Ipaziman 22:3 - Seysyo No Tao

³ Abo rana do ili ya o ikaoya na ni Ama ta do to. So ikanoyong na rana no lilisnan ni Ama ta do to a kano Kagling a amyan rana do ili a kararalay da nya no lamlamsoy na.

Ipaziman 22:3 ပူးပေါင်းရင်းမြစ်များ

Matay 25:21

Maniring o lawpan am, ‘Imo rana am ka tey yapya ipeyhanhan a lamlamsoy. Tana yapereh o yako nitoro jimo am yamo ji ngolala. So to ko rana mapahanhani jimo a tomalamozong no arwaro pa kano nang. So ipacizanod mo jyaken a somaray.’

Matay 25:41

“Karahan am maniring o Panirsirngen do tao a amyan do ozi na am, ‘Kazey kamo a yana panircirngan ni Ama ta do to. Ji kamo macisngen jyaken. Angay kamo a pacilovot do na sokzan si Satan a kano kararay na a yamyan do to meyyonong a yajyahesep a makotokotod a lila no apoy.

Yowani 12:26

O mahap so vazay ko am macilocilolo jyaken. O yanan ko am amyan sira dang o kahanhanan ko. O mahap so vazay ko am azwain na ni Ama.

Yowani 13:32

No yamanoyong kapakacita da no tao so azwazway na ni Ama ta do to do Nipamnekan na tao am akman sang si Ama ta do to a zomwazway so Nipamnekan na tao. So na ikakeykai rana no azwazway no Nipamnekan na ni Ama ta do to a makaranes.

Yowani 14:3

No si manoyong o kangay ko a meykala ninyo so yanan nyo am meysinaoli ko pa a mangay a omahap jinyo a kapacitovong nyo jyaken.

Yowani 17:24

“Mo Ama, o mo nitoro jyaken a tao am inaoy si amyan sira do angayan ko. So ikanoyong da makacita so azwazway ko a nitoro mo jyaken. Ta nimanoma rana o aglaglaw mo jyaken no kaji na pa amaogan no karawan.

Ipaziman 7:10

Maniring sira amlololos am, “Isaray ta si Ama ta do to a omlisna do lilisnan a kano Kagling, ta sira o mapatazadang jyaten.”

Ipaziman 7:9

Karahan am makacita ko so aro a tao am jyavilangi sira rana apo do peycyamahamahatawan na kano meykataretarek so ciriciring a meytatanek do sazapen no lilisnan a kano Kagling. Meyyayob sira so malavang a magorogod a meypinan so voovoong.