Ipaziman 21:2 - Seysyo No Tao

² Makarahan am macita ko o ili na ni Ama ta do to. Ori rana am Vayo a Yelosaleng a apo ji Ama ta do to do teyngato a nipagcin na do teyrahem. So icyakma ney meyvinavinaywan a tey mazway a citahen a mavakes a omrapong so mangay na seksekan a tao.

Ipaziman 21:2 ပူးပေါင်းရင်းမြစ်များ

Yowani 3:29

Akman so meysinmo a tao. No mapasakay o tao am masaray sira o kagagan na makamizing sya. Am o nitomamtamek jya tao o angayan no mavakes ang. Yaken rana am yako akman so kagagan na yatey masaray a makamizing sya.

2 Kedinto 11:2

Yaken rana am yako pangozayan o pangangarilawan na ni Ama ta do to a yamarilaw ninyo. Kamo akman so jya nimacivahavahay a mavakes a yako tovoin a someksek ji Kizisto.

Sipolay 11:10

Ta anoyngan na ni Apolahan o meypanam pa amaogen ni Ama ta do to a tey meymatek a ili do teyngato.

Sipolay 11:16

O ikakza da am apyapya pa vahay do teyngato. Am ori o ji na macimanigi nira ni Ama ta do to no kapanci da nya Ama da do to. Ta amyan rana so hapan na sira ili.

Sipolay 12:22

Am inyo am kamo nimai do Sian a tokon. Ori rana am to meyyonong ori a yanan na ni Ama ta do to, akmey Yelosaleng do teyngato. Do dang rana am yajyavilangi o tinsi ni Ama ta do to amraralay nya.

Sipolay 13:14

Ta abo do karawan eya o to meyyonong a peyvahayan ta. Am ori o ta kalan so to meyyonong a angayan ta no makwa.

Ipaziman 1:1

O vakong rana ya am na adketan no nipatwaw ni Yeso Kizisto a vazay. O na nitorwan nya jya ni Ama ta do to so akman sang a vazay am mangay na ipanci do aro a lamlamsoy na o yarana makeykai a makaranes a vazay. Si Kizisto rana am nimapahanhan so tinsi a mangay mapacita no aro a vazay eya do lamlamsoy na si Yowani.

Ipaziman 1:4

Yaken rana am si Yowani ko. Yako ipeyteygami sira o yapito a ka kyokay do Yasiya pongso. Inaoy no si itoro na jinyo o ikapiya no onowned nyo a kano pangangarilawan a apo ji Ama ta do to a jyablis a Tao do to a nimapo no kakwa a na kato ngayyan sicyaikwaya a mangay do kaidan no karawan a kano Seyzi na ni Ama ta do to,

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.

Ipaziman 11:2

Am ji mo aktoktoi o pantaw na, ta o pantaw na am yarana nitoro do beken a tao do Yotay. Sira rana am ipeykaraherahet da o akma ney ili ni Ama ta do to a yadwa so ikasikalima (42) a vehan.

Ipaziman 21:10

So nitalamozongan na nyaken no Seyzi. Makarahan am yangay na yaken no tinsi do toktok no tokon a kapacita na nya jyaken so apo ji Ama ta do to a nimeygegcin do teyrahem a Yelosaleng.

Ipaziman 21:9

O papito a ka tinsi a meypinan so apito a panay a kapnowan no manowji a alalaw am amyan so asa jira a nimai a manci nya jyaken. Maniring am, “Sijya, ta ipacita ko jimo o yasomeksek do Kagling a mavakes.”

Ipaziman 22:17

Maniring o Seyzi a kano Macivahavahay a mavakes am, “Mai ka na.” O makamizing sya tao am akman kamo sang a manci no, “Mai ka na.” Mai kamo a yamawaw a tao. O makza nya am mai mai rana a omyop so ranom a yapwan no to meyyonong a ikavyay no pahad. Am ori rana am abo o ngina na.

Ipaziman 22:19

No amyan so tao a komteb do ciring a yadomket do vakong eya am ji na rana mya ni Ama ta do to a koman so asi no kayo a yanan no to meyyonong a ikavyay no pahad a yadomket do vakong eya. So icyakman na sang a ji na mya a somdep do ili na ni Ama ta do to.

Ipaziman 3:12

O jya nimablis so onowned a tao am akman sira so sominogat a ai no vahay a ralaralayan da ni Ama ta do to a vahay a kaji da na ngarwan do dang. Ta padketen ko do kataotao da o ngaran na ni Ama ta do to a kano ngaran no ili na ni Ama ta do to. Ori rana am apo ji Ama ta do to do teyngato a nipakas na a Vayo a Yelosaleng a kapadket ko so vayo a ngaran ko do kataotao da.