Ivoso 1:8 - Seysyo No Tao

⁸ O pangangarilawan na ni Ama ta do to am ta na ipakateneng do na ahahapan sya ni Ama ta do to.

Ivoso 1:8 ပူးပေါင်းရင်းမြစ်များ

Matay 11:19

Yaken rana a Nipamnekan na ni Ama ta do to a tao am ko koman a ko keyyop. Am no kamo maniring am, ‘Yamatetehnan a yameyyeyyopen a yamacizavoz do mapeyvazay so deyking a tao a kano meyraraten a tao.’ Am o teneteneng na ni Ama ta do to am manoyong a meytotwaw do makza nya tao.”

Loma 11:33

Yatey rako o pangangasyan na ni Ama ta do to. Ta yabo o makahap so teneteneng na. Sino makapatak no ahahapan na sya ni Ama ta do to. Sino makateneng do vazay na.

Loma 5:15

Ta si Adam rana am nimeyraraten. Am ori o nikapwan no ikawakwak no tao. Am si Yeso Kizisto am tey mangarilaw, ta nikawakwak na o raraten no tao. O akman sang a pangangarilawan na ni Ama ta do to a yana nitoro do aro a tao am yabo tonggal na.

1 Kedinto 2:7

O yako ipeylimwang eya am ji da pa nipatwaw no tao no kakwa a teneteneng na ni Ama ta do to. Ta no kaji na pa mamaogan no karawan am amyan rana ori a nakenakem na ni Ama ta do to do kapacikaop ta jya no makwa.

Ivoso 1:11

O makakaday do karawan am abo ji mangozay do ahahapan na sya ni Ama ta do to. So na to mangozai do nakenakem na a mapanop jyamen a amraralay ni Yeso Kizisto a tao do Yotay a akma ney anak a macikaop ji Kizisto.

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

Ivoso 1:9

So ta rana ipakateneng ji Kizisto akma ney kahanhanan a mapakavos so ji nitomwaw pa vazay na no kakwa.

Ivoso 3:10

Ta na kakzeben ni Ama ta do to o kapakacita da sya no tinsi jyaten a yamraralay nya tao so apiya vazay na kano teneteneng na ni Ama ta do to.

Kelosi 2:3

Si Kizisto o na yanan no makakaday a teneteneng.

Yota 1:25

Si Ama ta do to am abo o ikararwa na a yanitomovoy si Yeso Kizisto a Panirsirngen ta a mapatazadang jyaten do teyngato. Inaoy si mangay jya o azwazway do teyngato a kado teyrahem nimapo no kakwa, na kai sicyakwaya a kangay na do kaidan no karawan. Amin.

Ipaziman 5:12

a omlololos a meyyanwanood. O aingan no anood da am, “O niwakwak da Kagling am manoyong a mahap so oyowyat a kano keynakman a kano teneteneng a kano azwazway a kano sarasaray a anwanooden.”