Ipaziman 17:9 - Seysyo No Tao

⁹ “O mateneng a tao am to da na tenngi. O peypeypangayan no apito a ka oo am apito a ka tokon a lisnan no mavakes. Ipanci da ori a papito a ka panirsirngen.

Ipaziman 17:9 ပူးပေါင်းရင်းမြစ်များ

Matay 13:11

Tovisan ni Yeso am, “O ji na nipatwaw pa a peypeypangayan na do talamozongan na ninyo ni Ama ta do to o nipanci ko jinyo. Am o karwan no tao am da pa jyatenngi ori.

Matay 24:15

“Macita nyo no makwa o nipanci ni Taniar a mapaoya a somazovaz si Ama ta do to a mangay da patneken do ji nyo mamyapyan a tankan na. (No vilangan nyo o ciring eya am to nyo na naknakma o peypeypangayan na.)

Ipaziman 13:1

Karahan am makacita ko so asa ka omalalam a apo do awa. O ozong na am asa ngarnan. Oo na am apito. O ozong na am makakaday no sakop no panirsirngen. Oo na am adketan no ngaran a iraherahet na si Ama ta do to.

Ipaziman 13:18

O mateneng a tao am to da na tenngi o peypeypangayan no vilang a ngaran no omalalam. Ta o peypeypangayan no vilang am asa ka tao. O vilang am yanem o neykasikapito a poo no neykapito a ranaw (666).

Ipaziman 17:18

O mavakes rana a mo nimacita am rako a ili a yatomalamozong no panipanirsirngen do karawan.” Ori rana o ciring na jyaken no tinsi.

Ipaziman 17:3

Yaken rana am nipeypalanginan na yaken no Seyzi a kangay na nyaken no tinsi do kabwan no nihakawan no tao. Am ori o nipakacita ko so asa ka mavakes a maoran do asa ka akmey vangkoro a omalalam. O kataotao no omalalam am makakaday no nivatvatkan a ciring a iraherahet na si Ama ta do to. Omalalam rana am apito oo na kano asa ngarnan a ozong na.

Ipaziman 17:7

Maniring jyaken o tinsi am, “Ikongo mo kalakan nya. Ipanci ko jimo o peypeypangayan no yasomagpyan a mavakes a kano na avangan a yapito so oo a kano yasa ngarnan so ozong a omalalam ang.