Ivoso 1:4 - Seysyo No Tao

⁴ No kaji na pa amaogan no karawan am nipamnekan na rana yaten ni Ama ta do to a monganay jya. Ta nikawakwak ni Yeso Kizisto o raraten ta. So ikanoyong ta abo rana so karatan do tangain na ni Ama ta do to. Na tey karilaw yaten ni Ama ta do to.

Ivoso 1:4 ပူးပေါင်းရင်းမြစ်များ

Matay 24:22

No ji na pazikenkeni ni Ama ta do to o araraw no alalaw no tao ori am abo o tao a mavyay. Am na kapakanakem so na nipamnekan a tao a yamraralay nya. Am ori o na pazikenkenan do araraw no ipakaranes no alalaw ang.

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Matay 24:31

Manovoy ko so aro a tinsi a meyzapa a ipatao ko so tao do peycyavanovanwan na a mapeylovolovot so nipanop ni Ama ta do to a tao do teyhesa ka mahataw.

Matay 25:34

Karahan am maniring o panirsirngen do amyan do wanan na tao am, ‘Inyo rana yana nipanlanlag ni Ama am sijya kamo do italamozong na ni Ama ta do to, ta amoonen nyo o nakem na jinyo no kapangamaog na pa so karawan.

Yowani 10:16

O kagling ko a yapa ji macyamaot do jya am mangay ko kalahen sira kapakamizing da so itawag ko jira. So icyakma dey yasa a onongan ko.

Yowani 15:16

Beken a inyo o yanimamnek jyaken, ta yaken o yanimamnek jinyo. So ko tovoyan jinyo a mangay meyvazay so makasidong so tao a vazay. Ta o akman rana sang a vazay am tey saray na ni Ama ta do to a mangay no makwa. Si akman kamo sang am no mapasyasi kamo ji Ama am itoro na jinyo.

Yowani 17:24

“Mo Ama, o mo nitoro jyaken a tao am inaoy si amyan sira do angayan ko. So ikanoyong da makacita so azwazway ko a nitoro mo jyaken. Ta nimanoma rana o aglaglaw mo jyaken no kaji na pa amaogan no karawan.

Nimlivolivon 13:48

Mamizing da no beken a tao do Yotay am masaray sira. Ori o nyazwazwayan da so ciring na ni Ama ta do to. Sira rana aro a tao am nakenakem na ni Ama ta do to o kapamnek na jira a mahap so to meyyonong a ikavyay no pahad da, do kanoyong da rana ji Yeso.

Nimlivolivon 15:18

Ori rana am ciring na ni Ama ta do to a nipamizing na jira no kakwa pa.’ ”

Nimlivolivon 18:10

ta amyan ko a macikaop jimo. So ikabo no makagogad nimo. Ta do ili rana ya am sira aro o tao meypaza pa omanoyong jyaken.”

Loma 8:33

Sino o amraherahet jyaten a nipamnekan na ni Ama ta do to. Ta yaten rana am na rana nibnek yaten a abo so raraten do tangain na.

1 Kedinto 1:8

Jyabo kaji na ngoyatan jinyo ni Yeso a. So ikanoyong nyo na abo rana so karatan do tangain na, no si mai si Yeso Kizisto a Panirsirngen ta.

Cyalatay 5:13

Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Ivoso 2:10

Si Ama ta do to o yata nikablis no onowned a yarana macikaop ji Yeso Kizisto. So na ikapya rana no vazay ta a mangonong do na peypalanginan nyaten ni Ama ta do to.

Ivoso 3:17

Ori o ipakateneng nyo ji Kizisto a manoyong rana a yamacikaop jinyo a yatomalamozong ninyo. Ko ipeynozi inyo a mapayamot so pangangarilawan na do onowned nyo.

Ivoso 4:2

Taosya o kapahama nyo so nakem nyo. Apyapya pa kapiya no nakem nyo do icyatatao nyo. Ji kamo meyoyaoya. Ta karilaw nyo no kadwan jinyo.

Ivoso 5:2

Patwawen nyo do icicirawat nyo o pangangasyan na ni Ama ta do to, akman si Yeso Kizisto a yamarilaw nyaten a yajingbeywan do inawan na nisomidong jyaten. Ta o akman rana sang a vazay na am isaray na ni Ama ta do to.

Ivoso 5:27

O peypeypangayan no vazay na ni Kizisto am isaray na yaten a tey yapya a abwata so karatan do tangain na ni Ama ta do to.

