Ipaziman 7:9 - Seysyo No Tao

⁹ Karahan am makacita ko so aro a tao am jyavilangi sira rana apo do peycyamahamahatawan na kano meykataretarek so ciriciring a meytatanek do sazapen no lilisnan a kano Kagling. Meyyayob sira so malavang a magorogod a meypinan so voovoong.

Ipaziman 7:9 ပူးပေါင်းရင်းမြစ်များ

Locya 12:1

No kanang am meycyalaklaksa o tao a meysilisilin. Am ori o nipacizasazasag da so ai. Meyratateng am panomanomahen na ni Yeso o kananao na so macinanao jya. Maniring am, “Azimanen nyo o iyangay da no tao a macyagom do Vadisay. Ta akmey yapya do cittan sya am beken a manoyong sira an.

Locya 21:36

Ori o ikakdekdeng nyo pa meynozi an. Ta ori o ipakahatas nyo so yaomanam a alalaw. So ikabo no ikeykarahet nyo do tangain ko.”

Yowani 12:13

Am ori o nipangap da so akmey voong no anyoy a mangay amrapong sya. Maniring sira amlololos am, “Isaray ta si Ama ta do to. Inaoy si ipanlanlag na o nitovoy na a yarana nimai. Inaoy si ipanlanlag na ni Ama ta do to o Panirsirngen no Isedi a tao.”

Loma 11:25

Manga kakteh, inaoy no si katenngan nyo na o vazay na ni Ama ta do to a ji nipatwaw no kakwa. So ji nyo mapakarangi so nakem nyo. Ta beken a todamimin o Isedi a tao a ji mamlis, ta yana pananalahen ni Ama ta do to o karwan no beken a tao do Yotay a omanod jya.

Ivoso 6:13

Am ori o ahapan nyo so akma nyoy voovoo a nitoro ni Ama ta do to a ipaciliman nyo ji Satan a kano kalamsoyan na a yamlita jinyo. Ta ori o ipakaharag nyo sira. So to nyo meyyonongi rana ji da rana litai.

Sipolay 11:12

Tana rarakeh rana si Apolahan am akma raney mata no hanit a kano anay do pasalan o karwaro da no sivosivovoong na no makwa.

Sipolay 12:22

Am inyo am kamo nimai do Sian a tokon. Ori rana am to meyyonong ori a yanan na ni Ama ta do to, akmey Yelosaleng do teyngato. Do dang rana am yajyavilangi o tinsi ni Ama ta do to amraralay nya.

Ipaziman 11:15

Avyotan no ikapapito no tinsi am amyan so macyak a ciring do teyngato. Maniring am, “Oyowyat a yatomalamozong no karawan am yamonganay do Panirsirngen ta kani Kizisto a nipamnekan na a yatomalamozong nya a mangay do kaidan no karawan.”

Ipaziman 22:3

Abo rana do ili ya o ikaoya na ni Ama ta do to. So ikanoyong na rana no lilisnan ni Ama ta do to a kano Kagling a amyan rana do ili a kararalay da nya no lamlamsoy na.

Ipaziman 3:18

Am ori o ko pancyan ninyo a manazang jyaken so ovay a keynakem nyo na, a kapanazang nyo so malavang a ayob nyo a payoben nyo do kataotao nyo kaji nyo a nasnekan, a kapanazang nyo so kosozi a ilinas nyo do mata nyo a kapakacita nyo na.

Ipaziman 4:4

Apat so ikasikatlo (24) o lilisnan a amlivon so lilisnan no panirsirngen ang a lisnan no papat so ikakatlwan (24) a kamanrarakehan a meyyayob so malavang a magorogod a kapeysakop da so vowawan.

Ipaziman 5:11

Karahan am ko pa macita yako kapakamizing so yamakazivo a tinsi a omlivon so lilisnan no Panirsirngen a kano apat a ka omalalam a kano kamanrarakehan,

Ipaziman 5:9

a kapeyyanwanood da so vayo a anood. O kanwanoodan na am, “Imo o makahap so vakong a mapakaro so nipadketan a vakong. Ta imo rana am niwakwak da imo. O nimvoyog a rala mo am nimapatastas so tao do peycyeylilyan na kano meykataretarek so ciring a kano meytaretarek a tao do sinokob no hanit a yaitoro ji Ama ta do to a yaponged na.

Ipaziman 6:11

Makarahan am maponged sira no malavang a magorogod a kapakamizing ko so ciring a manci nira meywalam pa, mangay no si mablit rana sira o kararay da a mahap so vazay ni Yeso Kizisto a akma dey kakteh do cinai a akman sira wakwaken da.

Ipaziman 7:8

O iteytetngehan ni Sipolon am kakarwan sira ranaw so ikakarwan na zivo (12,000). O iteytetngehan ni Yoseyvo am kakarwan sira ranaw so ikakarwan na zivo (12,000). O iteytetngehan ni Penyaming am kakarwan sira ranaw so ikakarwan na zivo (12,000).