Ivoso 2:3 - Seysyo No Tao

³ No kakwa am akman tamo sira a to mangozangozay do nakenakem da. Am ori o ikanoyong ta meyraraten a tao a pasingsingtan na ni Ama ta do to no makwa.

Ivoso 2:3 ပူးပေါင်းရင်းမြစ်များ

Make 4:19

ji makapalasi, ta masanga sira no vazay da do karawan a kalita jira no peymeymasaodan da kano makakaday a ikeykakza da do karawan. Am ori o ikabengbeng no ciring na ni Ama ta do to do onowned da.

Yowani 1:13

Am beken a meyngongyod sira ori a nimapodpod so kataotao ji Ama ta do to, ta omaing do kanoyong da ji Ama ta do to. Am ori o abnekan na sira akma ney anak.

Yowani 8:44

Inyo am anak kamo ni Satan. Ta nyo pangozayan o nakenakem no ama nyo a nimakalapo no kakwa o kapangap na so tao. Ji nakzan o manoyong a nanao, ta abo jya o manoyong a nanao. Cinatao na o kapangalalas na, ta iya rana am kapangalalas na a yapwan no makakaday a malas.

Nimlivolivon 14:16

No kakwa pa am nipya na inyo a beken a tao do Yotay a to ngonongonong do nakenakem nyo.

Loma 1:24

Am ori o to na rana macyozai ni Ama ta do to do onowned da a mapeyvazay so macimasesnek a raraten da.

Loma 11:30

No kakwa am ji nyo ngonoci si Ama ta do to a beken a tao do Yotay. Am nyo na mahap o pangangasyan na ni Ama ta do to. Ta da ji ngonoci si Ama ta do to no tao do Yotay.

Loma 13:14

Ahapen nyo si Yeso Kizisto a Panirsirngen ta, akma nyoy voovoo a ipzat nyo do onowned nyo. Ji nyo to mamyapyan o kapeyraraten nyo. So ingtwan nyo do kataotao nyo.

Loma 2:14

O beken a tao do Yotay am ji da tenngi o iwawalam na ni Ama ta do to a nivatvatkan ni Moyse. Am amyan so pangozayan da do onowned da. So ipakateneng da do apya kano marahet. So icyakma ney to ngyan no iwawalam na ni Ama ta do to do onowned da no beken a tao do Yotay.

Loma 5:10

No kakwa am abo o kasngesngenan ta ji Ama ta do to. Am mina kawakwak na nyaten no Anak na. Am ori o ta na ipacikaop ji Ama ta do to. No manoyong o akman sang am jyabo kaji na ngahapan jyaten a. Ta si Yeso Kizisto rana am yamyan do teyngato a yasomidong jyaten.

Loma 5:9

No ta manoyong rana a yanimavonas so raraten no rala ni Yeso Kizisto am abneken na rana yaten ni Ama ta do to a abo so raraten do tangain na. No si akman sang am maliklik ta o peyoyaoyyan na ni Ama ta do to no makwa.

Loma 6:12

Am ori o ji nyo to amyapyai so kataotao nyo a italamozong no raraten. Ji nyo to ngonongonoci o marahet a onowned nyo.

Loma 7:18

Ko katenngan o na kabo no apya do onowned ko. Tana ko tey kakza ahapen o apya vazay am ko jyapakongo a yapeyvazain.

Loma 9:22

Akman sang o vazay na ni Ama ta do to. Ta nipacita na o peyoyaoyyan na kano oyowyat na. Am na kato anketkenan do nakenakem na yamwoya no tao do da peyraratenan.

1 Kedinto 4:7

Inyo rana mapakazwazway am sino ney mowyat na jinyo a makaharag so tao. Manngwa, nyo jyatenngi o yamakakaday jinyo a yamamimin a yapo ji Ama ta do to? Ikongo nyo peyzezwayan no nitoro na jinyo. Am ori o pavevehan nyo pa so nakenakem nyo an.

2 Kedinto 7:1

Am ori an manga kakteh an, no yamanoyong o akman sang a nakem na jyaten ni Ama ta do to am apzatan ta o onowned ta an. Ji ta mamyapyan o kataotao ta kano nakenakem ta a macizavoz do raraten. Ta naknakmen ta o kaji tamo meylimotngan so onowned a omraralay ni Ama ta do to.

Cyalatay 3:22

Am o ciring do Seysyo am yatodamimin o tao do karawan a yamabedbed no raraten. Am ori an, no kakzeben ta o kapakahap ta so to meyyonong a ikavyay no pahad ta am kapeyhanhan ta ni Yeso Kizisto. Ta ori rana am mina ciring na ori ni Ama ta do to do amraralay nya tao.

Ivoso 2:2

No kano nang am onotan nyo pa o malas a vazay da no ji manganoyong a tao a kano ciring ni Satan a yatomalamozong no meyraraten a tao.

Ivoso 4:22

karwan nyo na o adan a nakenakem nyo a yamngingit jinyo do peyraratenan nyo.

Kelosi 1:21

No kakwa pa am abo kasngesngenan nyo ji Ama ta do to, do karahet no onowned nyo a kano vazay nyo. So nikanoyong nyo akmey mapeykavosoyan si Ama ta do to.

1 Tesalonicya 4:13

Manga kakteh, o nimawakwak rana tao am inaoy no si katenngan nyo o peypeypangayan na a kaji nyo na zababan so onowned. Ji nyo nginarai o yaji manaralay a tao a yaji makateneng do peypeypangayan na.

1 Tesalonicya 5:6

Ori o ji ta to nginarai so karwan no tao a to ngitkeh, ta meytataziman ta.

1 Timotay 6:9

O komakzeb so karo no nizpi da am makeykai sira kalittan, ta masanga sira no abo so angangayan a vazay a maozoz so nakenakem. O kapalit no akman sang am mangay sira do makotokotod a lila no apoy a mangay no makwa.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

1 Pite 1:14

Onotan nyo si Ama ta do to. Ji nyo to nginara o marahet a icicirawat nyo no kaji nyo pa manaralayan.

2 Pite 2:14

Yabo da ji nitanita no mata da. Da pa ji makamyamyan o yamakakaday a yada peyraratenan. Da cirarahen sira o yaji makanet so onowned ji Ama ta do to a tao a mapasagpyan so kataotao da. Sira rana am da inaman o yada pangangagoman. So da ikanoyong a yana balinasen ni Ama ta do to.

2 Pite 2:18

Sira rana am sya mapatwaw so rako a ciring a tomirara so vayo pa niomtad no peyraratenan da tao.

1 Yowani 2:16

O makakaday rana marahet do karawan a akman so pangangagoman ta kano ta macita a ikeykakza ta marahet a kano pahaman ta so nakenakem ta am mamimin ori a monganay do raraten no tao do karawan. So ji na monganai ji Ama ta do to.

1 Yowani 2:8

Am o yako vatvatkan a ciring jinyo am akmey yavayo ori an. Ta o nanao am yana nipacita jyaten ni Kizisto o manoyong a pangangarilawan na. So nyo ikakman sang a yamapatwaw sya. So yana rana ikaslin no masari a yana cirain no kazngangan.