am masaray ta so onowned a omanop rana si Ama ta do to.