Ivoso 2:10 - Seysyo No Tao

¹⁰ Si Ama ta do to o yata nikablis no onowned a yarana macikaop ji Yeso Kizisto. So na ikapya rana no vazay ta a mangonong do na peypalanginan nyaten ni Ama ta do to.

Ivoso 2:10 ပူးပေါင်းရင်းမြစ်များ

Matay 5:16

Akman kamo so zezak ang a peycitacittan da no tao. So inaran nyo si Ama ta do to a tey yapya. Ta no si macita da inyo no tao a tey yapiya so ahahapan sya am admadmain da rana si Ama ta do to.

Yowani 3:21

Am o apya so icicirawat a ji meyraraten a tao am ikakza da o kazngangan a mapatwaw so apya vazay da do kownot da ji Ama ta do to.”

Nimlivolivon 9:31

No kanang rana am abo rana o ikalaw da no omraralay ni Yeso a tao do Yotay a kado Cyadidi a kado Samadiya. So nikakdeng da rana so nakem ji Yeso. Ta arako o nisidongan na sira no Seyzi. Am ori o nikaro no tao a omanoyong ji Yeso. So nikapiya no icicirawat da rana omahap so vazay na ni Ama ta do to.

Nimlivolivon 9:36

Do Yepey rana ili da am amyan so asa ka mavakes a omraralay ni Yeso a meyngaran si Tapitay. O ngaran na do ciring no Sila am si Tocya. Peypeypangayan na am ibosbosan. Aro apiya vazay na, ta sidongen na sira o abo so nizpi a tao.

Loma 8:1

O pacikaopan ni Kizisto a tao sicyaikwaya am ji na rana meydednai no peyoyaoyyan na ni Ama ta do to a mangay no makwa.

Loma 8:29

Ta o nipamnekan na ni Ama ta do to a amraralay nya tao am to na ji ngamoga sira akman so Anak na si Yeso Kizisto apiya so ahahapan sya. So ikanoyong na ni Yeso a akmey rakeh na jyaten akmey meyketeketeh do cinai.

1 Kedinto 3:9

Yamen rana am namen macipeyvazay ji Ama ta do to. Inyo rana am kanyo akmey nihakawan na ni Ama ta do to a namen pirwahen pa. So nyo icyakmey vahay a na patneken ni Ama ta do to.

2 Kedinto 5:17

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

2 Kedinto 5:5

Ta isonong na yaten ni Ama ta do to a somazap so akman sang a yeyyak ta no mata. O yongkad no nang am Seyzi a na nitoro jyaten.

2 Kedinto 9:8

Ta arakorako pa o itoro na jinyo ni Ama ta do to. So ikanoyong nyo to meypanpan do kanekanen nyo a manidong so ikeykasi nyo a tao.

Cyalatay 6:15

So ji na ranakdengi no kayongkad do kataotao. Ta makdekdeng o vazay no Seyzi a omyavayo so onowned ta.

Ivoso 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a omlivolivon no ciriciring na. Yako ipeyteygami inyo a yamraralay ni Ama ta do to a tao do Ivoso a yato ngotokot so nakem ji Yeso Kizisto.

Ivoso 1:4

No kaji na pa amaogan no karawan am nipamnekan na rana yaten ni Ama ta do to a monganay jya. Ta nikawakwak ni Yeso Kizisto o raraten ta. So ikanoyong ta abo rana so karatan do tangain na ni Ama ta do to. Na tey karilaw yaten ni Ama ta do to.

Ivoso 2:13

Am inyo rana a ji ngasngen ji Ama ta do to a tao am na rana nipanop inyo ji Yeso Kizisto sicyaikwaya. So nyo ikanoyong rana yamacikaop ji Ama ta do to. Ta na nikawakwak rana inyo ni Kizisto.

Ivoso 2:15

O na nyangay so inawan ni Kizisto am na niblis o yada hanhan no tao do Yotay a iwawalam ni Moyse. So icyakma dey yasa rana no tao do Yotay a kano beken a tao do Yotay do tangain ni Kizisto. No si manoyong kakma tey yasa rana am apya ta na so nakem do kadwan jyaten.

Ivoso 2:2

No kano nang am onotan nyo pa o malas a vazay da no ji manganoyong a tao a kano ciring ni Satan a yatomalamozong no meyraraten a tao.

Ivoso 2:6

Na rana nipazasing yaten so inawan ji Yeso Kizisto a nimirwa a mavyay. So icyakma tey macikaop jya amyan do teyngato.

Ivoso 4:1

O yako iyan do pamemtengan sicyaikwaya am yako peyvazain o vazay na ni Yeso a Panirsirngen ta. So yako pancyan ninyo a omzat do icicirawat nyo. So ikanoyong nyo a macipayok so icicirawat ji Kizisto.

