Ipaziman 8:2 - Seysyo No Tao

² Makarahan am macita ko o papito a ka tinsi a meytatanek a maponged no teyhesa ka zapa.

Ipaziman 8:2 ပူးပေါင်းရင်းမြစ်များ

Matay 18:10

“Makapzat kamo. Ji nyo ngolala sira o pakananaken da tao. To ko na macitangayan jinyo am o tinsi a yasomidong sira am yamyan sira do tangain ni Ama ta do to do teyngato.

Matay 24:31

Manovoy ko so aro a tinsi a meyzapa a ipatao ko so tao do peycyavanovanwan na a mapeylovolovot so nipanop ni Ama ta do to a tao do teyhesa ka mahataw.

Locya 1:19

Maniring o tinsi am, “Yaken rana ya am lamlamsoy na yaken ni Ama do to a meyngaran si Cyapaydi a yana nitovoy a mangay a manci nya jimo so rako a vazay eya.

Locya 21:36

Ori o ikakdekdeng nyo pa meynozi an. Ta ori o ipakahatas nyo so yaomanam a alalaw. So ikabo no ikeykarahet nyo do tangain ko.”

1 Kedinto 15:52

Am makeykai ori, akmey peyrektan no mata. No si mamizing no tao o ney manowji rana ipatao jyaten a zapa am makaranes rana o akman sang a vazay a kapeyoli da mavyay no mawakwak a tao a kaji da rana wakwakan. So icyakman ta sang a mablis so kataotao.

1 Tesalonicya 4:16

Ta no si marateng rana o araraw no nang am meygegcin si Yeso a tomawag jyaten a keyyan no panirsirngen no tinsi a manci nyaten. No mamizing ta o zapa do teyngato a ipatao na jyaten ni Ama ta do to am o niomanoyong ji Kizisto a nimawakwak rana tao am manomanoma sira mirwa a mavyay.

Ipaziman 1:4

Yaken rana am si Yowani ko. Yako ipeyteygami sira o yapito a ka kyokay do Yasiya pongso. Inaoy no si itoro na jinyo o ikapiya no onowned nyo a kano pangangarilawan a apo ji Ama ta do to a jyablis a Tao do to a nimapo no kakwa a na kato ngayyan sicyaikwaya a mangay do kaidan no karawan a kano Seyzi na ni Ama ta do to,

Ipaziman 11:15

Avyotan no ikapapito no tinsi am amyan so macyak a ciring do teyngato. Maniring am, “Oyowyat a yatomalamozong no karawan am yamonganay do Panirsirngen ta kani Kizisto a nipamnekan na a yatomalamozong nya a mangay do kaidan no karawan.”

Ipaziman 15:1

Citahen ko am amyan so macitarek a mapangyangyalak. O peypeypangayan na am meypanam a alalaw no makwa. So niyan no papito a ka tinsi a tomalamozong no ney manowji na apito a ka alalaw. Ta pangononongan na rana ni Ama ta do to o peyoyaoyyan na do alalaw ang.

Ipaziman 16:1

Makamizing ko so ciring a amlololos a apo do sahad no panaralayan a somirisiring so papito a ka tinsi. Maniring am, “Angay kamo a kapaglo nyo do teyrahem so yamyan do yapito a ka panay a peyoyaoyyan ni Ama ta do to.”

Ipaziman 8:13

Citahen ko am mamizing ko o asa ka kangkang a somalap do hanit. Maniring am, “To sira makasi o tao do teyrahem. Ta da rana avatan no yatatlo a ka tinsi o zapa yavyotan.”

Ipaziman 8:6

Makarahan am o papito a tinsi a meypinan so teyhesa ka zapa a omanam a da avyotan.

Ipaziman 9:1

Avyotan no ikalalima no tinsi o zapa am macita ko o asa ka mata no hanit a makas do teyrahem a kahap na so kagi no abo so takadan a gazawagaw a jyatenngi so karaherahem.