Ipaziman 8:3 - Seysyo No Tao

³ O asa ka tinsi am mai a meypinan so vowawan a yanan no mahangno a haneng a meytatanek do patanatanangan so nakem. So ikaro no mahangno a haneng a nitoro da jya a kapazanod na so inozi no sinjya patanangen do vowawan a patanatanangan so nakem do sazapen no lilisnan.

Ipaziman 8:3 ပူးပေါင်းရင်းမြစ်များ

Locya 1:10

Patanangen na o nakem da si Ama ta do to am amyan so aro a tao do pantaw a meynozi.

Loma 8:34

Am sino paro o yamanci no kaoya na nyaten ni Ama ta do to no makwa. Jyabo asa ka tao a. Ta si Yeso Kizisto rana nimawakwak a kapirwa na mavyay am yamyan rana do wanan na ni Ama ta do to a yameyneynozi nyaten.

Sipolay 7:25

Am ori o yana ikanoyong a yamakasidong so yaomanop ji Ama ta do to a tao, do yana kato meyyonongan a mavyay a yamapasyasi nyaten ji Ama ta do to.

Sipolay 9:4

Amyan dang so asleban da so mahangno a haneng. O panlenleban am ovay o akma ney kolit. O amyan pa dang am meykavahayan so ovay a kavangan. O makonokon do dang am tagaw a ovay a yanan no mana kano nitomyok a sisikod ni Yalon a kano vato a adketan no nanao na ni Ama ta do to a nitaid na ji Moyse.

Ipaziman 10:1

Nimakacita ko pa so asa ka tey mowyat a tinsi apo do teyngato a meyyayob so cinalab a meysakop so nangirang. O moing na am akma raney araw a maniray. O ai na am akma raney amlida apoy.

Ipaziman 14:18

Karahan am amyan so asa ka tinsi a tomalamozong no apoy a meytotwaw a apo do patanatanangan so nakem a tomawag do meypinan so matarem a kekezdas a tinsi. Maniring a amlololos am, “Tavazen mo no kekezdas mo o potaw do teyrahem, ta yarana mazako o asi no potaw.”

Ipaziman 5:8

Todahen na o vakong no Kagling am meylilitod sira o papat so ikakatlwan (24) a kamanrarakehan a kano apat a ka omalalam do tangain no Kagling a kamimin da no kamanrarakehan a meykaryag a somaray a kaponged da no vowawan a kapnowan no mahangno a haneng. O mahangno a haneng am inozi da ori no manaralay a tao,

Ipaziman 6:9

Pakarwen na no Kagling o ikalima no nipadketan a vakong am macita ko dobo no patanatanangan so nakem o pahad da no niwakwak da a ji macimaza no kapeylimwang da no ciriciring na ni Ama ta do to.

Ipaziman 7:2

Macita ko o asa ka tinsi apo do daddan no araw a meypinan so akmey ipadedket a yongkad ni Ama ta do to a amlolos a tomawag do nipanta na ni Ama ta do to so oyowyat a papat a ka tinsi a tey mowyat a to rana mapeykaraherahet so karawan a kano awa.

Ipaziman 8:4

O aob no mahangno a haneng am macizanod do inozi da no sinjya a kapeypangato na apo do lima no tinsi a yameytatanek do tangain ni Ama ta do to.

Ipaziman 8:5

Makarahan am apnowen no tinsi o vowawan a yanan no mahangno a haneng no apoy do patanatanangan so nakem a kabokbok na nya do teyrahem. Am ori o niyan no zomaigezeg a kapeycicilat na a kapeykanini na.

Ipaziman 9:13

Avyotan no ikananem no tinsi am makamizing ko so meyzezyak do livolivon no vowawan a patanatanangan so nakem do tangain ni Ama ta do to.