Ipaziman 9:2 - Seysyo No Tao

² Iwangan na no mata no hanit o gazawagaw am mamsot o rako a aob. So ikakedep na rana no araw a bonbonan no rako a aob,

Ipaziman 9:2 ပူးပေါင်းရင်းမြစ်များ

Nimlivolivon 2:19

So iyan no ipacita ko a mapangyangyalak do hanit a kado teyrahem. Ori rana am apoy a kano rala kano rako a aob.

Ipaziman 14:11

O amrahet so kangangay da aob am jimtad a meypangay do teyngato. Sira rana omraralay no omalalam a kano kamamagenan na kano adketan no ngaran na so zozogwan am ji sira makayaknen a makaliliw so kataotao da do apoy ang.”

Ipaziman 16:10

O ikalalima no tinsi am paglowen na o panay na do lilisnan no omalalam ang a apo do awa. Meyratateng am masari rana o italamozong na ili. O tao rana am to da ranangta o lila da, do kateywara no pakaliliwan da so kataotao da.

Ipaziman 8:12

Avyotan no ikapapat no tinsi am icyakatlo no araw a kano vehan a kano mata no hanit o ji rana makacimat. Am ori o icyakatlo no araw a todasari. Akman sang no macyey no mahep, ta icyakatlo no ahep o to na sari.

Ipaziman 9:1

Avyotan no ikalalima no tinsi o zapa am macita ko o asa ka mata no hanit a makas do teyrahem a kahap na so kagi no abo so takadan a gazawagaw a jyatenngi so karaherahem.

Ipaziman 9:11

Amyan so asa ka panirsirngen a tomalamozong nira. Iya rana am tinsi a tomalamozong no abo so takadan a gazawagaw a jyatenngi so karaherahem. O ingaran da jya no Sipolay am Apaton. O ingaran da jya no tao do Sila am Apolon. O peypeypangayan no nang am Manbalinas.

Ipaziman 9:17

O nimacita ko pa do tateynep ko am aro a baka kano maoran do baka itaysang. O asot da no maoran do baka itaysang am akmey vangkoro a kano mazaponay so keyteytawan a kano akmey kawarey no manok so keyteytawan. O oo no baka am akmey oo no kokoman so tao a keyyan no apoy a kano aob a mamsot do ngoso da.