Ipaziman 2:10 - Seysyo No Tao

¹⁰ Ji nyo anyaheyan o yaomanam a alalaw nyo. Citahey kamo si Satan a yaomileylamdam so nakem nyo si Ama ta do to. So ikanoyong no tatasa jinyo a mangay na alyowen do pamemtengan. So ikasa ngarnan (10) no araraw na no peyrarehten no kataotao nyo. Am to kamo ngotokot so nakem. Ta ori o pantan ko ninyo so to meyyonong a ikavyay no pahad nyo.

Ipaziman 2:10 ပူးပေါင်းရင်းမြစ်များ

Matay 10:22

Pacioyyan da inyo a yaomraralay nyaken. Am o jyamama no makakaday a alalaw a tao am mahap da o to meyyonong a ikavyay no pahad da.

Matay 10:28

O makawakwak so kataotao a ji makawakwak so pahad am ji nyo anyaheyan. Si Ama ta do to o ikanyahey nyo. Ta iya o makawakwak so kataotao a kano pahad a alyowen do kararatan.

Matay 24:13

Am o to ngotokot a jyahayo so nakem a omraralay nyaken am mahap da o to meyyonong a ikavyay no pahad da.

Make 13:13

Pacioyyan da inyo a omraralay nyaken. Am o to ngotokot a jyahayo so nakem a omraralay nyaken am mahap da o to meyyonong a ikavyay no pahad da.

Make 8:35

Ta o amnakenakem so kataotao na am maraherahet, ta mawakwak ori. Am o tao a to ngawaw pa no kataotao na a mahap so vazay ko a meylimwang no Mapasaray a Ciriciring na ni Ama ta do to am mahap na o to meyyonong a ikavyay no pahad na.

Locya 21:12

Am do ji na sasnaji pa no alalaw eya am o mahap so ngaran ko a tao am rakpen da sira no tao a kapakakasi da sira, kangay da nira do peyneynozyan a kaneb da jira a kangay da nira do tangain no panipanirsirngen.

Yowani 12:25

O ambeywan do inawan na a tao am mapehes jya o inawan na. O tongbo so inawan na do karawan eya am mahap na o to meyyonong a ikavyay no pahad na do teyngato.

Yowani 13:2

Moyab sira do araraw no ipamaring da so kanen ni Yeso a kano macinanao jya am amyan rana si Satan do onowned no anak ni Simong a meyngaran so Yota a tao do Isecyadi. So nipamnekan na rana do kapanazang na ni Yeso.

Yowani 13:27

Meyratateng am bedbedan na ni Satan o onowned na. Maniring si Yeso jya am, “No yamyan so yamo ipeynanakem a vazay mo am peyvazain mo am.”

Nimlivolivon 20:24

Am ko jyalawan o inawan ko. Ta ko kakakzeb so kakavos na no vazay ko a na nitoro jyaken ni Yeso Kizisto a Panirsirngen ta. So peylimwangan ko no Mapasaray a Ciriciring na ni Ama ta do to a omagaz do pangangarilawan na.

Nimlivolivon 21:13

Am maniring si Pawlo am, “Ikongo nyo lavyan jyaken a ko ikarahet no onowned. Cyaha, ta ko ahapen o vazay ni Yeso a Panirsirngen ta. Tana vaoden da yaken do Yelosaleng a mawakwak do dang am cyaha, ta nakenakem ko an.”

1 Kedinto 9:25

O abwangen da macipalalayo a tao am tey mazikna sira ori. Ta ori o ipakahap da so azaw da. Am o yata kakzeben am jyararalaw a azaw ta ji Ama ta do to.

Ivoso 2:2

No kano nang am onotan nyo pa o malas a vazay da no ji manganoyong a tao a kano ciring ni Satan a yatomalamozong no meyraraten a tao.

Ivoso 6:12

Ta yaten rana am beken a ta macililiman do tao. Ta tamo macililiman ji Satan a kano aro a kalamsoyan na yatomalamozong no meyraraten a tao do karawan.

Yake 1:12

No amyan so alalaw a kajyablisan so nakenakem ji Ama ta do to am tey masaray o akman sang a tao. Ta no jyablis o nakem na am mahap na o to meyyonong a ikavyay no pahad na a nakem na sira ni Ama ta do to so amraralay nya tao.

1 Pite 5:4

Ta no si makaranes rana o araraw ni Yeso Kizisto a yaomaponged ninyo am manoyong o kapakahap nyo rana so yazaw na jinyo a to meyyonong a azwazway nyo do teyngato.

1 Pite 5:8

Meypepzat kamo. Taosya o kakma nyoy mitkeh so onowned. Ta si Satan a kavosoyan nyo am yakmey kokoman so tao a yaji yakneng do na yanan a yameykala so tao a na kanen a na pasyain so nakem ji Ama ta do to.

Ipaziman 13:14

So nipakahap na so rako a oyowyat a meyvazay so mapangyangyalak a vazay do tangain no nimanma na omalalam. Am ori o nilittan na do tao do karawan. Ipanci na o tao do karawan a mamaring so kamamagenan no nimatavaz no ipangan a omalalam.

Ipaziman 13:2

O nimacita ko a omalalam am akma raney kokoman so tao. O ai na am akmey ai no rako a kokoman so tao. Akman sang o ngongoy na. So nitorwan na no kamolay so oyowyat na kano lilisnan na kano keynakman na do omalalam.

Ipaziman 13:7

So to na rana myapyai sya amgogad no omanop ji Ama ta do to a tao a iharag na sira. So ikatey mowyat na tomalamozong no meykeytetngehan a tao do karawan a kano peycyamahamahatawan na kano meykataretarek so ciriciring a tao.

Ipaziman 17:14

Sira rana am arapen da o Kagling am haragen na sira no Kagling a kano nipamnekan na tao a omanop jya. Ta iya rana am kabtekan a Panirsirngen.”

Ipaziman 2:13

Ko katenngan na katey mowyat ni Satan do yanyo peyilyan. Am yanyo jya nipasaklangan yaken no kawakwak da so meylimwang no ciring ko a tao a meyngaran so Antipa do italamozong na ni Satan a ili nyo. Nyo jya nipeymakarwan yaken a iraralay.

Ipaziman 2:9

Ko inyo katenngan so alalaw a yamavak so velek. Am inyo rana am kamo ney mabsoy na. Ko inyo katenngan a yada tamwaden no yamanci no ka tao da do Yotay. Am sira rana ori am beken a tao do Yotay, ta sira rana am akmey kalavongan ni Satan.