Ipaziman 17:3 - Seysyo No Tao

³ Yaken rana am nipeypalanginan na yaken no Seyzi a kangay na nyaken no tinsi do kabwan no nihakawan no tao. Am ori o nipakacita ko so asa ka mavakes a maoran do asa ka akmey vangkoro a omalalam. O kataotao no omalalam am makakaday no nivatvatkan a ciring a iraherahet na si Ama ta do to. Omalalam rana am apito oo na kano asa ngarnan a ozong na.

Ipaziman 17:3 ပူးပေါင်းရင်းမြစ်များ

Matay 27:28

Meyratateng am opsowen da o ayob ni Yeso a kapayob da jya so akmey ayob no panirsirngen,

Nimlivolivon 8:39

Karwan da rana o ranom am ahapen na no Seyzi si Veydipo. Am ori o ji na nimakacitai rana sya no tao do Isopiya. Mangay rana ori am masaray rana o onowned na.

2 Tesalonicya 2:4

Iya rana am ioya na sira o tao a ji raralay nya. Ta abneken na o kataotao na makarakarang pa kano iraralay da no tao. So yangay na omlisna do raralayan da ni Ama ta do to a mapakataotao do to.

Ipaziman 1:10

Ipisa ka niciyo na am oyatan na yaken no Seyzi. So nipakamizing ko so akmey meyzapa a manci nya jyaken do likod ko.

Ipaziman 12:14

Karahan am makahap o mavakes ang so adwa ka panid no kangkang a ipakasalap na rana mangay do kabwan no nihakawan no tao a meyvahay. So iyan na do dang so kasisi so ikapat a kawan a mapeylamnay so kataotao na a ji na rana gogadan no kamolay.

Ipaziman 12:3

Karahan am amyan pa so mapangyangyalak a meytotwaw do hanit. Amyan so asa ka rako a akmey vangkoro a kamolay. Oo na am apito. Ozong na am asa ngarnan. Makakaday oo na no sakop no panirsirngen.

Ipaziman 12:6

a kaksoz no mavakes do kahasan a kangay na do angayan na nya ni Ama ta do to. So nipeyveyveknan na sya ni Ama ta do to so adwa so ikasikalima (42) a vehan.

Ipaziman 17:18

O mavakes rana a mo nimacita am rako a ili a yatomalamozong no panipanirsirngen do karawan.” Ori rana o ciring na jyaken no tinsi.

Ipaziman 17:4

O mavakes rana am meyyayob so vangkoro a ayob a adketan no vowawan a kano olo a kano masingat a lalitan. O lima na am meypinan so vowawan a panay a kapnowan no makakaday a macimasesnek a vazay na.

Ipaziman 18:12

So ikabo rana no tao a somazang do ovay da kano gizit da kano zaka da kano angongonay da kano tamtamek da. So icyakman na sang no nicinon da masisingat a ayob a kano nipariparing da no masisingat a kayo a apzapzatan a kano makakaday a masisingat a ileylamnay da no nakem.

Ipaziman 18:16

Maniring sira amlavi am, “To makasi o rako a ili ya. Ta akman so mavakes a mabwang a meyyayob so inyangana na meytaktakzes so padonen a kano makekdeng a tamtamek.

Ipaziman 21:10

So nitalamozongan na nyaken no Seyzi. Makarahan am yangay na yaken no tinsi do toktok no tokon a kapacita na nya jyaken so apo ji Ama ta do to a nimeygegcin do teyrahem a Yelosaleng.

Ipaziman 4:2

So ji ko nimeyyahahai a nitalamozong no Seyzi. So nipakacita ko na do teyngato so lilisnan no panirsirngen a keyyan no amlisna dang.