Ivoso 2:12 - Seysyo No Tao

¹² No kano nang am abo o kasngesngenan nyo ji Kizisto, ta akma kamoy kadwan a ji da patwatopa do tangain ni Ama ta do to, do kaji nyo macitetngehan do tao do Yotay. Ta sira am nipanta na sira ni Ama ta do to so pangozayan na ciring. So ikanoyong nyo a to rana hayo so onowned, do kaji nyo makatenngan ji Ama ta do to.

Ivoso 2:12 ပူးပေါင်းရင်းမြစ်များ

Locya 1:72

So nikarilawan na no ineynapo ta, do na kahap sya do kanitomoyotoyon na sira.

Yowani 10:16

O kagling ko a yapa ji macyamaot do jya am mangay ko kalahen sira kapakamizing da so itawag ko jira. So icyakma dey yasa a onongan ko.

Yowani 15:5

“Yaken am yakmey kayo. Inyo am yangayangaw na. O macikaop jyaken am macikaop ko jya a karo no akma ney asi. No si karwan nyo yaken am ji nyo amaog o vazay nyo.

Yowani 4:22

Inyo rana tao do Samadiya am nyo jyatenngi o yanyo iraralay. Yamen a tao do Yotay am namen katenngan o namen iraralay. Ta o mapatazadang so tao a mangay do teyngato am apo do tao do Yotay.

Nimlivolivon 2:39

Ta ori o nipanci na itoro na jinyo a kano ananak nyo a pacyangayan da no tao do peycyamahamahatawan na. Ta tamo mamimin a rarahen ni Ama ta do to a Panirsirngen ta.”

Nimlivolivon 28:20

Am ori o ko kakzeban jinyo a yapacisirsirngan. Ta o da nivaodan jyaken am yaomagaz do ko kanoyong ji Yeso Kizisto a yarana mownay a da pananalahen no Isedi a tao.”

Nimlivolivon 3:25

Yaten o mahap so nipanci da no panoyonoywan na so ciring ni Ama ta do to a kano nipanci na ji Apolahan. Ta maniring am, ‘Mamnek ko do sivosivovoong mo so asa ka tao a tomeneng a mapeypapya so tao do karawan.’

Loma 9:8

O peypeypangayan no ciring na am beken a mamimin o nimapodpod ji Apolahan a abneken na anak ni Ama ta do to. Ta o meyhanhan nya a mangononong do ciring na am ori o meyngongyod a abneken na anak.

Cyalatay 4:8

No kakwa pa am ji nyo a tenngi si Ama ta do to. Am ori o ikanoyong nyo a lamlamsoy no makakaday a malas a iraralay nyo.

Ivoso 2:19

Am ori an, ikabeken nyo rana kadwan a beken a tao do Yotay an. Ta tamo na mamimin a akma ney anak ni Ama ta do to a yakmey yasa ka vahay.

Ivoso 4:18

Onowned da am yakmey kasarisaryan. Yabo da kasngesngenan do vayo a onowned a yapo ji Ama ta do to. So da ikanoyong a yaji macipayok so nakenakem ji Ama ta do to.

Kelosi 1:21

No kakwa pa am abo kasngesngenan nyo ji Ama ta do to, do karahet no onowned nyo a kano vazay nyo. So nikanoyong nyo akmey mapeykavosoyan si Ama ta do to.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

Kelosi 1:5

Ta no kavavayo nyo pa nimakamizing so Mapasaray a Ciriciring na ni Ama ta do to am to nyo na nganoyngi o itoro na jinyo ni Ama ta do to do teyngato.

1 Tesalonicya 4:13

Manga kakteh, o nimawakwak rana tao am inaoy no si katenngan nyo o peypeypangayan na a kaji nyo na zababan so onowned. Ji nyo nginarai o yaji manaralay a tao a yaji makateneng do peypeypangayan na.

1 Tesalonicya 4:5

So ji nyo mapasagpyani so kataotao nyo an. Ji kamo macyangangay do yato nazibo ni Ama ta do to.

2 Tesalonicya 2:16

Na ikarilaw yaten ni Ama ta do to a kani Yeso Kizisto a Panirsirngen ta. O pangangarilawan na ni Ama ta do to am ori o yapwan no to meyyonong a sarasaray no onowned ta amnanala so nakem na jyaten.

1 Timotay 1:1

Yaken rana am si Pawlo ko a lamlamsoy ni Ama ta do to a manoyong a mapatazadang jyaten do teyngato. Yana nipamnekan yaken ni Yeso Kizisto a omlivolivon no ciriciring na. So ikanoyong na ni Yeso Kizisto a hanhan ta.

Sipolay 11:34

So nihespan da do rako a lila no apoy. Nipakasaoy da do ipangan no tao a amwakwak sira. Kakwakwan da abo so oyowyat am nioyatan na sira ni Ama ta do to. So nikowyat da amharag so omarap sira tao do livolivon no ili da.

Sipolay 6:18

a ipadnadna na so nakem ta a yameyhanhan nya. Ta iya rana am jyabliblis o ahahapan na sya.

Sipolay 8:6

Am o vazay na ni Yeso a mapatanatanang so nakem ta ji Ama ta do to am maharahara pa kano vazay da no mapatanatanang so nakem no tao do teyrahem. Ta si Yeso rana am nipanop na yaten no vayo a pangozayan a ciring na ni Ama ta do to. O vayo a pangozayan a ciring na ni Ama ta do to am omaing do mina ciring na ni Ama ta do to so omanoyong jya tao. So ikapyapya na pa no nang a kano adan a pangozayan a ciring.

1 Pite 1:21

Iya o yanyo ipakateneng rana ji Ama ta do to a nimapeyvangon sya do heseb na a nimanta nya so azwazway na. Am ori o nyo rana to ngotokoci so nakem ji Ama ta do to a omanoyong do akman sang a oyowyat na a mapeyvangon jinyo no makwa.

1 Pite 1:3

Isaray takamo si Ama ta do to a Ama na ni Yeso Kizisto a Panirsirngen ta. Ta yatey rako o pangangasyan na a yanimanta nyaten so vayo a onowned ta, do yana kanimapeyvangon si Yeso Kizisto do heseb na. So anoyngan ta do akman sang a oyowyat ni Ama ta do to a mapeyvangon jyaten no makwa.

1 Pite 3:15

Ji kamo a haha so nakem ji Kizisto. Iraralay nyo a panadnaden o Panirsirngen nyo. Mangday kamo do araraw a omnakenakem so itovis nyo do mapacici jinyo, do raralayan nyo ni Ama ta do to a mapatazadang jinyo do teyngato.

1 Yowani 3:3

O tao rana mapananala so araraw no yai ni Kizisto am ji meyraraten. Ta inarahen na si Kizisto a ji meylimoteng so onowned.