Ipaziman 3:10 - Seysyo No Tao

¹⁰ Ta inyo rana am nyo pangononongan o ciring ko a yaji macizizikna jya. Am ori o apzatan ko jinyo no meydedna do karawan o alalaw a ileylamdam ko so tao do karawan.

Ipaziman 3:10 ပူးပေါင်းရင်းမြစ်များ

Matay 24:14

O Mapasaray a Ciriciring a omaing do italamozong na ni Ama ta do to am manmanma a meylimwang do karawan a peyyamyamizngan da no tao do peycyamahamahatawan na a kapakaranes na rana no pangavosan no karawan.

Matay 26:41

Meytataziman kamo a meynozi an, ta kalittan kamo an. Tana nyo apyahen do onowned nyo am nyo jyapakongo o nyo kapeynozi.”

Matay 6:13

Ji mo yamen amya kalittan. Apzatan mo yamen mo Ama do to, do kararatan do teyrahem. [Ta imo rana am ka tey mowyat a tey mazway a Tao do to a yatomalamozong nyamen a mangay do kaidan no karawan. Amin.]’

Make 14:9

To ko na macitangayan jinyo am no ipeylimwang o Mapasaray a Ciriciring na ni Ama ta do to do karawan eya am abo ji makalavat so mina vazay na jyaken no mavakes eya.”

Locya 2:1

No kano nang am amyan so ciring na no panirsirngen da no Loma a meyngaran si Kaysa Awkoseto. Maniring am, “Inyo rana ko italamozong a tao do Loma am mamimin kamo a mangay a mapadket so ngaran nyo.”

Yowani 17:6

“Ko na nipeylimwang imo do aro a nipamnekan mo a tao do karawan. Sira manoyong a yamonganay jimo. Sira am mo nitoro jyaken. So da na ikanoyong a yaomonot do nanao mo.

Loma 1:8

Ney manma na am ko isaray ji Ama ta do to si Yeso Kizisto, ta o nyo peyhanhanan nya am yada rana peyrengarengayan no tao do peycyamahamahatawan na.

1 Kedinto 10:13

O yana ilita jinyo ni Satan am yabo dang vayo. Am katey manoyong na ni Ama ta do to a mapahawa so ikarahet nyo a ilita na jinyo ni Satan. Ta oyatan na inyo ni Ama ta do to no littan na inyo ni Satan. So ikapiya nyo a ipeypalanginan na ni Ama ta do to a mahap so apiya vazay.

Ivoso 6:13

Am ori o ahapan nyo so akma nyoy voovoo a nitoro ni Ama ta do to a ipaciliman nyo ji Satan a kano kalamsoyan na a yamlita jinyo. Ta ori o ipakaharag nyo sira. So to nyo meyyonongi rana ji da rana litai.

2 Timotay 2:12

Si ji ta hayo so nakenakem am macizanod ta jya tomalamozong no teyngato. Si ji ta nganoyngi am ji na singkaji yaten.

Yake 3:12

O acyai, manga kakteh, am ji meyyasi so vineveh. O vazacinok am ji meyyasi so anyoy. O attaw am ji voyog dang o matavang a ranom.

1 Pite 4:12

Manga keypong, ji nyo ngyakan o keyyan no makdeng a alalaw nyo a ileylamdam na jinyo ni Ama ta do to. Ta kangay na ori no alalaw ta amraralay ni Ama ta do to a tao.

2 Pite 2:9

Am katenngan na ni Ama ta do to a pahawahen sira o jyablis so onowned a makanakem sya a tao do alalaw da. So ipakateneng na ni Ama ta do to do meyraraten a tao a pasingsingtan no marateng o araraw na no peykapyapinpinan na so tao.

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.

Ipaziman 11:10

Somaray o tao do teyrahem a makacita sira a nimawakwak rana. Macyazazaw sira somaray, ta nimapo do rarwa ka lamlamsoy na ni Ama ta do to o alalaw no tao do karawan.

Ipaziman 13:10

O ipanci a vaoden am mangay kavaod sira an. O ipanci a mahap so inawan no ipangan am mangay kangay no inawan da no ipangan. So ikamimin da no amraralay ni Ama ta do to a ji macizizikna do kapeyhanhan da nya.

Ipaziman 13:14

So nipakahap na so rako a oyowyat a meyvazay so mapangyangyalak a vazay do tangain no nimanma na omalalam. Am ori o nilittan na do tao do karawan. Ipanci na o tao do karawan a mamaring so kamamagenan no nimatavaz no ipangan a omalalam.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 14:12

Inyo rana a omonot do ciriciring na ni Ama ta do to a ji na lilis so nakem ji Yeso a tao am makowyowyat kamo pa omraralay nya.

Ipaziman 14:6

Macita ko o tinsi am somalap do hanit. Iya rana am yanan no to meyyonong a Mapasaray a Ciriciring na ni Ama ta do to a ipeylimwang na do peycyamahamahatawan na kado peycyeylilyan na kado meykataretarek so ciriciring do karawan.

Ipaziman 16:14

Sira rana am kalamsoyan ni Satan a meyvazay so mapangyangyalak a vazay. Sira rana kalamsoyan ni Satan am mangay sira do peycyeylilyan na a meykala so panipanirsirngen a kalovot da sira a omarap si Ama ta do to no marateng rana o araraw ni Ama ta do to a tey mowyat a Tao do to.

Ipaziman 17:2

Abo ji na nicirara no somagpyan a mavakes a panipanirsirngen do karawan a omraralay no malas a tao do to. So icyakma dey masaki no tao do karawan a to ngonongonot jya.”

Ipaziman 17:8

O nimacita mo a omalalam am nimavyay pa no kakwa am yarana maliman sicyaikwaya. So ikakeykai na rana mai a apo do abo so takadan a gazawagaw a jyatenngi so karaherahem a meypangay do kararatan a ipasingkad na sya ni Ama ta do to. O tao do teyrahem a jidket so ngaran do vakong a yanan na rana no to meyyonong a ikavyay no pahad da no kaji na pa amaogan no karawan am mamimin sira malak no omalalam a nimavyay pa no kakwa yarana maliman sicyaikwaya. So ikanoyong da malak nya no meytotwaw no makwa.

Ipaziman 2:10

Ji nyo anyaheyan o yaomanam a alalaw nyo. Citahey kamo si Satan a yaomileylamdam so nakem nyo si Ama ta do to. So ikanoyong no tatasa jinyo a mangay na alyowen do pamemtengan. So ikasa ngarnan (10) no araraw na no peyrarehten no kataotao nyo. Am to kamo ngotokot so nakem. Ta ori o pantan ko ninyo so to meyyonong a ikavyay no pahad nyo.

Ipaziman 3:8

Ko katenngan o kasasaodan nyo. Ko katenngan nyo kajyowyatan. Am nyo kapangononong do nanao ko a yaji mapasaklang jyaken. Ko na niwangan o yasa ka pazezevngen do tangain nyo. O ko niwangan a pazezevngen am abo rana tao a makaneb jya.

Ipaziman 6:10

Maniring sira amlololos am, “Mo Panirsirngen a tey mowyat a tey meynakem a manoyong a ipeyhanhan, si mango am pacicin mo a peykapyapinpinen mo o tao do karawan a mangonong nyamen a yada niwakwak.”

Ipaziman 8:13

Citahen ko am mamizing ko o asa ka kangkang a somalap do hanit. Maniring am, “To sira makasi o tao do teyrahem. Ta da rana avatan no yatatlo a ka tinsi o zapa yavyotan.”