Ivoso 2:2 - Seysyo No Tao

² No kano nang am onotan nyo pa o malas a vazay da no ji manganoyong a tao a kano ciring ni Satan a yatomalamozong no meyraraten a tao.

Ivoso 2:2 ပူးပေါင်းရင်းမြစ်များ

Matay 11:19

Yaken rana a Nipamnekan na ni Ama ta do to a tao am ko koman a ko keyyop. Am no kamo maniring am, ‘Yamatetehnan a yameyyeyyopen a yamacizavoz do mapeyvazay so deyking a tao a kano meyraraten a tao.’ Am o teneteneng na ni Ama ta do to am manoyong a meytotwaw do makza nya tao.”

Matay 13:22

O nizomsi do katamtamkan am katonodan no tao a omamizing so nanao ni Ama ta do to. Am masanga no vazay na do karawan a kalita jya no peymeymasaodan na. Am ori o ikabengbeng no ciring na ni Ama ta do to do onowned na.

Matay 13:38

O nihakawan ori am karawan. O nitokos ori am monganay do italamozong ni Ama ta do to a tao. O tamek am aro a tao a italamozong ni Satan.

Make 4:19

ji makapalasi, ta masanga sira no vazay da do karawan a kalita jira no peymeymasaodan da kano makakaday a ikeykakza da do karawan. Am ori o ikabengbeng no ciring na ni Ama ta do to do onowned da.

Locya 16:8

Mamizing na no lawpan na am isaray na o lamlamsoy ori, do katey mapatak na a mangamaog so vazay a ipeypapyan na so kataotao na.” Maniring pa si Yeso am, “Ko pa ciring jinyo am o ji manaralay a tao sicyakwaya am akman sang o ahahapan da so vazay da. So ikateneteneng da kano manaralay a tao.

Locya 22:31

Maniring pa si Yeso am, “Mo Simong, cittey si Satan a nipya ni Ama ta do to a mangay a omlita jinyo.

Yowani 12:31

Oya rana o ipacici so tao do karawan. Oya rana o isakeb ni Satan a yatomalamozong no tao do karawan.

Yowani 13:2

Moyab sira do araraw no ipamaring da so kanen ni Yeso a kano macinanao jya am amyan rana si Satan do onowned no anak ni Simong a meyngaran so Yota a tao do Isecyadi. So nipamnekan na rana do kapanazang na ni Yeso.

Yowani 13:27

Meyratateng am bedbedan na ni Satan o onowned na. Maniring si Yeso jya am, “No yamyan so yamo ipeynanakem a vazay mo am peyvazain mo am.”

Yowani 14:30

Alikey rana o yako ipacikaop jinyo a macisirsiring jinyo. Ta yarana myan o yamimong no karawan. Am ji na harag yaken no oyowyat na.

Yowani 15:19

No kamo meyyangay pa kano ji manganoyong a tao do karawan am isaray da inyo do kapeyyangay nyo. Am kamo na ji meyyangay a ka nira. Ta ko na nipapinpin inyo a omanoyong jyaken. Am ori o da pacioyyan jinyo no yaji nganoyong jyaken a tao.

Yowani 16:11

Yamalas o yada naknakmen a na ipasingkad so tao ni Ama ta do to. Ta yarana nimeydedna o peyoyaoyyan na do mimong no karawan.

Yowani 7:7

Ji da macioyai inyo no tao do karawan. Am pacioyyan da yaken, ta ji ko nitayo o ciring ko jira do raraten da.

Yowani 8:23

Maniring si Yeso am, “Inyo am tao kamo do teyrahem. Am yaken am tao ko do teyngato. O nakenakem nyo am nakenakem no tao do teyrahem. Am yaken am yamacitarek.

Yowani 8:44

Inyo am anak kamo ni Satan. Ta nyo pangozayan o nakenakem no ama nyo a nimakalapo no kakwa o kapangap na so tao. Ji nakzan o manoyong a nanao, ta abo jya o manoyong a nanao. Cinatao na o kapangalalas na, ta iya rana am kapangalalas na a yapwan no makakaday a malas.

