Ipaziman 22:4 - Seysyo No Tao

⁴ Sira rana am pacimatan da rana o moing na ni Ama ta do to. O ngaran na ni Ama ta do to am domket do zozogwan da.

Ipaziman 22:4 ပူးပေါင်းရင်းမြစ်များ

Matay 5:8

“O ji meylimoteng so onowned a tao am tey yapya sira. Ta mangay kapakacita da si Ama ta do to no makwa.

Yowani 12:26

O mahap so vazay ko am macilocilolo jyaken. O yanan ko am amyan sira dang o kahanhanan ko. O mahap so vazay ko am azwain na ni Ama.

Yowani 17:24

“Mo Ama, o mo nitoro jyaken a tao am inaoy si amyan sira do angayan ko. So ikanoyong da makacita so azwazway ko a nitoro mo jyaken. Ta nimanoma rana o aglaglaw mo jyaken no kaji na pa amaogan no karawan.

1 Kedinto 13:12

O tamo katenngan sicyaikwaya am akmey avwavong apo do kowpasan a kagami a jyasingkad. Am no makwa am mapengkad ta rana. So ta pa ji makamimini si Ama ta do to a katenngan sicyaikwaya. Am no makwa am manoyong o kapakateneng ta rana jya, akman si Ama ta do to a makamimin jyaten a yakatenngan.

Sipolay 12:14

Makowyowyat kamo pa mapeypyapya so nakenakem nyo a kano tao. Ahapen nyo o ji meylimoteng a onowned nyo a macikaop jira. No abo o akman sang jinyo am abo jinyo o makacita si Ama ta do to do teyngato.

Ipaziman 14:1

Macita ko pa o Kagling a meytatanek do meyngaran so Sian a tokon. O macihza jya tao am yamyan so ikakapatan da ranaw so ikalima da zivo no ikadwa da latos (144,000) no tao. So ikamimin no zozogwan da adketan no ngaran no Kagling a kano ngaran na ni Ama na.

Ipaziman 3:12

O jya nimablis so onowned a tao am akman sira so sominogat a ai no vahay a ralaralayan da ni Ama ta do to a vahay a kaji da na ngarwan do dang. Ta padketen ko do kataotao da o ngaran na ni Ama ta do to a kano ngaran no ili na ni Ama ta do to. Ori rana am apo ji Ama ta do to do teyngato a nipakas na a Vayo a Yelosaleng a kapadket ko so vayo a ngaran ko do kataotao da.

Ipaziman 7:3

Maniring am, “Ji nyo peykaraherahet o karawan a kano awa kano kayokayo. Pananalahen nyo pa yamen a mapadket do zozogwan no lamlamsoy ni Ama ta do to so itovil namen jira.”