Ivoso 4:24

Pangozayan nyo o avayo a onowned nyo a kano icicirawat nyo a mapatwaw so apiya nakenakem na ni Ama ta do to.

Veydipi 1:6

Ko anoyngan o na kapeyvazay do onowned nyo ni Ama ta do to icyakma ney kanapnapan a ovid. Jyabo kakavos no nya vazay na jinyo a mangay no si komavos o akman sya no si ipirwa pa mai si Yeso Kizisto.

Veydipi 2:13

Ta yameyvazay do onowned nyo si Ama ta do to. So ikasasaray nyo a mapeyvazay so kakdain na jinyo ni Ama ta do to.

Kelosi 1:10

No si akman sang am manoyong kamo na macipayok so vazay ji Yeso Kizisto a Panirsirngen ta, do kahap nyo so vazay na a meypahagnat rana so onowned a makateneng rana ji Ama ta do to.

Kelosi 3:10

kapalit nyo rana so vayo a onowned nyo apo ji Ama ta do to, do na kaji amtadan a yasomidong jinyo a yaomyavayo so icicirawat nyo. Am ori o ikanoyong nyo rana meypahagnat a makateneng ji Ama ta do to.

2 Tesalonicya 2:17

Inaoy no si pasarain na o onowned nyo a kapait na jinyo a jyablis so nakenakem a mapeyvazay so meykamadadayan a apiya vazay a kapanci nyo no apiya ciriciring.

1 Timotay 2:10

Ahapen da o apiya icicirawat, ta ori o manoyong a omraralay ni Ama ta do to a mavakes.

1 Timotay 5:10

Katenngan da no tao apya so vazay, makananao so anak na, mateneng a manaotao so apo do teysa ka ili a tao. Ji mapahama so nakenakem, kasidong na so amyan so alalaw a tao a kowyat na mahap so apya vazay.

1 Timotay 5:25

Akman sang o tao a apya so vazay am katenngan ori. Am tana jyatenngi am abo makatayo sya.

1 Timotay 6:18

So pancyan mo nira mapeyvazay so apya vazay, kazonos da a manidong so icyatatao da.

2 Timotay 2:21

O ko pancyan no nang am tanyo akman so makakaday a apzapzatan ang. No ji ta pasngena o raraten do kataotao ta am manoyong kapahanhan na jyaten ni Ama ta do to do makdeng a vazay.

2 Timotay 3:17

Ta ori o ikateneng ta a ikowyat ta a mapeyvazay so makakaday a vazay na ni Ama ta do to.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

Tito 2:7

Imo rana am tana makakaday o vazay mo am ji ka rahet so icicirawat an. Ta manakem mo o kapeycitacita da jimo no tao. Makapiya ka so nakenakem a omnanao sira an.

Tito 3:1

Pazimanen mo jira o kownot da do vazay no makayokod nira tao. Amizngen da o pipya vazay a ipanci da.

Tito 3:14

Ipanci mo do kakteh ta do cinai o kowyat da omhakakaw a amyaw no velek da a kasidong da so makasi a tao. Ji da nginara o to meyyowyaw a abwata so angangayan a tao.

Tito 3:8

So ikabo no kalalasan no ciriciring eya. Pakanakmen mo a ipanci jira oya an, a kowyat da no amraralay ni Ama ta do to a tao a meyvazay so apiya vazay. Ta o akman rana sya vazay am tey yapya a makasidong so tao.

Sipolay 10:24

Manakem ta o kapait ta so nakenakem do kadwan jyaten. Manakem ta o kasidong ta so kadwan jyaten a mapatwaw so pangangarilawan na ni Ama ta do to.

Sipolay 13:21

Inaoy si itoro na jinyo ni Ama ta do to o makakaday a ileylamnay no nakem nyo a kowyat na jinyo a mahap so isaray na vazay. So ikanoyong nyo a mahap so nakenakem ni Ama ta do to, do nyo kararalay ni Yeso Kizisto. Inaoy si mangay o azwazway ji Kizisto mangay do kaidan no karawan. Amin.

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

1 Yowani 1:7

Am no si amyan ta do kazngangan a akman si Ama ta do to am macikaop ta do akma tey kakteh do cinai a omraralay ni Ama ta do to. Ta o rala na ni Yeso Kizisto a Anak na ni Ama ta do to o amvonas so makakaday a raraten ta.

1 Yowani 2:6

O tao rana manci no kapacikaop na ji Ama ta do to am inarahen na an o icicirawat ni Kizisto no keyyan na pa do teyrahem eya.