Nimlivolivon 19:35

Mownay am o meyvatvatek a panirsirngen do ili da am ori o nimapeyreherehes sira. Maniring jira am, “Inyo rana Ivoso a tao am sino ji makateneng jya, do ka yaten no yamzat do panaralayan no maizay a ta iraralay a Atemey a kano vato a kataotao na nimeyhekas apo do hanit.

Nimlivolivon 5:3

Maniring jya si Pite am, “Mo Ananiya, ikongo mo apyan si Satan a yamapasala so onowned mo a yaomalalas do Seyzi, do mo katayo so katey no nizpi a ngina no nihakawan nyo.

Loma 12:2

Ji nyo to panwanoda o kataotao nyo do yamarahet so yahahapan sya tao do karawan. Ta apyapya pa o kablis na so onowned nyo ni Ama ta do to. Ta ori o ipakateneng nyo do apya nakenakem na jinyo ni Ama ta do to a kano isaray ni Ama ta do to a vazay.

1 Kedinto 5:10

O ko ipanci am beken a ji manaralay a tao a somagpyan, mangamkam, manakaw a kano manaralay so malas a iraralay. Ta no si karwan ta na o karawan saon o ji ta macikaopi jira.

1 Kedinto 6:11

Yamyan jinyo so nimakman so sang no kakwa. Am kanivonas na rana so raraten nyo ni Ama ta do to. So nyo rana ipacikownongan ji Ama ta do to a kabnek na rana ninyo a abo so raraten do tangain na, do kapeyhanhan nyo ni Yeso Kizisto a Panirsirngen ta kano katalamozong na jinyo no Seyzi na ni Ama ta do to.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

Cyalatay 1:4

Si Yeso Kizisto am na pahawahen yaten do raraten do karawan. Am ori o na pangozayan do nakenakem na ni Ama ta do to a mawakwak no raraten ta.

Ivoso 1:21

a kabtekan rana a Panirsirngen do sinokob no hanit. So ikabo rana no makahad so oyowyat na kano azwazway na do karawan a kado teyngato mangay do kaidan no karawan.

Ivoso 2:11

Am ori an, pakanakman nyo so kataotao nyo a ji da nipazasing no tao do Yotay a omraralay ni Ama ta do to no kakwa, do kaji nyo nginaran sira amyongkad do kataotao nyo.

Ivoso 2:13

Am inyo rana a ji ngasngen ji Ama ta do to a tao am na rana nipanop inyo ji Yeso Kizisto sicyaikwaya. So nyo ikanoyong rana yamacikaop ji Ama ta do to. Ta na nikawakwak rana inyo ni Kizisto.

Ivoso 2:3

No kakwa am akman tamo sira a to mangozangozay do nakenakem da. Am ori o ikanoyong ta meyraraten a tao a pasingsingtan na ni Ama ta do to no makwa.

Ivoso 4:17

Ko pangozayan o ngaran ni Yeso Kizisto a Panirsirngen ta a yamvavaga jinyo. Ji nyo nginara o icicirawat da no yaji manaralay a tao, ta o nakenakem da nira am yabo na peypeypangayan.

Ivoso 4:22

karwan nyo na o adan a nakenakem nyo a yamngingit jinyo do peyraratenan nyo.

Ivoso 5:6

Am ori o ji nyo litai do kadwan jinyo a manci no kapya no akman sang a vazay. Ta o akman rana sang so icicirawat a tao am amyan so oyaoyyan na nira ni Ama ta do to no makwa, do kaji da niomonotan do nanao na ni Ama ta do to.

Ivoso 5:8

Ta no kakwa am nimyan kamo do kasarisaryan a ji makateneng ji Ama ta do to. Am sicyaikwaya am kamo na macikaop ji Yeso Kizisto a Panirsirngen ta. So yanyo iyan rana do kazngangan. Am ori o inaran nyo so icicirawat da no tao a yamakateneng rana do ciriciring na ni Ama ta do to.

Ivoso 6:12

Ta yaten rana am beken a ta macililiman do tao. Ta tamo macililiman ji Satan a kano aro a kalamsoyan na yatomalamozong no meyraraten a tao do karawan.

