Ipaziman 20:2 - Seysyo No Tao

² So nirakpan na no tinsi so kamolay. Iya rana ori o volay do Ityan no kakwa pa a meyngaran so Satan. So nivaodan na sya so asa zivo (1000) so awawan.

Ipaziman 20:2 ပူးပေါင်းရင်းမြစ်များ

Matay 19:29

O mahap so vazay ko a to rana ngaro do kavavahay da kano kakakteh da kano inyapwan da kano minapodpod jya kano nihakawan da am arwaro pa o makadpeh jira a kapakahap da so to meyyonong a ikavyay no pahad da.

Matay 8:29

Macita da si Yeso am amlololos sira. Maniring sira am, “Imo rana Anak no Tao do to am ikongo mo gogadan nyamen. Ori o mo nikasabsab a mai am mo pasingsingtan yamen?”

Make 4:15

O nizomsi do rarahan am kapalangayan ori no tao a ji meyyahahay so nimamizing a ciring na ni Ama ta do to ahapen ni Satan do onowned da.

Make 5:7

a kalolos na. Maniring am, “Ikongo mo gogadan nyaken, mo Yeso a Anak no ney manokdwan na Tao do to. Ko ipanci do Tao do to o kaji mo pasingsingtan jyaken.”

Yowani 12:31

Oya rana o ipacici so tao do karawan. Oya rana o isakeb ni Satan a yatomalamozong no tao do karawan.

Yowani 16:11

Yamalas o yada naknakmen a na ipasingkad so tao ni Ama ta do to. Ta yarana nimeydedna o peyoyaoyyan na do mimong no karawan.

Loma 16:20

Si Ama ta do to o yamanta nyaten so ikapiya no onowned ta. Makeykai na rana si Satan a haragen a kabo na rana no oyowyat na amlita jinyo. Inaoy si itoro na ni Yeso Kizisto a Panirsirngen ta o pangangarilawan na jinyo.

Sipolay 2:14

Yaten rana akma ney anak ni Ama ta do to am tao ta do karawan. So nicyakman na jyaten ni Yeso a yamyan so kataotao. Am mawakwak rana o kataotao na ni Yeso am haragen na o oyowyat ni Satan a omwakwak so tao.

1 Pite 5:8

Meypepzat kamo. Taosya o kakma nyoy mitkeh so onowned. Ta si Satan a kavosoyan nyo am yakmey kokoman so tao a yaji yakneng do na yanan a yameykala so tao a na kanen a na pasyain so nakem ji Ama ta do to.

2 Pite 2:4

O nimeyraraten a tinsi am ji na vonasa o raraten da. Ta nipangay na sira do kararatan. So nilyowan na sira aptengen do kasarisaryan a yamapanala so araraw ni Ama ta do to a mapeykapyapinpin so tao.

Yota 1:6

Naknakmen nyo sira o nimeyraraten a tinsi a ji niomamizing si Ama ta do to a to ngaro do apiya yanan da do teyngato. Sira rana am na sira to peyyononga yavaoden ni Ama ta do to a yaneban do kasarisaryan a yaomapanala so araraw no ipasingkad na sira.

Ipaziman 12:13

Katenngan no kamolay o kanimapaptad na rana do teyrahem am mangay na cyocyowen o keyyan pa do vahay a mavakes.

Ipaziman 12:15

Meyratateng am amyan so rako a ranom a mamsot do ngongoy no kamolay a ipazyod na so mavakes.

Ipaziman 12:17

Karahan am somozi o kamolay a omarap so komownongan do mavakes. Ta sira rana am omonot do ciriciring na ni Ama ta do to a tao a omanoyong do nanao ni Yeso a tao.

Ipaziman 12:3

Karahan am amyan pa so mapangyangyalak a meytotwaw do hanit. Amyan so asa ka rako a akmey vangkoro a kamolay. Oo na am apito. Ozong na am asa ngarnan. Makakaday oo na no sakop no panirsirngen.

Ipaziman 12:4

O ipos na am kowkowen na o icyakatlo no mata no hanit a papispisen do teyrahem a kapeytatanek na do tangain no mavakes a tod na ji ngyan do vahay a mapananala so katazak na tao no kanakan a kapacyop na sya a kanen.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Ipaziman 13:2

O nimacita ko a omalalam am akma raney kokoman so tao. O ai na am akmey ai no rako a kokoman so tao. Akman sang o ngongoy na. So nitorwan na no kamolay so oyowyat na kano lilisnan na kano keynakman na do omalalam.

Ipaziman 13:4

To da na raralayan o kamolay. Ta nitoro na o oyowyat na do omalalam. So icyakman na sang no omalalam a iraralay da. Maniring sira am, “Sino makataha so omalalam eya. Sino makahad sya.”

Ipaziman 20:10

Si Satan rana a nimapeykawad sira am iwalit na do akman so awa so karakorako a lila no apoy. Am nimanmanma rana o makahaw a tao a kano omalalam do dang. Sira rana am abo maraw a abo mahep a ipeyrarahet da a mangay do kaidan no karawan.

Ipaziman 20:7

Hatasen na o asa zivo (1000) so awawan am pasawain na rana si Satan.

Ipaziman 9:11

Amyan so asa ka panirsirngen a tomalamozong nira. Iya rana am tinsi a tomalamozong no abo so takadan a gazawagaw a jyatenngi so karaherahem. O ingaran da jya no Sipolay am Apaton. O ingaran da jya no tao do Sila am Apolon. O peypeypangayan no nang am Manbalinas.