Ivoso 1:12 - Seysyo No Tao

¹² Inaoy no si mamimin namen a ney manma na makateneng ji Kizisto a somaray ni Ama ta do to a ney mazway na a Tao do to!

Ivoso 1:12 ပူးပေါင်းရင်းမြစ်များ

Yowani 14:1

Maniring pa si Yeso jira am, “Ji kamo a rahet so onowned an. Ta anoyngan nyo si Ama ta do to a ka nyaken an.

Ivoso 1:6

So ikanoyong ta somaray no akman sang a pangangarilawan na ni Ama ta do to, do na kabo no ngina na no Anak na, na to norwan jyaten.

Ivoso 2:7

O ikakman na sang ni Ama ta do to am ipacita na do kaidan no karawan o mapeyzokab a pangangarilawan na kano pangangasyan na jyaten a yamacikaop ji Yeso Kizisto.

Ivoso 3:21

Inaoy si pangozayan ta a yamraralay ni Yeso Kizisto a tao o kato ta meyyonongan a zomwazway si Ama ta do to sicyaikwaya mangay do kaidan no karawan. Amin.

2 Tesalonicya 2:13

Inyo rana manga kakteh a na ikarilaw ni Ama ta do to am namen masangib inyo a isaray ji Ama ta do to. Ta no kaji na pa amaogan no karawan am nipamnekan na rana inyo ni Ama ta do to a ahapen. So nyavaywan na so onowned nyo no Seyzi a kowyat na jinyo a omanoyong do nanao na ni Ama ta do to.

2 Timotay 1:12

Ori o yana niyapwan no alalaw ko. Am cyaha, ta yako katenngan si Yeso a yako ipeyhanhan. So ko anoyngan ji Yeso a makasidong jyaken a mapeyvazay so vazay na mangay do araraw no ikeypirwa na mai.

Yake 1:18

Na to mangozai o nakem na a manci nyaten akma ney anak. Ta yaten rana am ipeyhanhan ta o manoyong a nanao na. Am ori o yata iyan do ney manokdwan na do makakaday a nyamamaog na.

1 Pite 1:21

Iya o yanyo ipakateneng rana ji Ama ta do to a nimapeyvangon sya do heseb na a nimanta nya so azwazway na. Am ori o nyo rana to ngotokoci so nakem ji Ama ta do to a omanoyong do akman sang a oyowyat na a mapeyvangon jinyo no makwa.