Ipaziman 5:6 - Seysyo No Tao

⁶ Karahan am macita ko o Kagling a amyan do avak no lilisnan a kano apat a ka omalalam a kano kamanrarakehan. O Kagling rana am akma raney niwakwak da a apito so ozong a kapito no mata na. O mata na am Seyzi na ni Ama ta do to a nitovoy na mangay do teyrahem.

Ipaziman 5:6 ပူးပေါင်းရင်းမြစ်များ

Yowani 1:29

Ikadwa na araw am macita ni Yowani si Yeso a mai. Maniring si Yowani am, “Oya rana am akmey kagling a nitovoy na ni Ama ta do to a omahap so tao do peyraratenan da.

Yowani 1:36

Macita na si Yeso a meyhatay am maniring si Yowani am, “Iya rana am akmey kagling ni Ama ta do to.”

Nimlivolivon 8:32

O vilangan na no tao do Isopiya a ciring ni Ama ta do to am, “Iya rana am akmey kagling a alaken da zakaten a to norotoro no kataotao na. So icyakma ney likta kagling a tedtedan da so bobow a ji meyzezyak.

Ipaziman 1:4

Yaken rana am si Yowani ko. Yako ipeyteygami sira o yapito a ka kyokay do Yasiya pongso. Inaoy no si itoro na jinyo o ikapiya no onowned nyo a kano pangangarilawan a apo ji Ama ta do to a jyablis a Tao do to a nimapo no kakwa a na kato ngayyan sicyaikwaya a mangay do kaidan no karawan a kano Seyzi na ni Ama ta do to,

Ipaziman 12:11

O rala no Kagling a kano nipeylimwang da a nanao ni Ama ta do to am ori o da niharag so kamolay. So ikanoyong da yaji hawa no yada kaliman.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 14:1

Macita ko pa o Kagling a meytatanek do meyngaran so Sian a tokon. O macihza jya tao am yamyan so ikakapatan da ranaw so ikalima da zivo no ikadwa da latos (144,000) no tao. So ikamimin no zozogwan da adketan no ngaran no Kagling a kano ngaran na ni Ama na.

Ipaziman 17:14

Sira rana am arapen da o Kagling am haragen na sira no Kagling a kano nipamnekan na tao a omanop jya. Ta iya rana am kabtekan a Panirsirngen.”

Ipaziman 21:22

Abo do ili o nimacita ko a panaralayan. Ta si Ama ta do to rana kano Kagling o iraralay da do dang.

Ipaziman 21:23

O ili rana am tana abo o araw a kano vehan am cyaha, ta cirain na sira no oyowyat na ni Ama ta do to. So peyyapoyan da so Kagling no tao do ili.

Ipaziman 22:1

Makarahan am ipacita na pa jyaken no tinsi o asa ka ayo a yapwan no to meyyonong a ikavyay no pahad a to meylacilat a akma raney panganinwan a apo do lilisnan ni Ama ta do to a kano Kagling.

Ipaziman 22:3

Abo rana do ili ya o ikaoya na ni Ama ta do to. So ikanoyong na rana no lilisnan ni Ama ta do to a kano Kagling a amyan rana do ili a kararalay da nya no lamlamsoy na.

Ipaziman 4:8

So ikamimin da meykanem so panid no apat a omalalam am tana sazapen na, tana likod na am makakaday no mata na. Sira rana am abo maraw a abo mahep a to da meyyanwanooji. O anwanood da am, “Mo ji meylimoteng so onowned a Panirsirngen a tey mowyat a Tao do to a to meyyonong a mavyay a nimapo no kakwa, kasicyaikwaya kano kangay na do kaidan no karawan.”

Ipaziman 5:11

Karahan am ko pa macita yako kapakamizing so yamakazivo a tinsi a omlivon so lilisnan no Panirsirngen a kano apat a ka omalalam a kano kamanrarakehan,

Ipaziman 5:12

a omlololos a meyyanwanood. O aingan no anood da am, “O niwakwak da Kagling am manoyong a mahap so oyowyat a kano keynakman a kano teneteneng a kano azwazway a kano sarasaray a anwanooden.”

Ipaziman 5:13

Karahan am mamizing ko o makakaday a nyamaog na do teyngato a kado teyrahem a kado awa, pacyangayan da no nimawakwak rana tao meyyanwanood. O aingan no anood da am, “Inaoy no si mamimin o sarasaray a kano azwazway a kano oyowyat a mangay do yaomlisna do lilisnan na kano Kagling a mangay do kaidan no karawan.”

Ipaziman 5:14

Maniring sira o apat a ka omalalam am, “Yamanoyong,” a kapeylilitod da rana o kamanrarakehan a omraralay nya.

Ipaziman 6:16

a kalololos da do tokotokon a kado pongopongow a manci no, “Zingboi kamo yamen a taywen a kaji da makacittan jyamen no yasomozi so moing a Kagling a kano yaomlisna do lilisnan a Tao do to.