Ivoso 2:1 - Seysyo No Tao

¹ No kaji nyo pa manaralayan am pasobnan nyo pa o ciriciring na ni Ama ta do to a meyraraten.

Ivoso 2:1 ပူးပေါင်းရင်းမြစ်များ

Matay 8:22

Maniring si Yeso am, “To mo macipanadngi sira o omonong do nimapoling so peylingalingayan a tao. Am imo rana am macilolo ka jyaken.”

Locya 15:24

Ta o anak ko rana ya am yakmey nimawakwak a na kavyay rana. Ta yakmey nimabo a apzapzatan a na kapeytotwaw rana.’ Am ori o nipakapya da nisomaray nya.

Locya 15:32

Am si wari mo rana am yakmey nimawakwak a na kavyay an. Yakmey yanimabo a apzapzatan a na kapeytotwaw rana an. Am ori o ji na alasi no kasaray ta nya an.’ ”

Yowani 10:10

O isdep da no manakaw am manakaw sira, kapanwakwak da ambalinas sira. Am o peypeypangayan no ko nyai do teyrahem am ko ipanta inyo so to meyyonong a ikavyay no pahad nyo, kasasaray nyo rana abo so kalahen.

Yowani 14:6

Maniring si Yeso am, “Yaken am rarahan nyo. Yaken am yanan no manoyong a nanao. Yaken am yapwan no to meyyonong a ikavyay no pahad nyo. No ko abo am abo tao a makatanggeh ji Ama ta do to. So ika yaken no ipakatokod nyo ji Ama ta do to.

Yowani 5:21

O vazay na ni Ama mapeyvangon so nimawakwak a tao am akman ko sang a to mangozay do nakenakem ko a omvyay so tao.

Yowani 5:25

“To ko na macitangayan jinyo am oya rana o araraw na. So na rana ikanoyong a yarana nimakaranes no ipakamizing da so ciring ko no kabwan na pa no to meyyonong a ikavyay no pahad da a tao. Am o mahap so ciring ko o makahap so to meyyonong a ikavyay no pahad da.

Loma 8:2

Ta o Seyzi am ori o yamapanop jyaten ji Yeso Kizisto. So ta ikanoyong rana yakmey nikowvayan so raraten a kano ji na rana meydednai no peyoyaoyyan na ni Ama ta do to.

1 Kedinto 15:45

Ta maniring do Seysyo am, “Si Adam am tao kamamaogan na.” Am o ipanci a manowji a Adam am si Kizisto a manta nyaten so to meyyonong a ikavyay no pahad ta.

2 Kedinto 5:14

O pangangarilawan ni Kizisto amyan do onowned namen. Ta namen katenngan sicyaikwaya o kanimawakwak ni Yeso no tao do karawan. Am ori o ta icyakmey asa rana a macizanod do inawan ni Yeso a nimawakwak.

Ivoso 4:18

Onowned da am yakmey kasarisaryan. Yabo da kasngesngenan do vayo a onowned a yapo ji Ama ta do to. So da ikanoyong a yaji macipayok so nakenakem ji Ama ta do to.

Ivoso 5:14

Am ori o pancyan da nya, “Kayokay rana yamitkeh a tao. Pamlis kamo na, yapa meyraraten. Ta cirain na inyo ni Kizisto.”

Kelosi 2:13

No kakwa pa am abo pa jinyo o to meyyonong a ikavyay no pahad nyo, do keyyan no raraten nyo a nimacisyay ji Ama ta do to. Am kanimapazanod na jinyo ji Kizisto a avyain ni Ama ta do to, do kanimvonas na rana so raraten ta ni Ama ta do to.

1 Timotay 5:6

Am o makza no keylamnay da tao do karawan am tana mavyay o kataotao da am akmey nimawakwak o onowned da.

1 Yowani 3:14

Yata rana katenngan o yata kanimablis rana so onowned. O ta ipakateneng dang am ta ikarilaw o akma tey kakteh do cinai. O abo so pangarilawan na am mavaod pa ori no raraten.

Ipaziman 3:1

“Ipeyteygami mo o yamimong no kyokay do Satise. Si maniring ka am, ‘Yamaniring o na yanan no Seyzi na ni Ama ta do to a kano yapito a ka mata no hanit am: Ko katenngan o nyo kasasaodan. Ko katenngan o da kapanci ninyo no tao a yamahap so nanao ko. Am yaji meyngongyod o onowned nyo jyaken.