Ipaziman 2:5 - Seysyo No Tao

⁵ To nyo rana naknakma o yanyo nikahahan no nakenakem an. So ipamlis nyo a amwoli so kararalay nyo nyaken an. Ta no si ji kamo mamlis am to ko nangai a mehes so peyzeyzampwan nyo.

Ipaziman 2:5 ပူးပေါင်းရင်းမြစ်များ

Matay 5:14

“Inyo rana am akma kamoy zezngang do karawan. Akman so vahay a nipatnek do tokon a abo so ji makacita sya tao.

Matay 5:15

Abo o mapowzib so nipaciscisan na zampo. Ta to rana pacimalaga a izezak so tao do sahad no vahay.

Make 12:9

Maniring rana si Yeso am, “Meypeypanngonngo paro o meyngongyod a mapeymowamowa sya tao. Jyabo kavyay na sira so nimvood so nihakawan na tao a ji na ngaolya jira o peymowamowan na, katoro na nya vooden da no matarek a tao a.

Locya 1:17

Ta iya rana am manmanma a mai a kano Panirsirngen nyo. Ta oyatan na no Seyzi akman si Idiya. So peypeypapyan na so nakenakem no nimeyrahet so nakem a malama. Ipeysinaoli da mamlis so nakem no meyraraten a tao. So icyakma dey mina tazak a tao so onowned. So ikanoyong na somidong so tao a omnanala sya.”

Locya 20:16

Jyabo kaji na balinasan sira a kapapalit na so tao a amvood so nihakawan na.” Mamizing da no aro a tao o ciriciring na am ipanci da o, “Jyabo kato na akmanan sang no vazay a.”

Cyalatay 5:4

Inyo rana yamnakenakem so kabnek na jinyo a abo so raraten ni Ama ta do to a yamangozay do iwawalam na ni Moyse am kanyo manoyong a yameyparai ji Kizisto, do nyo kataosya so oyowyat na ni Ama ta do to a yasomidong jinyo.

Veydipi 2:15

So nyo ji meylimotengi so onowned a abo so karatan a akma ney anak ni Ama ta do to a yamacikaop do meyraraten a tao do karawan. Ta inyo rana am akma kamoy zezak da, akman so mata no hanit a amzezak so kasarisaryan,

Sipolay 10:32

Manakem nyo no kakwa. Tana aro o alalaw nyo no kavayo nyo pa a omanoyong ji Yeso am jyabo kanimaharag nyo no alalaw nyo a.

2 Pite 3:17

Am nyo na katenngan o yakman sang a ciring, manga kakteh. So azimanan nyo sya, ta kalittan kamo so onowned a peykowawen so nakem no yaji macipayok so nakem a tao.

Yota 1:24

Apzatan na inyo ni Ama ta do to a kaji nyo meyraratenan. So ikanoyong nyo a masaray a abo so karatan a mangay do tangain na ni Ama ta do to a macikazway jya.

Ipaziman 1:20

O peypeypangayan no yapito a ka peyzeyzampwan a ovay a macita mo do wanan ko am yapito a ka kyokay. O yapito a ka mata no hanit am panipanirsirngen no yapito a ka kyokay.”

Ipaziman 16:9

O tao am kakwatan no azidangdang no araw. Am ori o nyavayan da so tey mowyat a Tao do to a tomalamozong no alalaw. So ji da ngaroi do peyraratenan da. Ji dakzan o kasaray da ni Ama ta do to.

Ipaziman 2:16

Am ori o ipamlis nyo, ta no ji kamo mamlis am makeykai ko a mai a kabalinas ko sira no yako sangpahen a ipangan.

Ipaziman 2:19

Yako katenngan o mo kasasaodan. Ko katenngan o nyo kararalay nyaken. Ko katenngan o nakenakem nyo si Ama ta do to a kano vazay nyo si Ama ta do to a yaji macizizikna do alalaw nyo. Yako katenngan o na karwaro pa no vazay nyo sicyaikwaya kano kakwa.

Ipaziman 2:2

Ko katenngan o nyo kasasaodan. Kamo mowyat a yameyvazay a yaji macizizikna do alalaw nyo. Ko katenngan inyo a yamapengkad so meyraraten a tao a amlivolivon no yamacitarek a ciriciring na ni Ama ta do to. So yanyo ipakateneng do malas a tao.

Ipaziman 3:19

O ikarilaw ko a tao am miminen ko sira vavagan. Am ori o ipeypakdeng nyo so nakem a komaro do raraten nyo.