Ipaziman 5:9 - Seysyo No Tao

⁹ a kapeyyanwanood da so vayo a anood. O kanwanoodan na am, “Imo o makahap so vakong a mapakaro so nipadketan a vakong. Ta imo rana am niwakwak da imo. O nimvoyog a rala mo am nimapatastas so tao do peycyeylilyan na kano meykataretarek so ciring a kano meytaretarek a tao do sinokob no hanit a yaitoro ji Ama ta do to a yaponged na.

Ipaziman 5:9 ပူးပေါင်းရင်းမြစ်များ

Matay 20:28

Akman so Nipamnekan na ni Ama ta do to a tao. Ta o na nyai am beken a ilamnain no tao. Ta mapeylamnay so aro a tao a kangay na mapasansan so kataotao na yagag na sira do peyraratenan da.”

Matay 26:28

Oya rana am rala ko a nimvoyog a omaing do aro a tao a omvonas so raraten da. O rala ko rana ya am yongkad nyo do vayo a pangozayan nyo a ciring na ni Ama ta do to.

Nimlivolivon 20:28

So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

1 Kedinto 6:20

Ta inyo rana am na nipalit inyo no rala na ni Yeso. Am ori o azwazwain nyo si Ama ta do to no kataotao nyo an.

1 Kedinto 7:23

Inyo rana am yatey rako na nipalitan jinyo ni Ama ta do to. Am ori o ji nyo mamyapyai no tao a tomalamozong ninyo. Ta italamozong na rana inyo ni Ama ta do to.

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

Ivoso 5:19

O isirisiring nyo so kadwan jinyo am yadomket do Seysyo a Anwanood ni Tawey a kano meyngongyod apo do onowned nyo a yanood nyo si Ama ta do to. Akman sang o peyyanen nyo do onowned nyo a ipasaray nyo si Ama ta do to.

Kelosi 1:14

Nyagag na yaten ni Yeso Kizisto do peyraratenan ta. So ta ikanoyong rana nimavonas so raraten.

Kelosi 1:23

Am ori an, ji nyo na pasalai do nimamizing nyo pa no kakwa a Mapasaray a Ciriciring na ni Ama ta do to. Ta to kamo ngotokot so onowned a meyhanhan ni Ama ta do to a manta ninyo so to meyyonong a ikavyay no pahad nyo. So na rana nipeylimwangan no akman sang a nanao do karawan. So yako ikanoyong a lamlamsoy na ni Ama ta do to a meylimwang no ciriciring na.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

Sipolay 11:14

O mapeyciring so sang a tao am manoyong sira meykala no kataotao da so vahay da do teyngato.

2 Pite 2:1

No kakwa do Isedi am amyan so nimalas so ipangnanao a tao. Akman sang jinyo, ta no makwa am amyan so malas so ciring a tao. Sira rana am ipeylimwang da o iparai no pahad nyo ji Ama ta do to, mangay ji Yeso Kizisto a nimawakwak nira o alalasan da. Am o akman rana sang a tao am ji meyyahahay o kapeydedna na jira no oyaoyyan na nira ni Ama ta do to.

1 Yowani 1:7

Am no si amyan ta do kazngangan a akman si Ama ta do to am macikaop ta do akma tey kakteh do cinai a omraralay ni Ama ta do to. Ta o rala na ni Yeso Kizisto a Anak na ni Ama ta do to o amvonas so makakaday a raraten ta.

1 Yowani 2:2

Nimawakwak si Kizisto a omvonas so raraten ta. Am beken a yatehen, ta kazagoman no tao do karawan.

Ipaziman 10:11

Maniring pa jyaken o tinsi am, “Ipisa ka pa a mangay a mapaziman sya do peycyamahamahatawan na kano meykataretarek a tao a kano meykataretarek so ciriciring a kano aro a panipanirsirngen.”

Ipaziman 11:9

O nimapo do peycyeytetngehan a tao a kano peycyeylilyan a kano meykataretarek so ciriciring a kano peycyamahamahatawan na am mangay da citahen o kataotao da so kasisi so ikapat a araw. Ji da amya o tao a ambobo nira.

Ipaziman 13:7

So to na rana myapyai sya amgogad no omanop ji Ama ta do to a tao a iharag na sira. So ikatey mowyat na tomalamozong no meykeytetngehan a tao do karawan a kano peycyamahamahatawan na kano meykataretarek so ciriciring a tao.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 14:6

Macita ko o tinsi am somalap do hanit. Iya rana am yanan no to meyyonong a Mapasaray a Ciriciring na ni Ama ta do to a ipeylimwang na do peycyamahamahatawan na kado peycyeylilyan na kado meykataretarek so ciriciring do karawan.

Ipaziman 15:3

a meyyanwanood so anood ni Moyse a lamlamsoy ni Ama ta do to a kano anood no Kagling. O aingan no anood da am, “Mo Panirsirngen a tey mowyat a Tao do to a yatomalamozong no peycyamahamahatawan na. Yatey manoyong o vazay mo a yaji mapeycyakaban so tao.

Ipaziman 17:15

Maniring pa jyaken o tinsi am, “Mo nimacita o ranom a yana lisnan no yasomagpyan a mavakes ang. O peypeypangayan no nang am peycyamahamahatawan na kano meykalyalipenpenan a tao a kano meykataretarek so ciriciring a tao.

Ipaziman 4:11

“Panirsirngen namen, Tao do to namen, manoyong ka mahap so azwazway a kano keynakman a kano oyowyat. Imo nimangamamaog so makakaday. Mamimin a nakenakem mo o nikamaog no makakaday.”

Ipaziman 5:12

a omlololos a meyyanwanood. O aingan no anood da am, “O niwakwak da Kagling am manoyong a mahap so oyowyat a kano keynakman a kano teneteneng a kano azwazway a kano sarasaray a anwanooden.”

Ipaziman 5:6

Karahan am macita ko o Kagling a amyan do avak no lilisnan a kano apat a ka omalalam a kano kamanrarakehan. O Kagling rana am akma raney niwakwak da a apito so ozong a kapito no mata na. O mata na am Seyzi na ni Ama ta do to a nitovoy na mangay do teyrahem.