Veydipi 2:15

So nyo ji meylimotengi so onowned a abo so karatan a akma ney anak ni Ama ta do to a yamacikaop do meyraraten a tao do karawan. Ta inyo rana am akma kamoy zezak da, akman so mata no hanit a amzezak so kasarisaryan,

Kelosi 1:22

Am sicyaikwaya am nikawakwak na rana yaten ni Yeso Kizisto a Anak na ni Ama ta do to. Am ori o yanyo rana ipacikaop ji Ama ta do to. O icyakman na sang am kakzeben na inyo a ji meylimoteng so onowned a abo so karatan do tangain na.

Kelosi 2:2

O ko ikakman sang am ko kakzeben o kasaray nyo so onowned a masicyakarilaw. So ikapinpin na no nang a ko tey kakza inyo a manoyong rana makateneng do nanao ni Ama ta do to a omagaz ji Kizisto.

Kelosi 3:12

Si Ama ta do to o yamarilaw ninyo a nimamnek jinyo a akma ney anak. Am ori o ipangarilaw nyo a mapanalawbo so aktokto nyo, ta kapiya nyo so nakem do tangain no tao a jyahayo so onowned.

1 Tesalonicya 3:12

Inaoy no si oyatan na inyo a meypahagnat so pangangarilawan a marilaw no kadwan jinyo, pacyangayan no karwan no tao, akman jyamen a yamarilaw ninyo.

1 Tesalonicya 4:7

O na nipamnekan jyaten ni Ama ta do to am beken a mangay ta pasagpyanen o kataotao ta, ta kakzeben na yaten a ji meylimoteng so onowned.

2 Timotay 1:9

Iya o nimahap jyaten a mapanop jyaten a omanod jya. Am beken a omagaz do kapya no icicirawat ta, ta yaomagaz do nakenakem na kano pangangarilawan na ni Ama ta do to. Ta no kaji na pa nimangamaogan so karawan am nimanakem na rana o katovoy na si Yeso Kizisto a somidong jyaten.

2 Timotay 2:10

Am ori o ko to liliwi so yamakakaday a da peyrarehtan jyaken, do ko kasidong so nipamnekan na ni Ama ta do to a tao a omanoyong ji Yeso Kizisto. So ikanoyong da makahap so to meyyonong a pangangarilawan na kano azwazway.

2 Timotay 2:19

Am yajyablis o manoyong a nanao na ni Ama ta do to. Ta maniring do nivatvatkan a Ciriciring am, “Katenngan na ni Yeso o omanoyong jya tao.” Maniring pa am, “O manci no kararalay da ni Ama ta do to am peymakarwan da rana o raraten da.”

Yake 2:5

Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.

1 Pite 1:2

Nakenakem na ni Ama ta do to o yana kanimapanop jinyo a omanoyong ji Yeso. So yanyo ikanoyong rana a yana nyavayo no Seyzi so onowned a yaomonot ji Yeso Kizisto, do kanimvonas na so raraten nyo no rala na. Inaoy si arakorako pa o pangangarilawan na kano apiya onowned nyo a itoro na jinyo ni Ama ta do to.

1 Pite 1:20

Ji na pa nyamaog o karawan am nipamnekan na rana si Yeso ni Ama ta do to a mawakwak no raraten no tao do karawan. So na ikanoyong rana a nimai a somidong jinyo.

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.

2 Pite 3:14

Am ori an manga kakteh an, no kamo manoyong a yamapananala so araraw ori am makowyowyat kamo pa mapeyvazay so apya vazay a abo so karatan a macikaop ji Ama ta do to.

1 Yowani 4:16

Tamo anoyngan na karilaw nyaten ni Ama ta do to. Ta si Ama ta do to am yapwan no pangangarilawan. O yanan no pangangarilawan ni Ama ta do to a tao am macikaop ji Ama ta do to. So icyakman na sang ni Ama ta do to a macikaop jya.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 17:8

O nimacita mo a omalalam am nimavyay pa no kakwa am yarana maliman sicyaikwaya. So ikakeykai na rana mai a apo do abo so takadan a gazawagaw a jyatenngi so karaherahem a meypangay do kararatan a ipasingkad na sya ni Ama ta do to. O tao do teyrahem a jidket so ngaran do vakong a yanan na rana no to meyyonong a ikavyay no pahad da no kaji na pa amaogan no karawan am mamimin sira malak no omalalam a nimavyay pa no kakwa yarana maliman sicyaikwaya. So ikanoyong da malak nya no meytotwaw no makwa.