Ipaziman 2:9 - Seysyo No Tao

⁹ Ko inyo katenngan so alalaw a yamavak so velek. Am inyo rana am kamo ney mabsoy na. Ko inyo katenngan a yada tamwaden no yamanci no ka tao da do Yotay. Am sira rana ori am beken a tao do Yotay, ta sira rana am akmey kalavongan ni Satan.

Ipaziman 2:9 ပူးပေါင်းရင်းမြစ်များ

Matay 4:10

Tovisan ni Yeso am, “Angay rana mo Satan! Ta o ciring do Seysyo am, ‘Iraralay nyo o Panirsirngen a Tao do to nyo. So ika iya na no iraralay nyo. Ta abo o ikararwa na a iraralay nyo an.’ ”

Locya 12:21

Pakavosen ni Yeso o ciring na am ipanci na o, “Sira rana o yamanokoz no kataotao da so peymeymasaodan da am beken a katenngan a tao do tangain ni Ama ta do to o akman sang a tao an.”

Locya 22:65

Aro ciring da a ipeyleylak da sya.

Locya 4:18

“Yanimeygegcin jyaken o Seyzi na ni Ama ta do to. Ta yana nipamnekan yaken a mangay meylimwang no Mapasaray a Ciriciring na ni Ama ta do to do makasi a tao. Nitovoy na yaken a meylimwang no kasaway da rana no akmey kaneban a tao a kapakacita da rana no mavota tao a kasaliway da rana no peylamlamsoin da tao.

Locya 6:20

Citahen na ni Yeso o macinanao jya am ipanci na jira, “Inyo rana a ipangoyongoyod da tao am rakorako rana o sarasaray nyo, ta inyo o italamozong na ni Ama ta do to an.

Yowani 16:33

O ko pancyan no nang jinyo am ko ipadnadna so nakem nyo a macikaop jyaken. Am mangay o kalalaw da jinyo no ji manaralay a tao. Am ji kamo a zabab so onowned an. Ta ko na niharag o yamrahet so karawan.”

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 26:11

Masangib ko sira a pakakasin do peyneynozyan da a kapanci ko nira omalalas ji Yeso a iraralay da. So nikakdeng ko a macioya jira. Tomakatakaw kangay ko do teyhesa ka ili a mapakakasi sira.

Loma 12:12

Masaray kamo a omnanala so na itoro jinyo ni Ama ta do to. Tana amyan so alalaw nyo am ji kamo ahayo a meynozi ji Ama ta do to.

Loma 2:17

Inyo rana a tao do Yotay am nyo ipakazwazway o iwawalam na ni Moyse a kano mina kapamnekan na jinyo ni Ama ta do to amraralay nya.

Loma 5:3

Tana amyan so alalaw ta am masaray ta. Ta ori ipakateneng ta rana do ahapan ta sya no myan so alalaw ta.

Loma 8:35

Ikongo o makapasyay jyaten do pangangarilawan ni Yeso Kizisto. Manngwa, alalaw ta? Manngwa, peyrarehtan da jyaten? Manngwa, kakcinan ta? Manngwa, kabo no peymeymasaodan ta? Manngwa, kangineynanawan ta? Manngwa, wakwakan da jyaten? Jyabo a. Ta yabo o makapasyay jyaten do pangangarilawan ni Ama ta do to.

Loma 9:6

Beken a ko ipanci o kabo na rana no peypeypangayan no mina ciring na ni Ama ta do to jira, do da kaji nganoyngan ji Yeso Kizisto. Ta beken a todamimin sira o sivosivovoong ni Isedi a meyngongyod a Isedi a tao a italamozong na ni Ama ta do to.

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.

2 Kedinto 8:2

Tana tey makdeng o nilamdaman na sira ni Ama ta do to am sira na to naray. Tana mavak o velek da am da makto o da kapeykingking so da ipanidong.

2 Kedinto 8:9

Nyo na katenngan o pangangasyan ni Yeso Kizisto a Panirsirngen ta. Iya rana am abwata o kakzeben na an. Ta iya rana am tey meynakem do teyngato. Am na kapanadnad jyaten. So na ikakmey makasi a tao. Na apyapyahen pa o na katoda katawwan a yamapazanod jyaten do azwazway na do teyngato.

1 Tesalonicya 3:4

No kapacikaop namen pa jinyo asyo am nipanci namen rana jinyo o akman sang a alalaw. So na ipakaranes rana no alalaw nyo sicyaikwaya.

1 Timotay 1:13

Am tana niraherahet ko si Yeso no kakwa pa a kapakakasi ko sira pasnesneken so omanoyong jya am na ikarilaw yaken ni Ama ta do to, ta no kanang am ji ko nganoyngi pa si Yeso. So ji ko makatenngi do vazay ko.

1 Timotay 6:18

So pancyan mo nira mapeyvazay so apya vazay, kazonos da a manidong so icyatatao da.

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.

Ipaziman 2:13

Ko katenngan na katey mowyat ni Satan do yanyo peyilyan. Am yanyo jya nipasaklangan yaken no kawakwak da so meylimwang no ciring ko a tao a meyngaran so Antipa do italamozong na ni Satan a ili nyo. Nyo jya nipeymakarwan yaken a iraralay.

Ipaziman 2:2

Ko katenngan o nyo kasasaodan. Kamo mowyat a yameyvazay a yaji macizizikna do alalaw nyo. Ko katenngan inyo a yamapengkad so meyraraten a tao a amlivolivon no yamacitarek a ciriciring na ni Ama ta do to. So yanyo ipakateneng do malas a tao.

Ipaziman 2:24

“ ‘Am inyo rana tatasa ka tao do Tiyatila a jya niomonot do malas a nanao a jya nimacinanao do matayo a iwawalam ni Satan am ji ko na norwan jinyo o masalit a ji nyo a patakan a vazay.

Ipaziman 3:9

Citahen nyo sira o kalavongan ni Satan a yamanci no yada ka tao do Yotay a yamangalalas. Ipanci ko sira mai a meylilitod do tangain nyo a kapakateneng da na jyaken a marilaw ninyo.

Ipaziman 7:14

Maniring ko am, “Imo o makateneng jya.” Maniring jyaken am, “Sira rana am nimasapa da o rako a alalaw da no kakwa. Sira rana am nioyasan da no rala no Kagling o ayob da. So na ikalalavang rana no ayob da.