Ipaziman 2:23 - Seysyo No Tao

²³ Wakwaken ko sira o macihza jya tao, ipakatenngan da jyaken no tao do peycyakyokyokayan na a makateneng do onowned no tao. To ko palololwa do mina vazay nyo o itoro ko jinyo.

Ipaziman 2:23 ပူးပေါင်းရင်းမြစ်များ

Matay 16:27

Yaken rana a Nipamnekan na ni Ama ta do to a tao am maciralay ko do azwazway na ni Ama kano aro a tinsi a meygegcin. To ko palololwa o yazaw ko so mina vazay da jyaken no tao.

Locya 16:15

Maniring jira si Yeso am, “Kanyo mapakapyapya so nakem do tangain no tao. Am si Ama ta do to rana am yamanita so onowned no tao an. Ta o ipanci no tao a ney makdeng na vazay am ipanci na ni Ama ta do to a jyakdeng.

Yowani 21:17

Ipitlo na pacicin ni Yeso am akman sang o ciring na. Maniring am, “Imo rana mo Simong a anak ni Yowani am manngwa, mo ikaglaw yaken an?” Mina todarahet o aktokto na ni Pite do keypipitlo na mapacici sya no kaglaw na nya, kaji na aglawan nya. Maniring rana ji Yeso si Pite am, “Mo katenngan o makakaday. So mo ipakateneng jyaken a yatey maglaw nimo, mo Panirsirngen.” Maniring si Yeso jya am, “Peyveyveknen mo o yaomanoyong jyaken a tao a akma koy kagling.

Yowani 4:16

Maniring jya si Yeso am, “Angay pancyaney o kahanghangan mo a kai nyo do jya.”

Nimlivolivon 1:24

Meyratateng am meynozi sira a manci no, “Mo Panirsirngen, mo katenngan o nakenakem no tao do teyrahem. So pancyan mo nya jyamen so nipamnekan mo do yararwa eya,

Loma 14:12

No si akman sang am mamimin tamo a mangay do tangain na pacicin na ni Ama ta do to no makwa.

Loma 8:27

Si Ama ta do to o yamakateneng do onowned ta. Katenngan na o nakenakem no Seyzi. Ta o Seyzi am na to mangozai o nakenakem na ni Ama ta do to a yameynozi nyaten a yamanoyong a italamozong na tao.

2 Kedinto 5:10

Ta mamimin tamo eya a mangay do tangain ni Yeso Kizisto a pacicin na. To na palololwa do mina vazay ta do karawan o itoro na jyaten.

Cyalatay 6:5

So ikamimin no tao a macipanoyonoyong a ji makanet so nakenakem do tangain na ni Ama ta do to.

Sipolay 4:13

Abo o makatayo do tangain ni Ama ta do to. O yamakakaday do karawan a nyamaog na am yabo na jyacita so vazay. So ikamimin ta katenngan na so onowned do tangain ni Ama ta do to.

1 Pite 1:17

No kamo meynozi am nyo abneken si Ama ta do to a Ama nyo. Iya rana am ji mapeycyakaban a yamanita so mina vazay no tao. Am ori o panadnadan nyo sya an, do iyan nyo pa do karawan.

Ipaziman 2:11

“ ‘O ciring no Seyzi so peycyakyokyokayan na am amizngen nyo a yameycicilwan an. O jya nimablis so onowned a tao am ji rana meydedna jya o keypirwa na mawakwak.’

Ipaziman 2:7

O ciring no Seyzi so peycyakyokyokayan na am amizngen nyo a yameycicilwan a tao an. Sira rana yamakata tao am ipanta ko sira so oyowyat da a koman so asyasi no kayo a yapwan no to meyyonong a ikavyay no pahad da ji Ama ta do to do teyngato.’

Ipaziman 20:12

Makacita ko pa so nimawakwak a tao. Tana meynakem a tana jyeynakem am abo ji nanek do tangain na. So nikawasak na rana no vakong. O asa ka vakong a adketan no ngarangaran no yanan na rana no to meyyonong a inawan da am akman sang a mawasak. O nimawakwak rana tao am to macilocilolo do mina iwawalam da no keyyan da pa do karawan o domket do aro a vakong ang a ipacici na sira.

Ipaziman 20:13

Makarahan am patwawen na no awa o nimawakwak a tao. Akman sang o kacyan a mapatwaw so nimawakwak a tao so pahad. Sira rana am to macilocilolo do mina raraten da no keyyan da pa do karawan o pacicyan na sira.

Ipaziman 22:12

Maniring si Yeso am, “Meytataziman kamo an. Ta yako makeykai rana a mai. Yai ko o nakem ko so omanoyong jyaken a tao am to ko palolwa do kapyapya no iwawalam da o nakem ko sira.

Ipaziman 6:8

Citahen ko am macita ko o baka akman rana so kakawan so keyteytawan. O maoran do baka am meyngaran ori so Kawakwakan a kapacitonton na no meyngaran so Heseb. So iyan no oyowyat da omwakwak so icyakapat no tao do karawan. Karwan da am mawakwak no arap. Karwan da am mawakwak no abcil. Karwan da am mawakwak no ingingnen a kano makakaday a kokoman so tao.