Ipaziman 7:3 - Seysyo No Tao

³ Maniring am, “Ji nyo peykaraherahet o karawan a kano awa kano kayokayo. Pananalahen nyo pa yamen a mapadket do zozogwan no lamlamsoy ni Ama ta do to so itovil namen jira.”

Ipaziman 7:3 ပူးပေါင်းရင်းမြစ်များ

Matay 24:22

No ji na pazikenkeni ni Ama ta do to o araraw no alalaw no tao ori am abo o tao a mavyay. Am na kapakanakem so na nipamnekan a tao a yamraralay nya. Am ori o na pazikenkenan do araraw no ipakaranes no alalaw ang.

Matay 24:31

Manovoy ko so aro a tinsi a meyzapa a ipatao ko so tao do peycyavanovanwan na a mapeylovolovot so nipanop ni Ama ta do to a tao do teyhesa ka mahataw.

Yowani 12:26

O mahap so vazay ko am macilocilolo jyaken. O yanan ko am amyan sira dang o kahanhanan ko. O mahap so vazay ko am azwain na ni Ama.

Yowani 3:33

Am o mahap so nanao na tao am pacyanoyngan da si Ama ta do to a tey manoyong.

Loma 6:22

Am inyo rana sicyaikwaya am ji na rana peylamlamsoya inyo no raraten. Ta yanyo rana kakzeben si Ama ta do to a mapeylamlamsoy jinyo. So yanyo rana ipeyngongyod a yaomonot rana ji Ama ta do to. So ikanoyong nyo a makahap so to meyyonong a ikavyay no pahad nyo.

Ipaziman 13:16

Karahan am gacigatan na o aro a tao, tana meynakem a tana jyeynakem, a tana makcin a tana mabsoy, a tana peylamsoin da kano ji da peylamsoyan, miminen na o wanan da kano zozogwan da tovilan.

Ipaziman 13:17

O ipadedket am vilang a ngaran na no omalalam. O jya nipadketan am ji makasazang so kanen na. Ji makapalit no apzapzatan na so ileylamnay na so nakem.

Ipaziman 14:1

Macita ko pa o Kagling a meytatanek do meyngaran so Sian a tokon. O macihza jya tao am yamyan so ikakapatan da ranaw so ikalima da zivo no ikadwa da latos (144,000) no tao. So ikamimin no zozogwan da adketan no ngaran no Kagling a kano ngaran na ni Ama na.

Ipaziman 14:9

Maniring o ikatatlo no tinsi a amlololos am, “O amraralay no omalalam a kano kamamagenan na nipadketan rana so zozogwan a kano lima am,

Ipaziman 19:2

Manoyong o kaji na mapeycyakabanan so tao do pacicyan na so tao, ta na rana nipasingsingtan o rako a ili akman so somagpyan a mavakes a yatomirara so tao do karawan a yamraralay no malas a iraralay a na kawakwak pa so lamlamsoy na ni Ama ta do to.”

Ipaziman 20:4

Macita ko o aro a lilisnan no panirsirngen a lisnan no tao. Sira rana am mamimin sira nipanta na so oyowyat da a mapacici a mapeykapyapinpin so tao. So nipakacittan ko so pahad da no niwakwak da a meylimwang no nanao ni Yeso a kano ciriciring na ni Ama ta do to a tao. Sira rana am ji da niraralay o omalalam a kano kamamagenan na. Jidket do zozogwan da kado lima da o ngaran no omalalam. Sira rana am nimamimin sira nimirwa a mavyay a kapacizanod da ji Yeso a meypanirsirngen do asa zivo (1000) a awawan.

Ipaziman 22:4

Sira rana am pacimatan da rana o moing na ni Ama ta do to. O ngaran na ni Ama ta do to am domket do zozogwan da.

Ipaziman 6:6

Akma koy todamizing o ciring da no apat a ka omalalam. Maniring am, “O nizpi no asa ka tao do kasaraw am ji dabsoyan pa do kapeykakcin no tao. Am to da meypanpani o kanen a haneng a kano saki.”

Ipaziman 7:1

Makarahan am macita ko o apat a ka tinsi a madaday do ngoso no palipalanginan a somengseng do yapwan no meykapat a pagpag a kaji na makaligligisi so yanan no karawan a kano awa kano kayokayo.

Ipaziman 7:2

Macita ko o asa ka tinsi apo do daddan no araw a meypinan so akmey ipadedket a yongkad ni Ama ta do to a amlolos a tomawag do nipanta na ni Ama ta do to so oyowyat a papat a ka tinsi a tey mowyat a to rana mapeykaraherahet so karawan a kano awa.

Ipaziman 9:4

a keyyan no ciring a manci nya jira so kaji da mapeycyaraherahetan so tamek a kano kayo a kano makakaday a mowamowa. Am apya o kasongit da so jya nitovilan so zozogwan a tao, do kapakatovil da jira a omanop ji Ama ta do to.