Kelosi 1:21

No kakwa pa am abo kasngesngenan nyo ji Ama ta do to, do karahet no onowned nyo a kano vazay nyo. So nikanoyong nyo akmey mapeykavosoyan si Ama ta do to.

2 Timotay 4:10

Ta na nikarwan rana yaken ni Temase a mangay do Tesalonicya, do kapyapya na pa so masaod no karawan. Si Keleseke rana am nimangay do Cyalatay. Si Tito am nimangay do Taarmatiya.

Yake 1:27

O ipanci na ni Ama ta do to a manoyong a omraralay nya tao am ji manginanahet do nimasbang a kano vao a mavakes a makapzat do onowned na, ji macikza do tao do karawan a meyraraten.

Yake 1:7

O tao a ji ngotokot so nakem ji Ama ta do to am ji na tenngi o manoyong a zokzokan no nakenakem na. Ta abo mapsek a pamnekan na. O akman sang a tao am ji na ngakzeba o keyyan no mahap na ji Ama ta do to.

Yake 4:4

To kamo makasi yaomalalas ji Ama ta do to a tao. Ta manngwa, nyo jyatenngi o kapeykavosoyan na si Ama ta do to no meyparai jya so nakem a tao? So ji na alasi no akman sang a tao a mapeykavosoyan si Ama ta do to.

1 Pite 1:14

Onotan nyo si Ama ta do to. Ji nyo to nginara o marahet a icicirawat nyo no kaji nyo pa manaralayan.

1 Pite 4:3

Teywara o mina raraten nyo no kakwa. Ta meyyangay kamo pa so vazay a kano ji raralay ni Ama ta do to a tao a to meyvozaw a mapasagpyan so aktokto nyo a masakisakin, manaralay so malas a tao do to nyo, pacyangayan no makakaday a raraten nyo.

2 Pite 2:14

Yabo da ji nitanita no mata da. Da pa ji makamyamyan o yamakakaday a yada peyraratenan. Da cirarahen sira o yaji makanet so onowned ji Ama ta do to a tao a mapasagpyan so kataotao da. Sira rana am da inaman o yada pangangagoman. So da ikanoyong a yana balinasen ni Ama ta do to.

1 Yowani 3:10

O peytarkan no anak ni Ama ta do to a kano macibedbed pa ji Satan am o macibedbed pa ji Satan am ji dakzan o apya. Ji da arilawan o icyatatao da.

1 Yowani 3:8

O meyraraten pa tao am macibedbed pa ori ji Satan. Ta nimeycicinda no kakwa o kapeyraraten na ni Satan. Ori na nyai no Anak ni Ama ta do to a ombalinas so vazay ni Satan.

1 Yowani 4:4

Am inyo rana manga ovay am yakamo macikaop ji Ama ta do to. So nyo ikanoyong a yarana nimharag so malas so ipangnanao a tao. Ta yarakorako o oyowyat no Seyzi a yamyan jinyo a kani Satan a tomalamozong nira.

1 Yowani 5:19

Tamo katenngan o kapacikaop ta ji Ama ta do to. So ta pakatenngan do kapacikownongan da ji Satan no yaji manganoyong a tao do karawan.

1 Yowani 5:4

Mamimin o anak ni Ama ta do to o makaharag so marahet a vazay do karawan. O ipakaharag da so marahet a vazay am voovoo da o kapeyhanhan da ni Yeso Kizisto.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Ipaziman 13:14

So nipakahap na so rako a oyowyat a meyvazay so mapangyangyalak a vazay do tangain no nimanma na omalalam. Am ori o nilittan na do tao do karawan. Ipanci na o tao do karawan a mamaring so kamamagenan no nimatavaz no ipangan a omalalam.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 16:17

Paglowen na no ikapapito no tinsi o panay na do hanit am amyan so ciring a apo do lilisnan do panaralayan. Maniring am, “Cyana,” kwan na.

Ipaziman 20:2

So nirakpan na no tinsi so kamolay. Iya rana ori o volay do Ityan no kakwa pa a meyngaran so Satan. So nivaodan na sya so asa zivo (1000) so awawan.