Ivoso 3:1 - Seysyo No Tao

¹ O peypeypangayan no ko iyan do pamemtengan am ko ipeylimwang no ciriciring na ni Yeso Kizisto jinyo a beken a tao do Yotay. Tana akman ko sang am yako jimtadan a meynozi ninyo.

Ivoso 3:1 ပူးပေါင်းရင်းမြစ်များ

Locya 21:12

Am do ji na sasnaji pa no alalaw eya am o mahap so ngaran ko a tao am rakpen da sira no tao a kapakakasi da sira, kangay da nira do peyneynozyan a kaneb da jira a kangay da nira do tangain no panipanirsirngen.

Nimlivolivon 21:33

kangay na omrakep si Pawlo no panirsirngen da no itaysang kavaod da sya no nipeylalin da adwa ka vahalang. Maniring am, “Sino ka ya. Ikongo vazay mo ang.”

Nimlivolivon 23:18

Am ori o nipalolwan na sya mangay do panirsirngen da. Maniring am, “Si Pawlo rana yata nipteng eya am na ipanci yaken a yamapalolo so tao eya mangay a tomita jimo. Ta yamyan so na ipanci jimo.”

Nimlivolivon 26:29

Maniring si Pawlo ji Aglipa am, “Tana mahay rana am to ko meynozyan nimo a kano aro a mangamizing a tao do jya a kamimin nyo rana akman jyaken a omanoyong jya. Am ji nyo nginara yaken a da aptengen!”

Nimlivolivon 9:15

Maniring jya si Yeso am, “Mangay ka, ta ko nipamnekan si Sawlo a mahap so vazay ko a meylimwang no ngaran ko do beken a tao do Yotay a kano aro a panipanirsirngen, pacyangayan nyo a Isedi a tao.

2 Kedinto 1:6

No makasazi namen so alalaw am cyaha, ta ipeypapya nyo. Ta no sidongen na yamen ni Ama ta do to am akman namen sang a somidong jinyo a mapait jinyo, kapeypakdeng nyo rana so nakenakem a akman jyamen a to nazibo no alalaw.

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 11:23

No si lamlamsoy na sira ni Kizisto am ji ko pazway a ciring ko am jyabo kaji ko a haraharan pa ka nira. Ta yarakorako o zikzikna ko so vazay na ni Ama ta do to. Yako ipiro a da aptengen, yada bakbakan, kaji ko angayan no inawan.

Cyalatay 5:11

No si ipeylimwang ko o kayongkad do kataotao am ikongo da rehrehtan jyaken. O da rehrehtan jyaken am ko ipeylimwang o jyojika ni Kizisto. Am ori o da oyyan nyaken no ji raralay ni Yeso.

Cyalatay 5:2

To ko na macitangayan jinyo am no si ipeyhanhan nyo o kayongkad do kataotao nyo a ipasaray nyo si Ama ta do to am abo peypeypangayan ni Kizisto jinyo.

Cyalatay 5:24

O yaomanod ji Yeso Kizisto a tao am akma dey nipazanod o marahet a nakenakem da do jyojika ni Yeso Kizisto, do kanimawakwak na no raraten ta.

Ivoso 3:11

O na akmanan sang ni Ama ta do to am na pangozayan o to meyyonong a pamnemnekan na. Am na rana nipangononongan ni Yeso Kizisto a Panirsirngen ta.

Ivoso 3:13

Am ori an o ko pakotokotan pa sya jinyo. Taosya o kahaha nyo so nakem do iyan no alalaw ko. Ta o akman sang am isaray nyo o mina kapeylimwang ko no ciriciring na ni Ama ta do to jinyo.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

Ivoso 4:1

O yako iyan do pamemtengan sicyaikwaya am yako peyvazain o vazay na ni Yeso a Panirsirngen ta. So yako pancyan ninyo a omzat do icicirawat nyo. So ikanoyong nyo a macipayok so icicirawat ji Kizisto.

Ivoso 6:20

Ori an, yako iyan do pamemtengan. So yako alitan ji Kizisto a yameylimwang no Mapasaray a Ciriciring na. Ori o peynozyan nyo nyaken a kaji ko macimamman no ciriciring na ipeylimwang ko. Ta ori o peypeypangayan no na nipamnekan jyaken.

Veydipi 1:7

Manoyong o kapaw ko ninyo. Ta tana ko na myan do pamemtengan sicyaikwaya, tana no kasaliway ko pa a macinekanekad no manoyong a Mapasaray a Ciriciring na ni Ama ta do to am yabo nyo jya nisidongan jyaken a mahap so vazay na ni Ama ta do to.

Kelosi 1:24

Tana tey rako o alalaw ko sicyaikwaya am cyaha, ta o akman rana sang am ipakasidong ko jinyo a meypahagnat so nakenakem a omraralay ni Yeso. Am ori o ko isaray, ta ipakasidong ko so omraralay ni Yeso Kizisto a tao. Ta nimakman sang si Yeso Kizisto a nimawakwak no omraralay nya tao.

Kelosi 4:18

Yaken rana am si Pawlo ko. Ko meyvatvatek so yako peyminaminasyan ninyo. Ji nyo a hamangi yaken a da aptengen an. Inaoy si mangay jinyo o pangangarilawan na ni Ama ta do to.

Kelosi 4:3

Ipeynozi nyo yamen a kapeypalanginan na nyamen ni Ama ta do to a mangay meylimwang no ciriciring na. So ikanoyong na rana meylimwang no ji da pa nipatwaw no kakwa a nanao ni Kizisto. O yada aptengan jyaken sicyaikwaya am ko nyahap o vazay na ni Ama ta do to.

2 Timotay 1:16

Inaoy no ikasi na ni Yeso a Panirsirngen ta si Onaysevo a yasa ka vahay. Ta yamasangib ori a yamai a yamapasaray jyaken. So na ji macimasneki nyaken a nipteng da.

2 Timotay 1:8

Am ori o ji mo asneki a meylimwang ni Yeso a Panirsirngen ta. Ji mo macimasnekan yaken a nipteng da mahap so vazay na ni Kizisto. So ahapan mo so alalaw ta no kapeylimwang ta no Mapasaray a Ciriciring, ta na sidongen imo ni Ama ta do to.

Veydimeng 1:1

Yaken rana am si Pawlo ko. Yako akmey nimanakaw a tao a yada aptengen do yako kahap so vazay na ni Yeso Kizisto. Yaken a kani Timotay am namen ipeyteygami imo a akma nameney kakteh do cinai, mo Veydimeng,

Veydimeng 1:23

Na ipeyminaminasi inyo no kararay ko a si Ipava do pamemtengan a yada aptengen do yanamen kahap so vazay na ni Yeso Kizisto.

Veydimeng 1:9

Ko katenngan o katey rako no pangarilawan mo so tao. Am ko ji gacigaci imo a manidong so tao, ta yako apyapyahen pa o kapasyasi ko jimo do kapanadnad ko jimo. Ta yako rarakeh rana a yada masangib a aptengen, do ko kahap so vazay na ni Yeso Kizisto.

Ipaziman 2:10

Ji nyo anyaheyan o yaomanam a alalaw nyo. Citahey kamo si Satan a yaomileylamdam so nakem nyo si Ama ta do to. So ikanoyong no tatasa jinyo a mangay na alyowen do pamemtengan. So ikasa ngarnan (10) no araraw na no peyrarehten no kataotao nyo. Am to kamo ngotokot so nakem. Ta ori o pantan ko ninyo so to meyyonong a ikavyay no pahad nyo.