Ivoso 2:6 - Seysyo No Tao

⁶ Na rana nipazasing yaten so inawan ji Yeso Kizisto a nimirwa a mavyay. So icyakma tey macikaop jya amyan do teyngato.

Ivoso 2:6 ပူးပေါင်းရင်းမြစ်များ

Matay 26:29

To ko na macitangayan jinyo am ji ko na ngyop so potaw cyo a mangay do araraw no ikeypirwa ko a macikaop jinyo do teyngato, no si papwen na ni Ama ta do to o katalamozong na no vayo a karawan.”

Locya 12:37

Meysinaoli o lawpan am macita na o lamlamsoy na a yapiya so nakenakem. Ori o nisarayan na nira. Ko pa ciring jinyo am jyabo kaji na meyyaywayob no lawpan a mapalisna sira a kangay na tomaotao so lamlamsoy na.

Yowani 12:26

O mahap so vazay ko am macilocilolo jyaken. O yanan ko am amyan sira dang o kahanhanan ko. O mahap so vazay ko am azwain na ni Ama.

Yowani 14:3

No si manoyong o kangay ko a meykala ninyo so yanan nyo am meysinaoli ko pa a mangay a omahap jinyo a kapacitovong nyo jyaken.

Ivoso 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a omlivolivon no ciriciring na. Yako ipeyteygami inyo a yamraralay ni Ama ta do to a tao do Ivoso a yato ngotokot so nakem ji Yeso Kizisto.

Ivoso 1:3

Isaray ta ji Ama ta do to a Ama na ni Yeso Kizisto a Panirsirngen ta. Ta yatamo na macibedbed ji Kizisto. So yana rana nitorwan so makakaday a aglaglaw na jyaten a na ipasaray jyaten.

Ivoso 2:10

Si Ama ta do to o yata nikablis no onowned a yarana macikaop ji Yeso Kizisto. So na ikapya rana no vazay ta a mangonong do na peypalanginan nyaten ni Ama ta do to.

Ivoso 2:13

Am inyo rana a ji ngasngen ji Ama ta do to a tao am na rana nipanop inyo ji Yeso Kizisto sicyaikwaya. So nyo ikanoyong rana yamacikaop ji Ama ta do to. Ta na nikawakwak rana inyo ni Kizisto.

Kelosi 1:18

Yaten rana a yamraralay nya am akma ney kataotao yaten ni Yeso Kizisto. So ika iya na no yameymatmatngeh nyaten. Iya o na yapwan no to meyyonong a ikavyay no pahad ta. Iya am Anak na ni Ama ta do to a nimirwa mavyay. So ika iya na no ney manokdwan na do karawan.