Ipaziman 22:2 - Seysyo No Tao

² O ranom rana am amvoyog a mangonong do rarahan do avak no ili. O sigisigil na no ayo am amyan so kayo a tomanek do dang a yapwan no to meyyonong a ikavyay no pahad. Do kasa kawan am ipidwa so icyarwa a meyyasi. So ipangday na do vehavehan a meyyasi. O voong na am makavavaw so ingingnen no tao do peycyamahamahatawan na.

Ipaziman 22:2 ပူးပေါင်းရင်းမြစ်များ

Locya 4:18

“Yanimeygegcin jyaken o Seyzi na ni Ama ta do to. Ta yana nipamnekan yaken a mangay meylimwang no Mapasaray a Ciriciring na ni Ama ta do to do makasi a tao. Nitovoy na yaken a meylimwang no kasaway da rana no akmey kaneban a tao a kapakacita da rana no mavota tao a kasaliway da rana no peylamlamsoin da tao.

1 Pite 2:24

Nisabway na ni Kizisto o raraten ta do jyojika. Ori o karwan ta na do peyraratenan ta a somazap so isaray na vazay ni Ama ta do to. O kataotao na ni Yeso a yanimanngannga nyaten am yata nipakahap so to meyyonong a ikavyay no pahad ta.

Ipaziman 2:7

O ciring no Seyzi so peycyakyokyokayan na am amizngen nyo a yameycicilwan a tao an. Sira rana yamakata tao am ipanta ko sira so oyowyat da a koman so asyasi no kayo a yapwan no to meyyonong a ikavyay no pahad da ji Ama ta do to do teyngato.’

Ipaziman 21:21

O peypeypangayan na no yadwa so icyarwa a pangengneban na am adwa so icyarwa a masingat a lalitan. Mamimin o teyhesa ka pangengneban a nyamaog no masingat a lalitan. O rarahan do ili am mamimin a vowawan. So icyakma na raney panganinwan a to rana pengkad.

Ipaziman 21:24

Mamimin o peycyamahamahatawan do karawan a mangonong do cirain na. O panipanirsirngen do karawan am mamimin sira mai no keynakman da do ili eya.

Ipaziman 22:1

Makarahan am ipacita na pa jyaken no tinsi o asa ka ayo a yapwan no to meyyonong a ikavyay no pahad a to meylacilat a akma raney panganinwan a apo do lilisnan ni Ama ta do to a kano Kagling.

Ipaziman 22:14

“O manownaw rana so onowned a tao am tey yapya sira. Ta sira rana am sira o apya koman so asi no kayo a yapwan no to meyyonong a ikavyay no pahad. So ika sira da no somdep do pazezevngen no ili.

Ipaziman 22:19

No amyan so tao a komteb do ciring a yadomket do vakong eya am ji na rana mya ni Ama ta do to a koman so asi no kayo a yanan no to meyyonong a ikavyay no pahad a yadomket do vakong eya. So icyakman na sang a ji na mya a somdep do ili na ni Ama ta do to.