Ipaziman 5:11 - Seysyo No Tao

¹¹ Karahan am ko pa macita yako kapakamizing so yamakazivo a tinsi a omlivon so lilisnan no Panirsirngen a kano apat a ka omalalam a kano kamanrarakehan,

Ipaziman 5:11 ပူးပေါင်းရင်းမြစ်များ

Sipolay 12:22

Am inyo am kamo nimai do Sian a tokon. Ori rana am to meyyonong ori a yanan na ni Ama ta do to, akmey Yelosaleng do teyngato. Do dang rana am yajyavilangi o tinsi ni Ama ta do to amraralay nya.

Yota 1:14

Amyan rana so ciring na a pagazen na jira do ikapito da tapilan no sivosivovoong na ni Adam a meyngaran so Inok. Maniring am, “Cita kamo o Panirsirngen ta a yamapalolo so yameykalaklaksa a tinsi a yamai do karawan,

Ipaziman 19:6

Mamizing ko paha o akmey amlololos a aro a tao. O ciring da am akma raney azda kano adey a zomaigezeg. Maniring am, “Anooden si Ama ta do to, ta yatey mowyat a yarana myan do Panirsirngen.

Ipaziman 4:4

Apat so ikasikatlo (24) o lilisnan a amlivon so lilisnan no panirsirngen ang a lisnan no papat so ikakatlwan (24) a kamanrarakehan a meyyayob so malavang a magorogod a kapeysakop da so vowawan.

Ipaziman 4:6

Amyan so malavang a panganinwan akman so awa so karakorako do tangain no lilisnan a keyyan no apat a omalalam do sirisiri no lilisnan. O sazapen da kano likod da am makakaday no aro a mata da.

Ipaziman 5:14

Maniring sira o apat a ka omalalam am, “Yamanoyong,” a kapeylilitod da rana o kamanrarakehan a omraralay nya.

Ipaziman 5:6

Karahan am macita ko o Kagling a amyan do avak no lilisnan a kano apat a ka omalalam a kano kamanrarakehan. O Kagling rana am akma raney niwakwak da a apito so ozong a kapito no mata na. O mata na am Seyzi na ni Ama ta do to a nitovoy na mangay do teyrahem.

Ipaziman 5:8

Todahen na o vakong no Kagling am meylilitod sira o papat so ikakatlwan (24) a kamanrarakehan a kano apat a ka omalalam do tangain no Kagling a kamimin da no kamanrarakehan a meykaryag a somaray a kaponged da no vowawan a kapnowan no mahangno a haneng. O mahangno a haneng am inozi da ori no manaralay a tao,

Ipaziman 7:11

Mamimin o tinsi a meytatanek do livolivon no lilisnan a kano kamanrarakehan a kano apat a ka omalalam a kapeylilitod da do sazapen no lilisnan a omraralay ni Ama ta do to.

Ipaziman 9:16

O nimamizing ko pa macihza do apat a ka tinsi am yadwa ranaw so kalatolatos (200,000,000) sira o tao a maoran do baka itaysang.