Ipaziman 8:12 - Seysyo No Tao

¹² Avyotan no ikapapat no tinsi am icyakatlo no araw a kano vehan a kano mata no hanit o ji rana makacimat. Am ori o icyakatlo no araw a todasari. Akman sang no macyey no mahep, ta icyakatlo no ahep o to na sari.

Ipaziman 8:12 ပူးပေါင်းရင်းမြစ်များ

Matay 24:29

“No si mavitos rana o aro a alalaw do teyrahem am to rana kedep o araw. Ji rana manikap o vehan. Makas rana o mata no hanit. Mablis rana o masamasaod no hanit.

Matay 27:45

Meyigen o araw am mina todakedep o teyrahem so atlo a ka vatvatek.

Make 13:24

“No mavitos rana o aro a alalaw ori do araraw am to rana kedep o araw. Ji rana manikap o vehan.

Make 15:33

Meyigen o araw am mina todakedep o teyrahem so atlo a ka vatvatek.

Locya 21:25

“O araw a kano vehan a kano mata no hanit am macitarek rana. Do teyrahem rana ya am mamimin sira o tao a manyahey no omhakehakeb a rako awa.

Nimlivolivon 2:20

O araw am ji rana maniray. O vehan am akmey rala. So ikatey makdeng na no araraw no nang. Ta ori o yai ko rana a Panirsirngen.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

Ipaziman 12:4

O ipos na am kowkowen na o icyakatlo no mata no hanit a papispisen do teyrahem a kapeytatanek na do tangain no mavakes a tod na ji ngyan do vahay a mapananala so katazak na tao no kanakan a kapacyop na sya a kanen.

Ipaziman 16:10

O ikalalima no tinsi am paglowen na o panay na do lilisnan no omalalam ang a apo do awa. Meyratateng am masari rana o italamozong na ili. O tao rana am to da ranangta o lila da, do kateywara no pakaliliwan da so kataotao da.

Ipaziman 6:12

Karahan am macita ko pa o Kagling a mapakaro so ikanem no vakong a nipadketan. No kanang am mina to meykanini. So icyakma ney mavaheng a milakayob no araw a nimahesep. O vehan rana am akma raney rala.

Ipaziman 9:15

Karahan am pasawain na rana sira o papat a ka tinsi. Am amyan rana akman sang a nakenakem da a ambalinas so icyakatlo no tao do karawan do awan eya, do vehan eya, do araw eya a sicyacitwai.

Ipaziman 9:18

Icyakatlo no tao do karawan o nimawakwak no mamsot do ngongoy no aro a baka apoy a kano aob.